INTERVISTA e plotë/ Baze: Opozita po kërkon kokën e Berishës, jo karrigen e presidentit

10 Maj 2012, 21:33Politika TEMA

Intervistë e drejtorit të gazetës Tema, Mero Baze,  në emisionin e gazetarit Alfred Peza, në Vizion Plus

Intervista ne Vizion Plus

Ndodhemi në kulmin e një diskutimi në lidhje me zgjedhjen e Presidentit të ri të Republikës. Ka shumë takime, si kurrë më parë në vitet e fundit, ku pothuajse çdo ditë ka 2-3 takime të rëndësishme liderësh politikë aq sa po duket sikur nuk është më lajm takimi por ajo që po presin të gjithë është produkti. Në radhë të parë çfarë po ndodh me Presidentin e Republikës?

Mendoj se çështja e postit të ri të Presidentit po përdoret si një pretekst për të testuar shumicën qeverisëse në vend. Më shumë se sa përpjekje për të zgjedhur një president, kemi një përpjekje, një shantazh, një test, për shumicën në pushtet, për të provuar nëse ajo është e qëndrueshme ose jo. Risia e këtij zhvillimi është fakti që në lojë për të testuar shumicën ka hyrë një pjesë e shumicës, ka hyrë Lëvizjes Socialiste për Integrim, ose së paku, lideri i kësaj lëvizje dhe individë të tjerë brenda saj, – natyrisht në përmasa më të vogla se sa kryetari i LSI –së, për ta testuar dhe për të rikonfiguruar qëndrimin brenda saj. Pra, nuk kemi një përpjekje reale negociatash për të zgjedhur një president, por kemi një zhvillim real për të testuar shumicën në pushtet.
Duket sikur loja po luhet në dy shina, njëra ajo që thatë dhe tjetra është se po bëhen provat gjenerale për zgjedhjet e 2013 nëpërmjet këtij testimi…

E njëjta gjë është. Nëse themi se po bëhet përpjekje për të testuar shumicën në qeveri jemi në përpjekje për të shkuar në zgjedhje me këtë qeveri ose me një qeveri me ndryshim thelbësor.

 

A shihni ndonjë kontradiktë midis inflacionit të takimeve të liderëve me gjërat konkrete në lidhje me Presidentin e Republikës. Kam parasysh këtu faktin që nga pikëpamja kushtetuese të paktën 60 ditë përpara duhet të fillojë zyrtarisht procesi. Pra, mundësia për votimin e parë nga pesë votimet për Presidentin e Republikës. Ndërkohë që vetëm takime e takime dhe sikur takimet e frytshme dhe diskutimi konkret për emra konkrete dhe për arritjen e një rezultati konkret ndoshta Berisha po e shtyn drejt kufirit limit. Ka diçka këtu që po luhet?

Të gjitha këto që ju i konsideroni takime, janë më tepër divulgime për të testuar shumicën në pushtet. Kemi takime të parëndësishme për sa i përket pikëpamjes numerike lidhur me frymën Kushtetuese të Presidentit. Kushtetuta jonë parasheh një president të zgjedhur me një frymë konsensual për 84 vota dhe të gjithë këto takime, duke përfshirë liderin e opozitës Edi Rama, plus të gjithë të tjerët që takohen, nuk bëhen 84 vota. Pra, janë të gjithat takime në boshllëk, janë takime që shkojnë deri tek pragu i një presidenti kushtetues, por jo sipas frymës kushtetuese. Pra, jemi tek konsultimet për të zgjedhur një president me 70+1 dhe ende s’kemi një takim serioz, i cili të na mbushë mendjen që këto dy palë mund të zgjedhin një president me 84 vota. Vetëm Edi Rama dhe Sali Berisha kur të takohen bashkë, nëse do të takohen, kanë shansin që të na japin besimin e duhur që janë duke punuar për një president konsensual. Deri tani janë përpjekje për të testuar shumicën e thjeshtë të 71 votave.

 

Ky takim në fakt do të ndodhë, të paktën po t’i referohemi asaj çfarë ka deklaruar zoti Berisha në konferencën për shtyp me zotin Fyle, kur tha që stafet më përpara, por edhe ne, do të ulemi më datë 24 maj, kur është dita limit. Por, nga ana tjetër, në mbledhjen e qeverisë Berisha ka thënë se do të flasë për Presidentin pas 22 majit, kur ai kthehet nga një samit i Çikagos në SHBA. Thotë gjë kjo kur del nga goja e Sali Berishës?

Është e qartë që zoti Berisha kërkon t’ia ulë rëndësinë lëvizjeve paraprake të kundërshtarëve, por edhe disa të aleatëve të vet, të cilët në një farë mënyrë po luajnë me porta të vogla, po testojnë se sa është e aftë shumica të shkojë si e tillë deri në zgjedhje. Natyrisht që zoti Berisha është bërë nervoz nga të gjitha këto lëvizje. E ka humbur në një farë mënyrë qetësinë për shkak se aleati i tij kryesor në qeveri, aleati që i ka dhënë atij të drejtën për të formuar qeverinë, Ilir Meta, është duke u takuar hapur dhe fshehurazi me liderin e opozitës. Pra, shihet qartë se kanë vendosur një marrëdhënie të qëndrueshme me njëri – tjetrin, një marrëdhënie e cila është problematike për Berishën dhe ai thjesht është duke u përpjekur që të fshehë humbjen e qetësisë, t’i uli rëndësinë këtyre takimeve, t’i uli rëndësinë institucionalizimit të dialogut midis opozitës dhe një pjesë të aleatëve të tij të majtë, çka e bën atë që të flasë për takime formale për zgjedhjen e presidentit. Kjo për shkak se qartazi edhe ai e ka hequr nga mendja idenë se duhet të punojë për një president konsensual. Pra, jemi shumë larg shansit për një president konsensual. Të gjitha këto negociata paraprake, të gjitha këto paraprake, kanë orientuar fatkeqësisht – ky është zhvillimi më negativ për mua -, është qe e kanë orientuar zgjedhjen e presidentit drejt një presidenti kushtetues 70+1, president që del nga raundi i katërt ose i pestë dhe i kanë hequr shansin krijimit të klimës së besimit midis palëve dhe zgjedhjes së një presidenti konsensual.

