Lul Berisha u lirua nga gjykatësi që mbylli Gërdecin, arkivoi 21 Janarin dhe liroi Fullanin

15 Dhjetor 2016, 18:35Politika TEMA

Gjykatësi që vendosi rrëzimin e dënimit të përjetshëm për Lul Berishës në vitin 2014 është i njëjti gjykatës që ka qenë në trupën që vendosi shpalljen e Gërdecit një aksident teknologjik, duke shpëtuar nga përgjegjësia penale ish-Kryeministrin Berisha. Ky gjyqtar i emëruar nga vetë ish-Kryeministri Berisha në qershor 2011, ka shpallur të pafajshëm guvernatorin Fullani dhe ka mbyllur çështjen e 21 janarit.

Lexo.al analizoi historinë e lirimit të Lul Berishës nga fillimi. Vendimi për lirimin e të akuzuarit për krijimin e një bande kriminale në Durrës pas vetëm dhjetë vitesh vuajtje dënimi, ndonëse ishte dënuar me burgim të përjetshëm në vitin 2006 ka ngjallur në mënyrë të natyrshme reagimin publik të opozitës, shoqërisë civile dhe qytetarëve të thjeshtë të këtij vendi.

Megjithatë, ajo që shumë persona qëllimisht nuk thonë është që historia e lirimit të Lul Berishës ka nisur që në vitin 2014 dhe vendimi për lirimin e tij në 7 dhjetor 2016 ishte vetëm “kurorëzimi” i atij vendimi të dhënë dy vjet më parë nga Kolegji Penal i Gjykatës së Lartë, kur ky Kolegj vendosi të kthente vendimin e Berishës nga “burgim i përjetshëm” në 25 vjet heqje lirie.

Pasi gjykata anulloi burgimin e përjetshëm, shkurtimi i dënimit të Berishës nga 25 në 10 vjet u bë në mënyrë të natyrshme nga përllogaritja e kohës së vuajtjes së dënimit në qelitë e paraburgimit dhe nga tre amnistri të njëpasnjëshme. Në këto kushte, moslirimi i Berishës do të kishte qenë i paligjshëm, por nëse dënimi me burgim të përjetshëm do të kishte qenë në fuqi, ai nuk do të kishte përfituar asnjë ulje dënimi dhe sot do të vazhdonte të ishte pas hekurave.

Lexo.al,duke analizuar 448 faqet (http://shqiptarja.com/pdf/neë/Lulezim_Berisha%20vendimi.pdf) , që Kolegji Penal hartoi në vitin 2014, për të justifikuar vendimin e tij arbitrar për rrëzimin e verdiktit të përjetshëm për Lul Berishën, gjëja që të tërheq më shumë vëmendjen janë emrat e gjykatësve që morën këtë vendim.

Gjykatësi Shkëlzen Selimi ishte anëtar i atij Kolegji Penal dhe një prej përkrahësve kryesorë të ndryshimit të sentencës. Më përpara, Selimi ka qenë protagonist i tre vendimeve, mbase ndër më arbitraret që ka marrë ndonjëherë drejtësia shqiptare në historinë e saj. Ky gjyqtar, në vitin 2013, vendosi të arkivonte çështjen e Gërdecit si një “gabim teknologjik”, duke shmangur nga përgjegjësia penale Kryeministri dhe Ministrin e Mbrojtjes të kohës.

Gjithashtu, Selimi ka gjykuar në shpalljen të pafajshëm të ish-guvernatorit të Bankës së Shqipërisë, Ardian Fullanit dhe kryeinspektores së përgjithshme të Bankës, Elivar Golemit. I njëjti gjykatës ka mbyllur edhe dosjen e 21 janarit. Duke iu referuar trupit gjykues të asaj dosje, mes të cilëve përfshihet edhe gjykatësi Shkëlzen Selimi, në 21 janar 2016, Kryeministri Rama deklaroi: “Çdonjëri nga gjyqtarët e Gjykatës së Lartë që sot mban peng dosjen e 21 janarit është sot i akuzuar fajtor, që mban peng zbardhjen e drejtësisë”. Thirrja e kryeministrit në detyrë nuk pati asnjë jehonë në sistemin e drejtësisë shqiptare.

Por, kush e emëroi Shkëlzen Selimin në detyrë? Në datën 17.06.2011. më Fletoren Zyrtare u publikua vendimi numër 82, vendimi “për dhënien e pëlqimit për emërimin e zotit Shkëlzen Selimi, anëtar i Gjykatës së Lartë”, vendim që mban firmën e ish-Kryeministrit Sali Berisha dhe është ratifikuar në Kuvend nga ish-Kryetarja, Jozefina Topalli. (kliko këtu për të lexuar VKM: http://www.qbz.gov.al/botime/fletore_zyrtare/2011/PDF-2011/82-2011.pdf).

Admir Thanza, gjyqtari që gjithashtu ishte pjesë e trupit gjykues që vendosi ndryshimin e dënimit të Lul Berishës, ka qenë edhe ai pjesë e trupit gjykues që vendosi të arkivojë çështjen e Gërdecit.

