5X5/ 5 meshkujt më sexy & 5 meshkujt më të shëmtuar shqiptarë

TemA e nxehtë e së shtunës

nga Bledi Mane

facebook.com/bledi.mane

 

Ish konsulli austriak në Janinën e vitit 1847 si dhe një ndër filologët më prominentë të historisë,gjuhës dhe kulturës sonë Johan George von Hahn shkruan në veprën e tij “Studime shqiptare” : Nuk ka asnjë vend në botë si Shqipëria ku përfaqësohen të gjitha format e racës njerëzore prej bukurisë më të madhe deri te më e shëmtuara…

Një javë më parë botuam në suplementin tonë të së shtunës emrat e femrave shqiptare më sexy e më të shëmtuara. Mes polemikave të shumta të cilat ende nuk kanë sosur,sot vazhdojmë me meshkujt. Në fakt unë personalisht ndjehem paksa i çoroditur:mes vapës,varfërisë,pushimeve ne gjejmë kohë të reagojmë se kush dhe pse është i/e bukur apo i/e shëmtuar…Jam i çoroditur sepse më ka shokuar ky lloj reagimi nga lexuesit e shumtë,publiku dhe miqtë e mi. Ky është vitalitet dhe besoj se publicistika ime modestisht po ia arrin qëllimit. Falënderimet e mia dhe natyrisht një fundjavë relaksuese për të gjithë, me polemika poshtë çadrës së plazhit natyrisht. OK!

 

Sexy

1-Lorik Cana

I gjatë, i bukur, i pasur, i famshëm. Kosovari prishtinas 28 vjeçari Cana, është një nga meshkujt më simpatikë me tipare tipike mesdhetaro-shqiptare. Me tipare të pakursyera në fytyrë dhe fizik, me një zgjuarsi modeste të admirueshme, i thjeshtë dhe koshient me çka ka dhuratë nga Zoti dhe çka ka arritur me punën e tij Lorik Cana ka ndërkombëtarizuar bukurinë mashkullore shqiptare në Zvicër, Francë, Angli, Turqi, Itali më tepër sesa do të bëjë aktorja amatore me origjinë nga Qatromi i Korçës Eliza Dushku nëpër restorantet e Hollywood-it a Beverly Hills-it.

 

2-Agim Fagu

Publicisti Ardian Klosi para pak javësh botonte kujtime nga Tirana e viteve ’70. Përshkruante me detaje edhe si argëtohej metropoli i atëhershëm ndërsa mua më ka mbetur në memorie “kur tiranasit shkonin dhe shijonin nga afër kur stërvitej dhe luante basketboll Agim Fagu i famshëm i Partizanit”. Edhe sot po ta shohësh a takosh nga afër zotin Fagu pikas fare lehtë fisnikërinë dhe fizikun mashkullor të tij. I gjatë dhe me tipare ende të rregullta pavarësisht 60 viteve të moshës, basketbollisti legjendar i të gjitha kohërave mbetet një nga meshkujt model për të cilat kjo raca e jonë ka shumë nevojë. ish ambasador i Shqipërisë në Mbretërinë e Bashkuar, Agim Fagu drejton sot Komitetin Olimpik Shqiptar.

 

3-Gazmend Oketa

Imagjinoni një Sali Berishë me tiparet e bukura dhe të fisshme të durrsakut Gazmend Oketa. Imagjinoni një kryeministër me oratorinë dhe pragmatizmin e Oketës,me qetësinë,thjeshtësinë dhe fytyrën fëminore të deputetit demokrat. Imagjinoni një lider politik aspak konfliktual dhe të respektuar si Oketa dhe ju lutem shumë përgjigjuni kësaj pyetjeje: A nuk do të ishte më e bukur,më e qetë dhe më joshëse Shqipëria?

 

4-Ledri Vula

Këngëtari 25 vjeçar, kosovari Ledri Vula mbetet një nga njerëzit më simpatikë të showbiz-it mbarëshqiptar. Unik në të kënduar,stil veshjeje dhe komunikim me publikun, reperi Vula ka një sukses të garantuar me femrat në të dy anët e kufirit. Ndryshe nga kolegët e tjerë zhurmues, pjestari i bandës Skillz shquhet për mungesë vaniteti, e cila ia shton më tepër bukurinë.