 

Kush është zhvillimi më pozitiv meqë thatë më negativin?

Zhvillimi më pozitiv, por i cili nuk është pozitiv si zhvillim për një shoqëri normale, flasim për rrethanat e një konspiracioni ndaj pushtetit është që: zoti Berisha mendon se gjendet para një komploti dhe ka humbur qetësinë, e po përpiqet ta fshehë.

 

Kush janë shenjat që ju bëjnë ju ta mendoni këtë gjë?

Institucionalizimi i dialogut midis LSI dhe PS, konkretisht midis takimeve zyrtare zotit Rama dhe Ruçit me dy drejtues të LSI. Këto janë shenja të institucionalizimit të dialogut midis tyre pasi vijnë pas disa takimeve jozyrtare të tyre. Pra, pavarësisht se ato nuk bëhen publike, ato janë thuajse ngjarje të sigurta të konfirmuara nën zë nga palët, por jo publikisht dhe shihet qartë që jemi në një përpjekje për të instaluar një dialog. Kjo natyrisht që është shqetësuese për shumicën.

 

Ku e ka shfaqur, është shfaqur apo përveç qëndrimeve të mediave pranë Berishën ka ndonjë shenjë?

Një tregues janë nervozizmi i mediave të qeverisë. Një tregues tjetër është përpjekja e Berishës për ta nënvleftësuar ose për ta formalizuar thjesht si një detyrim formal çështjen e dialogut për presidentin. Kjo për shkak se zoti Berisha do të ishte shumë më i fortë po të shkonte në dialog për Presidentin në emër të shumicës, tani shkon në emër të Partisë Demokratike. Aleatët e tij në qeveri, madje edhe republikanët e çamët, edhe Ilir Meta, kanë filluar të zhvillojnë takime indivudale për presidentin, çfarë do të thotë se ata janë duke i treguar zotit Berisha se votat për presidentin, aq pak vota sa kanë, do t’i administrojnë në mënyrë personale dhe jo si pjesëtarë të shumicës. Është hera e parë që ndodh një zhvillim i tillë. Edhe në zgjedhjet e 2002 dhe të 2007 për president, negociatat janë zhvilluar midis kampeve dhe jo brenda kampeve. Kurrë nuk ka ndodhur që fjala vjen, në 2002, një parti aleat i Berishës të zhvillonte negociata personale me Nanon për Presidentin, as në 2007 në rastin tjetër. Është hera e parë, – se tre beteja kemi pasur për zgjedhjen e një presidenti me negociata paraprake – , që ne kemi një divulgim të spektrit politik ku partitë e vogla të opozitës negociojnë me Berishën dhe parti të vogla të Berishës negociojnë me liderin e opozitës. Ky është një zhvillim i cili është i ri për nga pikëpamja dhe humbet integritetin politik të palëve. Pra, secili po luan për hesapin e vet për një farë mënyrë dhe ky është një zhvillim i cili nuk është serioz për shumicën, e bën atë të paqëndrueshme për shkak se e paraqet atë të përçarë dhe jo unike në bisedime.

 

A po e luan mirë pjesën e vet të lojës Ilir Meta si “king maker” dhe a po mundohet të luajë në limitet e mundësive të veta politike dhe a çon gjëkundi kjo për të dhe për LSI, qoftë në lidhje me presidentin, qoftë edhe me atë çfarë sjell zgjedhja e presidentit më pas?

Mendoj që deri në këto momente kemi një faktorizim të tepruar të LSI, për shkak se në mënyrë të pazakontë ajo po tenton të jetë një faktor politik për prodhimin paralel të shumicave në vend. Sipas logjikës politike me të cilën zoti Meta foli publikisht dje pas takimit me Ramën, ai thotë që unë nuk do të largohem nga qeveria dhe do t’i qëndrojë marrëveshjes deri në fund, dhe nga ana tjetër negocion me kundërshtarin politik të qeverisë për një shumicë të re presidenciale. Pra, sipas zotit Meta, gjë që unë nuk e besoj se kjo gjë do të ndodhi. Zoti Meta po pretendon të jetë faktor politik për dy shumicë në vend: një shumicë presidenciale dhe një shumicë qeverisëse. Kjo nuk është korrekte nga pikëpamja politike në një shoqëri normale dhe nuk besoj se dikush e lejon. Njëri nga faktorët kryesorë politikë mund të mos e lejojë këtë gjë. Pra, nuk mund të kemi në një vend një tjetër shumicë presidenciale dhe një tjetër shumicë qeverise. Ajo shumicë që zgjedh presidentin më 24 korrik, ajo shumicë duhet të qeverisë vendin nga kjo datë deri në zgjedhjet e 2013. Pavarësisht se nga pikëpamja formale Meta thotë që unë do t’i qëndroj besnik edhe qeverisë edhe opozitës, unë mendoj se do të kemi dy shumica në vend, do të kemi një shumicë, shumicën që del nga zgjedhja e presidentit të 24 korrikut. Ajo shumicë dhe nëse është shumicë e qeverisë, edhe nëse presidentin e zgjedh Berisha pa LSI, Berisha do të bëjë ndryshime të tilla në qeveri që do të qeverisë pa LSI deri në zgjedhjet e 2013.