Ardian Dvorani, gjithashtu pjesë e asaj trupe famëkeqe që në vitin 2014 vendosi lirimin nga burgu, në një të ardhme të afërt të Lul Berishës, ka qenë pjesë e një tjetër trupe që ka marrë një vendim të diskutueshëm, asaj që gjykoi ish-Kryeministrin Sali Berisha për shpërdorim detyre, pas kallzimit të ish-nëndrejtorit të ALUZIN-it ndaj tij disa vite më parë. Vendimi? Sali Berisha i pafajshëm.

Pavarësisht se ishte vetë ish-Kryeministri Berisha ai që emëroi gjyqtarin që liroi nga burgu Lul Berishën, ai sot, së bashku me Partinë Demokratike janë vendosur në tribunën e të asaj që për Sali Berishën, është afera korruptive e kësaj qeverie. Njëkohësisht, të njëjtët aktorë që kanë njollosur gjykatat shqiptare, sot linçojnë Bashkinë e Durrësit, duke argumentuar që lirimin e Berishës në fakt e ka orkestruar kryebashkuaku Vangjush Dako dhe jo gjykatat që ata kontrollojnë.

E vërteta është se ajo që ka bërë Bashkia është kthim përgjigje i një shkrese rutinë, ashtu siç përgjigjet çdo bashki në Shqipëri, ku ata që dënohen nga gjykatat me punë vullnetare në komunitet shërbejnë pranë ndërmarrjeve bashkiake.

Edhe një herë më shumë, mënyra se si është liruar Lul Berisha, është shembulli më kuptimplotë që ilustron nevojën e menjëhershme që ka drejtësia shqiptare për një spastrim të përgjithshëm, spastrim që mund ta realizojë vetëm zbatimi i ligjit të vetingut dhe zbatimi deri në fund i reformës në drejtësi. (Lexo.al)

10 komente në “Lul Berisha u lirua nga gjykatësi që mbylli Gërdecin, arkivoi 21 Janarin dhe liroi Fullanin”

  1. andi says:

    Ore djem me duket se po lexoni se prapthi. Ne 2011 president pra njeriu qe emeronte gjykatesit nuk ka qene Bujar Nishani por zari i Edi Rames me emrin Bamir Topi. Asokohe ambasador i SHBA ne Tirane ka qene Withers, nje top i zi kolesteroli qe i bente presion parlamentit te votonte cdo gjykates qe sillte Topi njelloj sic i ben presion sot Lu te votoje ligjet e reformes. Prandaj Shkelzen Selimin faturojani ambasades amerikane dhe Bamir Topit. Dvoranin nga ana tjeter e keni sulmuar kot pasi ka qene i vetmi gjykates ne gjykaten e larte qe ka marre pjese rregullisht ne cdo tryeze te organizuar nga PS per organizimin e drejtesise. Me pak fjale eshte dora juaj.

  2. Komisar Katani says:

    Me siguri Kapterr Jari e ka rujt 1 dekorate per gjyqtarin!

    1. Ata votuan mosndeshkimin e tyre says:

      Harrove sentencen (?) Ket fjale to huaj qe plepat e Temes ja perplasin shqiptareve sikur nuk kemi denim apo ndeshkim ne ne shqip…..persa I perket gjyqtarit merruni me sistemin qe e ngriti she jo gjyqtarin Vete…
      Sec thuhet me siper, kete e vuri turku bamir dhe jo jeniceri nishani…she ne mos ky selam alekum do kishim elvisin e kavajes me urdher to edscobarit

  3. shoku says:

    Me keto patate te nxehta ne dore qe ka trajtuar, ky gjykates, ka bere bingo.
    Kushedi sa eshte lodhur dhe sa nete pa gjume ka kaluar.

  4. Nacionalisti says:

    Po gjushin e harruat?

  5. vezhguesi neutral says:

    Artikullshkrues injorant, analfabet ose dashakeq. vertet e ke lexuar vendimin !?
    Ardian Dvorani dhe Admir Thanza jane ne pakice ne ate vendim. Ndryshe nga tre te tjeret ata jane shprehur kunder heqjes se denimit me burgim te perjetshem ndaj LBerishes.
    Tung

  6. TT says:

    Mir e the lehtesimi i denimit erdhi ne 2014 kur rilindem dmth pamvarsisht se dhe pordhet qe ben ndonje ju i lidhni me berishen lirimi i zoteris u be ne qeverin e rilindjes me mdimen e kryetarit te bashkis rilindase dhe nje shkerdhat gjygjtari qe ben sherbimet e qeverise.berisha ka 1001 te zeza po sa qe ne pushtet rasti ne fjal u denua me burgim te perjetshem keshtu qe mos shkruani karlleqe

  7. mmoisiu says:

    Po pse lodheni me keto plehra ,ai se ka jeten te gjate ,eshte liruar per tu derguar ne boten tjeter !

  8. loni papa says:

    Ne vlore nuk merrje te drejten pa dhene leke tek nje sekserë i tij(i Shkelzenit) qe merret me lojra fati.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje