Kosova kërcënon: Do vendosim referenca për mallrat shqiptarë, Berisha na tradhtoi

Sali Berisha dhe Mimoza-Kusari Lila

Ministrja kosovare Mimoza Kusari-Lila ankohet se nuk po zbatohet një marrëveshje për tregti të lirë mes dy vendeve. Ajo e ka hallin me çmimet e referencave në doganat shqiptare. Ta dijë Kusari-Lila sa po vuajmë ne nga këto referencat

“Qeveria shqiptare është tërësisht e vendosur që këtë hapësirë të lirisë së qarkullimit të mallrave e qytetareve ta zgjeroje me të gjithë vendet fqinje e mike të rajonit, çka do të sjellë një epokë të re në bashkëpunimin ekonomik e të gjithanshëm të këtyre vendeve, si dhe do të forcojë miqësinë midis popujve të tyre”. Kështu do deklaronte kryeministri Sali Berisha në një takim me ministren e Tregtisë së Kosovës, Mimoza Kusari- Lila.

Ajo iku e lumtur me premtimin se tani mallrat e Kosovës nuk do kishin pengesa për të hyrë në Shqipëri. Madje Berisha i tha asaj se kishte ndërmend edhe të ndërtonte një hekurudhë për të intensifikuar marrëdhëniet ekonomike mes dy vendeve.

Para pak ditësh, Balkan Insight shkruante se impakti ekonomik i Rrugës së Kombit ka qenë tejet i ulët.

Kurse këtë të mërkurë u shfaq Mimoza Kusari- Lila, ministrja e Tregtisë në Kosovë, që në mes të vitit kishte takuar kryeministrin me shqetësimin e madh për mallrat e Kosovës. Ajo shpalli se edhe qeveria e Kosovës do vendosë çmime reference ndaj prodhimeve të Shqipërisë.

Një vendim i tillë mund të merret nga Ministrja e Tregtisë dhe Industrisë, Mimoza Kusari-Lila, pasi sipas saj Shqipëria ka shkelur marrëveshjen e arritur me Kosovën për heqjen e çmimeve të references për produktet kosovare, siç janë patatja, qumështi, vera, etj.

Për këtë arsye, zonja Kusari-Lila i ka drejtuar një letër Qeverisë së Shqipërisë për heqjen e disa masave që po aplikohen nga Doganat e Shqipërisë në të kundërtën do të vendosen çmimet e referencës.

Marrëveshja për heqjen e çmimeve të referencës ishte arritur në qershor të këtij viti pas disa takimeve në nivel ministror, por Doganat e Shqipërisë po aplikojnë çmimin prej 18 cent për pataten e prodhuar në Kosovë, si dhe kuotë për eksportin e verës.

“Të dy këto vendime nga ana e Shqipërisë në kundërshtim me marrëveshjen e arritur me kryeministrin Berisha në muajin qershor për unifikimin e procedurave fiskale, Kosovë-Shqipëri. Nëse Shqipëria nuk heq taksën e referencës atëherë do të vendosim masën e reciprocitetit”, deklaron Ministrja e Tregtisë dhe Industrisë, Mimoza Kusari-Lila.

Për të gjitha këto zhvillime zonja Kusari-Lila ka njoftuar edhe kabinetin e Qeverisë së Kosovës, që sipas saj, ky nuk është një lajm i mirë për prodhuesit e patates në Kosovë, dhe është një kthim në pikën zero në marrëdhëniet tregtare mes dy vendeve.

Eh moj zonja Kusari-Lila çfarë halli kemi edhe ne me këto referencat.

 

 

REMOTE_ADDR:[]
                 Loading...