 

Mund të shkohet deri këtu?

Është normale. Është zhvillimi më normal politik. Nëse zoti Rama dhe Meta ia dalin të zgjedhin presidentin, qoftë edhe marifete, atëherë këta duhet të formojnë një qeveri teknike deri në zgjedhjet e ardhshme.

 

Pra, mund të kalohet në krizë parlamentare…

Nuk është krizë, është zhvillim i ri.

 

Ju keni bërë një editorial në gazetën tuaj Tema, e keni titulluar “Samiti i Sheratonit dhe samiti i Lalëzit”. Ka pasur shumë komente në blogje në lidhje me këtë shkrim, mbi normale mesatare të komenteve që bëhen nga shkrimet tuaja pothuajse të përditshme në internet. Me pak fjalë, për ata që nuk kanë pasur rastin ta lexojnë nga pikëpamja figurative çfarë duhet të kuptojnë?

Natyrisht që është një figuracion për ta ekzagjeruar fuqinë e një takimi të zakonshëm, për shkak se nuk është i zakonshëm, është një zhvillim i ri dhe është më 8 maj. 1 vit më parë Ilir Meta u bë faktor që Edi Rama të ikte nga Bashkia e Tiranës dhe një vit më pas po bëhet faktor për të prodhuar një shumicë të re presidenciale. Në fakt, ekzagjerimi duke i quajtur samite të dyja takimet është për të theksuar rëndësinë që ka takimi midis dy palëve.

 

Pse është i rëndësishëm?

Faktori LSI ka determinuar këtë zhvillim politik që kemi, prodhimin e një shumice të re në zgjedhjet e qershorit të vitit 2009 dhe fakti që një vit përpara zgjedhjeve këto dy faktorë politikë fillojnë komunikimin midis tyre është shumë i rëndësishëm. Unë e quaj pozitiv faktin se ata janë takuar publikisht në mënyrë zyrtare dhe kanë institucionalizuar dialogun. Qëndrimi im kritik, sidomos për opozitën, ka të bëjë më faktin se drejt këtij zhvillimi pozitiv, drejt bisedave, është shkuar në rrugë të nëndheshme, jo transparente dhe ndoshta me tolerime për kauzën politike të opozitës, të cilat mund t’i kushtojnë opozitës në të ardhmen në luftën e saj politike.

 

Përmes asaj që ju quani Samiti i Lalëzit?

Po. E konsideroj zhvillim shumë negativ, pavarësisht se duket si teori konspiracioni, pavarësisht se duket si…

 

Kush është pjesa e nëndheshme që e konsideroni ju negativ. Ne të dy ndoshta e kuptojmë se për çfarë po flitet, por për ta kuptuar më qartë ata që po na ndjekin. Unë mendoj që LSI pavarësisht se është parti institucionale politike ka qenë legjitime në vendimin e saj për të bërë aleancë me Sali Berishën, në vitin 2009, pavarësisht profilit të ndryshëm politik, për shkak se është një parti që ka bërë koalicion me koalicion e parë. I është dhënë mandati Sali Berishës për të krijuar qeveri dhe ata janë afruar. Nuk mund të thuhet se kanë humbur nga marrëveshja se kanë marrë më shumë pushtet se sa kanë miratuar, kanë marrë 20% të administratës. Zhvillimet që kanë pasur më pas kanë qenë negative. Kanë qenë negative për shkak se LSI e ktheu pjesëmarrjen në pushtet në një qëllim në vetvete për të qenë një parti plaçkitëse. Ne këtë nuk duhet ta harrojmë. Nuk duhet të harrojmë faktin që PD është një parti e madhe, është një parti që ka një lloj serioziteti në qeverisjen e vendit dhe nuk mund të krahasojmë profilin e drejtuesve të ardhur nga PD në pushtet me qokat dhe bacataçkinjtë në shumicën e rasteve që LSI i filtron në pushtet për të plaçkitur. Ne kemi një statistikë e cila është e pamohueshme që shumica e arrestimeve e peshqve të vegjël, – se të mëdhenjtë nuk i prek njeri – , në administratën publike qoftë korrupsion të vogël, të mesëm apo të lartë, janë në 90% të rasteve pjesëtarë të LSI.

 

Kjo mund të jetë edhe për shkak se është favorizuar më shumë PD dhe për të mbushur statistikat iu janë turrur administratës që vijnë nga LSI-ja…

Po të ishte me statistikë më shumë do të arrestoheshin nga PD, se ka më shumë njerëz në administratë nga PD. Por, fakti që edhe pse këta 20% zënë 19% të arrestimeve nuk kemi të bëjmë me ndonjë persekutim politik, por kemi të bëjmë me një tendencë të theksuar të pjesëtarëve në pushtet të kësaj partie për të plaçkitur. Domethënë është një fenomen i cili u institucionalizua dhe mori një pamje edhe shumë më të ashpër dhe të egër tek vetë kapja publike e liderit të LSI me zë dhe figurë me një kasetë që ka tronditur Shqipërinë dhe botën perëndimore, dhe ende nuk është gëlltitur fakti që ky njeri doli i pafajshëm nga ajo që ndodhi.

