Kryeministri i vendit Edi Rama ka shprehur ngushëllimet e tij për humbjen e ish – kryeministrit të Kosovës Bajram Rexhepi.
Përmes një postimi në rrjetin social Facebook, Rama shkruan se Rexhepi ishte një shqiptar i ndershëm dhe patriot.
POSTIMI I PLOTË
Bajram Rexhepi ishte një shqiptar i ndershëm dhe patriot.
Një burrë i thjeshtë që i bëri nder Kosovës në çdo detyrë dhe i bën sot të ndjehen të ligështuar për humbjen e tij, jo vetëm miqtë po edhe të gjithë ata që politikisht ishin në llogore të tjera nga e tija.
Ai i’a doli aty ku shumëkush nuk i’a del dot: La pas një kujtim të mirë tek të mëdhenjtë e tek të vegjëlit.
Lamtumirë mik i mirë!