 

5-Bamir Topi

Tironc i bukur, veteriner sexy, politikan i qetë. Këto janë arsyet pse e kemi listuar Presidentin Bamir Topi në Top Five. Pas Enver Hoxhës rikthehet në krye të shtetit shqiptar një tjetër fytyrë e bukur, por që me një berber më të mirë presidencial do e bënte Shqipërinë ta kishte zili edhe Brukseli, edhe Washington-i.

 

 

Të shëmtuarit

 

1-Genc Ruli

Një mendjemadh tipik lindor, një ekonomist politikan i dështuar që sillet si të jetë Alan Greenspan. Forumi i pensionistëve demokratë e urren sepse u kallet Kadri Hazbiu nga mënyra si flet e qesh. Në ministrinë e Bujqësisë ku drejton e kanë epitetuar “fytyrë Gërdeci”,ndërsa Berishës ia shëmton trefish qeverisjen. Imagjinoni sikur të ishte i bukur dhe sexy ky Genc Ruli edhe FMN-në do ta kishte vjedhur & e shembur si Ekspozitën buzë Lanës.

 

2-Indrit Fortuzi

Me brekë në stadium, me kostum në Ministrinë e Kulturës, me tuta sporti kur bën vrap…Fortuzi nuk josh dot njeri. Mbetet një nga ish futbollistët me emër të Tironës, por ndryshe nga sportistët e tjerë që janë kthyer në imazh a ikona mode nuk mund të kujtohet gjatë nga publiku. Ndoshta hyrja me sforco në politikë mund ta rregullojë disi. Besoj do të jetë me fat se një politikë e shëmtuar si e jona mund të të zbukurojë të paktën xhepat. Suksese Zogu!

 

3-Kastriot Islami

“Burrat e rëndë të Mallakastrës me fustanellat sipër këmbëve me muskuj, shtatin selvi dhe mustaqet ujdisur, trima me pallë, të bukur,të frikshëm…” Kështu këndojnë andej nga zona e Ballshit dhe mburren. Kanë të drejtë se kanë nxjerrë Rrapo Hekalin e Mehmet Shehun. Por me këtë të tretin,me këtë Kaçin e socialistëve e kanë dhjerë disi. Për çfarë t’i këndosh këtij trimi më parë: për fustanellën,për këmbët me muskuj, për shtatin selvi, për pallën, për bukurinë, për mustaqet…?

 

4-Ilir Babaramo

Gazetari gjirokastrit që drejton sot televizionin lokal News 24 është klasifikuar për vitin 2011 si fytyra më e shëmtuar e medias shqiptare nga studentët e skulpturës pranë Akademisë së Arteve të Bukura në Tiranë. Ne u kërkuam studentëve të na shpjegojnë arsyet dhe në e-mailin e tyre shkruhet: “U munduam gjatë por nuk mundëm dot të skulpturonim edhe zbokthin e shumtë mbi leshrat e Babaramos, ia harxhuam fakultetit gjithë allçinë por nuk na mjaftoi”.

 

5- Fahri Balliu

Për të mos u rënë në qafë gazetarëve, Balliun mund ta klasifikojmë si matrapazin më të shëmtuar. Askush nuk ka dijeni për punën e vërtet të tij. E ka nisur si gazetar komunist, tani ka një gazetë komuniste të së djathtës, paret i bën me gjoba, fabrika municioni si e Gërdecit, licenca hidrocentralesh dhe minierash për rusë, turq e kinezë, si dhe librin Zonja e Zezë- Nexhmije Hoxha që u

ua shet institucioneve demokrate të shtetit shqiptar. Një miku im në Bashkinë e Sarandës më tha se kjo bashki p.sh ka blerë 5 milion lek libra për Nexhmijen në gjermanisht, edhe pse në bashki s’di askush gjermanisht. Shquhet për mosqethje, moslarje dhe alergjinë që shkakton kudo që ndodhet, që nga zyra e Sali Berishës, deri tek ajo e Lul Bashës.

 

(c)campusALBANIA&TemA/2011

REMOTE_ADDR:[]
                 Loading...