 

Kjo është njëra anë.

Shumë personazhe të nëntokës politike dhe të LSI që kanë qenë të akuzuar gjatë këtij mandati për afera qeverisëse siç është rasti i plaçkitjes të uzinave të Fierit duke i zhveshur nga ato komplet, lënien e hekurit për skrap edhe pse TEC-i ka qenë në gjendje pune, dhe për këtë është hapur një proces penal, janë njerëz të cilët janë shumë të afërt me kreun e LSI-së. Njëri prej tyre, Leonard Koka, një person problematik, i njohur në Shqipëri, njeri për të cilën në zgjedhjet e vitit 2005 Durrësi ka votuar 8 me 0 kundër Partisë Socialiste, ai ka qenë një faktor që ka votuar qartë në Durrës, kanë votuar kundër Fatos Nanos në vitin 2005. Tani shfaqet gjithmonë e më afër pranë LSI-së dhe çfarë është më e turpshme, shfaqet edhe në tryezën e takimeve të fshehtave midis Ramës dhe Metës.

 

Kjo s’është faji i tij, është meritë e tij.

Nuk është meritë, është turpi i atij që e përdor atë. Natyrisht nuk është ndonjë përgjegjësi shumë e madhe e zotit Rama që e ka gjetur atë në tavolinën e bisedimeve. Por, fakti që faktorë të tillë rigjallërohen nga zhvillimet politike është një gjë jo shumë produktive në aspektin etik, për shkak se vetë PS në zgjedhjet e vitit 2011, e ka defaktorizuar faktorin Koka në Durrës, edhe pse ata u rreshtuan me të gjitha masat represive apo shpeshherë jo legjitime që ata përdorin për zgjedhje në Durrës. Kryetari i Bashkisë së Durrësit, Vangjush Daku, e ka mundur me 2500 vota diferencë. Pra, për herë të parë është provuar që kush është me Nar Kokën në Durrës humbet. Ishte Nano në vitin 2005 humbi thellë, ishte Berisha në 2011 humbi thellë. Pra, është një faktor jo politik në Durrës. Pra është një faktor që të bën dëm. Pra, kush e ka armik është i nderuar në një farë mënyrë.

 

Në aspektin elektoral…

Në faktin elektoral. Fakti që njerëz të tillë përsëri gjenden në tryeza bisedimesh politike tregojnë inkriminim e lartë që ka politika me faktorë të tillë negativ dhe ringjallja e këtyre elementëve është një zhvillim negativ. Thashë, që kjo nuk është ndonjë përgjegjësi direkte dhe e madhe zotit Rama. Por në një farë mënyrë është një dëm që zoti Rama i bën kryetarit të Bashkisë së Durrësit dhe anëtarit të Kryesisë të PS-së, i cili e ka defaktorizuar me vota këtë faktor. Pra, është tjetër gjë të bisedosh me Ilir Metën dhe LSI-në, dhe tjetër gjë është që drejt këtyre negociatave të shkosh me një botë të nëndheshme. Kjo është një rezervë e madhe që unë kam për faktorët që e gjallërojnë këtë. Rezerva e dytë që kam në këtë është objektivi parimor. Objektivi parimor këtu mungon për shkak se negociatat midis Ilir Metës dhe Edi Ramës janë në kundërshtim me platformën publike që Edi Rama ka bërë për Presidentin e Republikës. PS dhe zoti Rama kanë shpallur para një jave një platformë për zgjedhjen e Presidentit konsensual. President konsensual me shantazhe ndaj shumicës nuk ka, pasi duhen, minimumi 84 vota. Presidenti konsensual arrihet me një tryezë të përbashkët bisedimesh me Berishën. Kështu që, në një farë mënyrë zoti Rama e ka asgjësuar objektivin për president konsensual, se Berisha nuk besoj më të ulet në bisedime serioze, ai mund të ulet në bisedime formale, por jo serioze për president konsensual. E vetmja gjë që ngelet është që zoti Rama të përdori testin për president konsensual për të shkërmoqur shumicën.

 

Ka të dhëna se çfarë ka arritur zoti Rama në takimin me zoti Meta, qofshin këto të fshehta ose publike? A kanë rënë dakord për ndonjë pikë? Kam të dhëna që kanë arritur të bien dakord për 4 pika të përbashkëta…

Unë mendoj se arritja më e madhe është takimi. Vetëm takimi si institucion, takimi i Metës dhe Ramës prodhon më shumë politikë se sa gënjeshtrat apo besën që i japin ata njërit – tjetrit. Fakti që ata të dy takohen publikisht, fakti që të gjithë jemi të bindur se ata kanë institucionalizuar një dialog midis tyre prodhon më shumë politikë se gjithçka tjetër, prodhon shqetësim te Berisha, prodhon nervozizëm tek ai, prodhon vendime të njëanshme të tij dhe natyrisht e kthen garën për president në një garë numrash dhe jo më në një garë politike. Një garë numrash nga e cila opozita dhe Ilir Meta do ta kenë shumë të vështirë të mbajnë një shumicë të bashkuar prej 71 votash, Berisha e ka pak më të lehtë, së paku mund të mbajë 68 vota në rresht dhe mund të luftojë për 3 vota. Kurse ata do ta kenë pak më të vështirë për të mbajtur 71 vota. Elementi i fundit që mund të dalë nga kjo përleshje nervoze është që Berisha tani është më në të drejtën e zotit – në kuptimin politik të fjalës – për të zgjedhur kandidat një figurë të rëndësishme të PD-së, siç është zonja Topalli. Për shkak se vetëm një figurë e rëndësishme e PD-së mund të mbajë të bashkuar pjesën më të madhe të grupit të tij dhe te ai të negociojë një pakicë më të vogël. Çdo figurë e diskutueshme që nuk është një figurë e rëndësishme politike mund ta vendosë Berishën në pozita më të disfavorshme për shumicën e re presidenciale se sa opozita.

 

Nga ato që përfliten si pika mund të kenë rënë dakord Rama dhe Metën njëri është që të zgjidhet një president jo i Sali Berishës, një tjetër është rënë dakord që të ketë një korrektim të sistemit zgjedhor, megjithëse komisioni i reformës parlamentare është në limitet e kohës. Por nga ana tjetër është rënë dakord që LSI ta mbështesë PS-në në votimin parlamentar për reformën parlamentare mbi votimin e fshehtë dhe diçka tjetër të kësaj natyre. Mund të funksionojnë këto?

Mendoj se pikat që janë rënë dakord që janë marrë vesh, janë formale, por janë të rëndësishme për shkak se synojnë ta vendosin Berishën përpara një situate tepër nervoze. Fakti që këta kërkojnë korrektimin kombëtar të zgjedhjeve është që të bëjnë aleat të gjitha partitë e vogla, pra të krijohet një aleancë shumë e fuqishme të cilën mund ta përdorin për zgjedhjen e presidentit kundër Berishës. Pra, më shumë se sa kërkesa shihet qartë se janë të vendosur për ta bërë nervoz Berishën. Janë të vendosur, është institucionalizuar dialogu për një shumicë të re presidenciale. Fakti tjetër që të mos jetë figurë e PD-së është që ta detyrojnë Berishën, natyrisht nuk besoj se ai bie në këtë kurth, por është që ta detyrojnë atë të zgjedhë në figurë jo të lartë të PD-së, me qëllim që edhe gara presidenciale të jetë më e lehtë. Sapo e thashë pak më parë që kjo situatë do të detyrojë Berishën fiks zonjën Topalli kandidate për presidente, për shkak se duhet një figurë shumë e rëndësishme e PD-së për të mbajtur votat e bashkuara dhe për të negociuara për një pakicë të vogël votash. Pra, do të jemi përpara zhvillimit të vitit 2007, ku në fillim Berisha ra dakord për një figurë neutrale, një oficer që ishte në Bruksel dhe që tani e kanë lënë pa punë. Ndërkohë që sapo situata u agravua dhe Nano po mblidhte firmat për të hyrë në lojë atëherë Berisha caktoi fiks figurën më të rëndësishme të PD-së, Bamir Topin, për të mbajtur të bashkuara votat e PD-së dhe iu desh të negocionte me Fatos Nanon për 6 vota. I njëjti zhvillim ka për të ndodhur edhe tani, Berisha do të vendosë një figurë të rëndësishme të PD-së nëse dialogu midis Ramës dhe Metës do të evoluojë, do të jetë në vazhdim në publik dhe Rama e Meta të gjejnë një figurë që të bashkojë 71 votat e tjera të parlamentit, për të cilën janë shumë dyshues. Por, ajo që llogarit Rama dhe Meta në këtë histori është që edhe sikur të mos e zgjedhin presidentin konsensual, ata do të kenë gati një sebep për një shumicë të re qeverisëse. Do të thonë i Berishës që nuk na respektove kërkesat tona dhe do të gjendemi përpara një situate ku koalicioni mund të prishet. Pra, është një ekuacion taktik, tërësisht taktik, i cili mund të prodhojë një shumicë të re, në mos presidenciale, qeverisëse.

 

Në të gjithë këtë histori, të gjitha veprimet e Edi Ramës dhe PS-së duken të kuptueshme. Ilir Meta pse?

Ilir Meta është më i rëndësishëm se kurrë këtë muaj.

 

Po pra, por pse lojën po e bën me Edi Ramën dhe jo me Sali Berishën? Ka ndodhur gjë në thelb, ka ndonjë çarje apo në thyerje parimore të fortë dhe të thellë, e cila po provokohet, o të ngjitet ose të shkëputet përfundimisht?

Mendoj që problemi më i madh që ka Ilir Meta janë zgjedhjet e ardhshme, pafuqia e tij politike për të qenë një faktor politik në zgjedhjet e ardhshme. Shihet qartë, nëse Ilir Meta do të jetë në koalicion me PD-në dhe do të futet në garë sëbashku me Berishën, ai do të jetë partia e dytë e atij koalicioni do të marrë mandate deputetësh se sa i takojnë, për shkak të formulës, e do të zerrojë të gjithë partitë e tjera brenda koalicionit të djathtë. Kjo gjë natyrisht që ka bërë nervoz të gjithë aleatët e Berishës brenda koalicionit të cilët e shikojnë Ilir Metën si një magnet që do të thithë të gjithë mandatet e tyre dhe askush nuk ka aq besim tek Ilir Meta sa ta nxjerri nga kjo garë me 10 deputetë dhe pastaj ta nxjerrin me dyfish në dorë sa çfarë janë tani. Kështu që, të gjithë përpjekjet reale të Berishës janë që Meta të kandidojë në zgjedhjet e ardhshme si një parti jashtë koalicioni të PD dhe Berisha të bëjë koalicion me të gjithë partitë e tjera dhe të ribashkohen pas zgjedhjeve.

 

Ndërkohë që synimi i Metës me sa dimë është që të marrë 10 mandate në tavolinë përpara se të hyjë në zgjedhje…

Kjo është e gjitha. Ai nëse hyn në koalicion me Berishën i merr 10 mandate, me kaq vota sa ka, me këtë formulë që është, ai i merr 10 vota. Kjo është një nga krizat e mëdha që ka Berisha.

 

Pra që Berisha nuk do që të faktorizohet më shumë se çfarë është sot LSI-ja nesër…

Berisha do ta mbajë me këtë nivel që ka dhe ta përdorë përsëri për zgjedhje në koalicion paszgjedhor. Meta do paraprakisht të hyjë në koalicion, të marrë 10 mandate dhe pastaj pazari me të do të jetë shumë më i vështirë.

 

Këtë mund ta garantojë që tani përmes zgjedhjes së presidentit ose s’mund ta miratojë…

Është në një fare mënyrë për t’i thënë Berishës se nëse nuk mi jep ti, mi jep ky tjetri. Pra është duke bërë shantazh për të rritur pazarin.

 

Po e arrin në fakt deri tani?

Kjo është për t’u parë. Është për t’u parë se sa do të funksionojë taktike – politike që ai po ndjek me Ramën dhe është për t’u parë deri sa Berisha do të bjerë pre e shantazhit të tij. Por, për një gjë jam i sigurt, që LSI nëse del e vetme në zgjedhjet e ardhshme ka mundësi që të mos përfaqësohet si forcë politike dhe jo më si koalicion. Kështu që, Meta e ka jetike faktin që ose Berisha duhet t’i thojë sot se do të jesh në koalicion me mua dhe ke 10 mandate, dhe kjo mund të nxjerrë huq të gjitha lëvizjet e Edi Ramës. Ose Edi Rama do ta përdorë Ilir Metën për të rrëzuar sot Sali Berishën. Kur them sot kam parasysh zgjedhjen e presidentit. Atëherë do të kemi një parti opozitare për një vit me të drejtë morale për t’iu bashkuar koalicionit të ardhshëm opozitar. Në të dyja rastet duket sikur i qajmë hallin një partie e cila më mirë mos të ishte në skenën politike shqiptare me atë imazh që ka prodhuar. Por, është një zhvillim nga i cili nuk shpëtojmë dot.

 

Nga e gjithë kjo lojë gjithmonë është kritikuar Edi Rama dhe PS që a luan mirë, a s’po luan mirë, a po e bën mirë lojën politike mbi bazën e rrethanave të krijuara, si po duket, është në të gjithë atë gjatësinë e valës dhe të drejtën e valës dhe a është duke aktruar mirë deri tani të paktën si lider i opozitës hapësirën që është krijuar?

Ka dy standarde për ta vlerësuar këtë. Nëse nisemi me standardin parimor, moral se si Rama ka zhvilluar opozitën pas vitit 2009, me kauzën e tij për vjedhjen e votave, me kauzën e tij të 21 janarit, e cila në një farë mënyrë u prodhua edhe nga ajo shfaqje e tmerrshme publike me zë dhe figurë e Ilir Metës duke mbajtur shënim në bllok paratë e taksapaguesve shqiptarë, nuk është një zhvillim i duhur kjo që zoti Rama po bën. Nuk kemi një zhvillim parimor politik, është një ikje nga qëndrimet morale dhe nga parimet mbi të cilat PS ka ardhur deri më sot. Por është një zhvillim pragmatist të cilin zoti Rama mund ta justifikojë me produktin që do të nxjerrë. Nëse do të isha unë lider i PS nuk do të kisha hyrë në këtë histori, mund të ketë të tjerë që s’do të hynin. Zoti Rama ka hyrë dhe ka hyrë me përgjegjësinë e tij politike. Pra, ai është duke bërë një gjë për të cilën do të marrë vete përgjegjësinë politike dhe ne do të shikojmë vetëm se çfarë do të nxjerrë nga kjo histori, nuk kemi të drejtë t’i themi “Stop” se nuk mund ta bëjmë këtë punë. Në rast se qëllimi jonë është që të largojmë Berishën nga pushteti dhe nëse zoti Rama si lider i opozitës është duke menduar një plan taktik që mund ta bëjë këtë, ne thjesht duhet të shikojmë produktin. Por, ata që do ta mbështesin këtë zhvillim, këtë lëvizje taktike të zotit Rama do ta kenë shumë të vështirë në fushatën elektorale të mbrojnë kauzat e tjera. Në një farë mënyrë kauza e historisë së korrupsioni politik të Gërdecit ku realisht është i përfshirë i biri i kryeministrit, por në fokus është Ministri i Mbrojtjes, i cili nuk po dënohet për këtë shkak, u dëmtua rëndë nga fakti se nga një veprim i tillë…

 

Ka pasur një zhvillim në Gjykatën Kushtetuese që i ka dhënë të drejtën gjykatës që ta gjykojë Fatmir Mediun…

Ta shqyrtojë për një dëmtim civil dhe do të ketë përsëri avokat Vishën. Fakti që herën e kaluar zoti Rama një muaj më parë hyri në një histori të ngjashme si kjo që po hyn me Ilir Metën për rastin e Adrian Vishës, ku u përfshi në një lëvizje taktike duke numëruar votat 7 i kemi këtu, 2 i kemi atje, 1 e kemi aty dhe do të mundim Berishë dhe nuk ia dolën.

 

Nuk besoj se kjo është e njëjta gjë…

Qartë. Mori një kosto publike dhe në një farë mënyrë dëmtoi shumë kauzën morale të çështjes së Gërdecit. Nëse edhe nga kjo histori del e humbur, ka dëmtuar rëndë kauzën e 21-janarit. Kjo për shkak se është përfshirë në një lëvizje taktike me një nga personat kyç i cili shkaktoi atë që shkaktoi, u bë shkak për vrasjet e 21 janarit, vrasjet i bëri Sali Berisha, por ky ishte një nga shkaqet politike që njerëzit dolën të revoltuar. Kështu që, është një gjë të cilën zotit Rama nuk mund t’i marrim dorën sepse është kryetari i PS-së, partisë më të madhe të opozitës dhe ka edhe mandatin e duhur nga partia e tij, derisa e ka atë mandat, për të bërë edhe lëvizje taktike e pragmatiste, nëse ato rezultojnë me sukses… Është çështje lidershipit.

 

Kjo do të thotë se nëse PS rikthehet në pushtet më 2013 të gjitha janë të justifikuara?

Jo çdo mjet justifikon qëllimin në këtë rast, për shkak se ajo do të duhet të ndeshet për të fituar në vitin 2013 me vizionin e saj për qeverisje. Por, mënyra për të dobësuar një regjim i cili përdor të gjitha mjetet për të qëndruar në pushtet, të detyron të përdorësh ndonjëherë të gjitha mjetet për ta rrëzuar, ose të paktën për ta plasaritur atë. Por, drejt pushtetit duhet të shkohet me zgjedhje të lira e të ndershme.

 

Dhe kjo nuk shkon edhe aq shumë në sinkron me filozofinë “Një rilindje kombëtare”…?

Nuk shkon me të thënë të drejtën në kuptimin e të ruajtjes së parimeve për të cilat opozita besohet se u vodh në vitin 2009 dhe u persekutua gjatë këtyre 3 viteve. Por, shkon në kuptimin e pafuqisë në të cilën gjendesh në regjime të tilla autokrate për shkak se këto nuk janë regjime normale ku ti ke liri shtypi, pavarësi intelektuale, debat publik. Këtu jemi në shoqëri civile. Këtu jemi në një vend ku të gjitha këto kanale janë mbyllur. Këtu ndonjë media mbijeton, ndonjë intelektual mbijeton, ndonjë pjesëtar i shoqërisë civile thotë ndonjë gjë aty ku mundet dhe shoqëria është e ngulfatur, dhe kemi një vullnetarizëm për t’i shërbyer regjimit. Rrethana të tilla natyrisht që janë shumë entuziaste, mund të plasaritin regjimin dhe mund të prodhojnë pastaj energji të tjera ndaj qeverisë që do të vijë në pushtet për ta vendosur atë në rrugën e duhur. Detyrimi i kësaj opozitare, nëse arrin ta plasaritë regjimin është që të krijojë një standard të ri në shoqërinë shqiptare për të mos përsëritur më historinë e këtij regjimi ku askush të mos ketë mundësi të flasë asgjë kundër këtij regjimi.

 

Në lidhje me takimin Meta – Rama, kur janë ulur besoj herën e parë dikush dikujt i ka kërkuar falje për diçka, kush mund të ketë qenë nga këto të dy dhe për ç’farë kanë kërkuar fjalë?

Kam idenë që do e kenë harruar këtë pjesë. Nuk janë aq etikë.

 

Përfliten legjenda urbane se dikush ka kërkuar falje disa herë…

Kam frikë se e kanë kaluar këtë pjesë, kanë kaluar tek pika dy.

 

Zoti Baze, në këto takime kemi parë një reagim të zotit Rama, i cili është shprehur që: Kujt çuditet dhe kujt mllefoset nga takimi i sotëm me Ilir Metën etj,.. etj,. Duket sikur ka një përpjekje të zotit Rama për të justifikuar publikisht veprimet që bën. Një prej të cilëve lidhet me një editorial “Të enjten pse në Opinion”….

Ka pasur përpara një editorial për Adrian Vishën se pse e ka votuar, do të ketë edhe sot një Editorial se pse e ka takuar Ilir Metën. Kështu që, mos u çudit nga përpjekjet e tij për të sqaruar opinionin publik.

 

Pse ky reagim? Pse nuk është kaq i sigurt Rama për veprimet që bën?

Nuk mund të themi se s’është i sigurt për veprimet që bën, pro është në një bilanc natyrisht të frikshëm pas reagimit të opinionit publik të opozitës ndaj ikjes nga kauza morale e opozitës. Pra, ka qenë rasti i Vishës, ka qenë rasti i qëndrimit ndaj Klanit, ka qenë historia e Ilir Metës, për të cilat zoti Rama është i qartë që do të ketë debat të ashpër publik me opozitën dhe do të përpiqet t’i dalë përpara, t’i sqarojë për shkak se ai është duke vepruar me koshiencë, duke tentuar të bëjë një rrugë pragmatike për të plasaritur shumicën. Pra, është duke bërë një veprim taktik, jo politik. Është një veprim që i ikën kauzave morale dhe politike që ai ka mbrojtur deri më sot me qëllimin që të arrijë të njëjtin rezultat. Po bën përpjekje të mëdha për t’i sqaruar këto. Për mendimin tim, në dy rastet e para kanë qenë sqarime të panevojshme. Sidomos sqarimi për të vajtur tek Tv Klan ka qenë krejt i panevojshëm.

 

Një editorial shumë i gjatë…

Një sqarim i panevojshëm fare. Tek Klan mund të shkosh dhe ato që i thua në editorial ik dhe thuaja Fevziut në studio dhe Snadrit, bëji të fala në fund dhe ik, se s’ka një problem të madh. Ajo ka qenë krejt e panevojshme. Kjo që ka nxjerrë të mërkurën është pak më logjike për shkak se reaksioni ndaj Ilir Metës është shumë i madh në opozitë, jo vetëm se ai u bë një faktor që mblodhi votat e së majtës dhe i çoi tek Berisha, por qëndrimet që mbajti në momentet e zhvillimeve kyçe siç ishte janari: Iu tha kokëpalarë atyre që dolën demonstrata dhe që në një farë mënyrë kanë rritur shumë dhe sensibilitetin e familjeve të viktimave ndaj opozitës. Zoti Rama është i shqetësuar për të sqaruar pozicionin e tij dhe për të shpjeguar se kjo është përsëri për të njëjtin qëllim për të plasaritur shumicën. Pra, në një farë mënyrë kemi dilemat që ai ka vetë si lider për veprimet që po bën, veprime të cilat po bën, veprime të cilat ai i konsideron pragmatiste dhe nuk mund të përzihemi në këtë histori. Janë vendime që i merr lideri i opozitës, ne thjesht mund ta vëzhgojmë, ta urojmë po ia doli. Jemi të detyruar të qëndrojmë jashtë taktikave të tij, të mos bëhemi pjesë e përpjekjeve. Unë si gazetar do të mbroj atë që kam shkruar për 21-janarin dhe Ilir Metën. Por nëse zoti Rama ia del të rrëzojë Sali Berishën apo ta plasaritë këtë, ai është përpara një produkti politik pozitiv se mund të çlirojë energji të reja në shoqërinë shqiptare, e cila mund të çlirohet nga diktati i Berishës dhe të prodhojë një debat shumë më të shëndetshëm se sa ai që ka vetë Edi Rama për të rrëzuar pushtetin. Kështu që, ne thjesht jemi duke i dhënë atij që të marrë përgjegjësitë për atë që bën.

 

Pyetja në fakt prodhon një pyetje tjetër se çfarë lideri është Edi Rama dhe në prag të zgjedhjeve të 2013, një vit përpara, një lider politik përcakton pikat në horizont dhe pikat në horizont të një lideri në politikë është të rikthehet në pushtet dhe pak rëndësi ka trajektorja që ndjek…

Jo, ka rëndësi dhe trajektorja. Mos ta bëjmë këtë sikur do të harrojmë. Po harruam se çfarë ka bërë Edi Rama, do të harrojmë çfarë ka bërë Sali Berisha, çfarë ka bërë Ilir Meta dhe ta bëjmë këtë shoqëri pa kujtese.

 

Kjo është pra, që duhet domosdoshmërish që ta llogarisim në pikën e horizontit apo edhe tek trajektorja që ndjek. Si duhet gjykuar një lider?

Unë do të doja që Sali Berisha të mundej, nuk do të doja që Sali Berisha të zbohej nga pushteti, t’i vidheshin disa vota, t’i merrej një këtu e aty dhe të ikte. Unë dua që Sali Berisha të mundet politikisht dhe të mbajë përgjegjësi pastaj për atë që ka bërë. Nëse rezultati për ta zbuar Berishën nga pushteti janë marifete të vogla dhe nëse ky veprim nuk prodhon energji të reja për shoqërinë shqiptare, nuk prodhon një opozitë të re të shëndetshme deri në zgjedhje, që ne të kemi mundësi ta mundim Sali Berishën. Nëse Sali Berishën e heqim nga pushteti duke marrë një aty dhe dy aty, Sali Berishën do ta kemi në politikë, do ta kemi të viktimizuar, do ta kemi të pastruar ditën e parë që ikim nga pushteti, se fundja ata që do të qeverisja unë m’i morët ju, unë skam çfarë bëj dhe unë kauzën time dhe kështu do ta kemi shumë më të vështirë të ndeshemi me fenomenin Berisha, për shkak se një pjesë e kusureve të tij do t’i mbarti pushteti i ri. Prandaj do të desha që nga këto lëvize taktike pragmatiste të opozitës të plasaritej pushteti me çdo kusht, kjo është një gjë shumë pozitive. Por, plasaritja të prodhojë një opozitarizëm të ri, një qeveri me të cilën të vazhdojë të dominojë kauzën morale. Do të vazhdojnë të dominojnë premtimet për të mbrojtur parimet mbi të cilat kjo opozitë pati probleme qoftë me lirinë e zgjedhjeve, qoftë me lirinë e shtypit, qoftë me lirinë ekonomike në vend, qoftë në marrëdhëniet midis institucioneve të cilat u kthyen në problematike për imazhin e vendit dhe po dështojnë për herë të tretë statusin e Shqipërisë për në Bashkimin Europian. Pra, nuk duhet t’i biem shkurt të themi që mjafton të ndryshojë pushteti se të gjitha të tjerat harrohen. Asnjë nuk duhet të harrohet. As vjedhja e votave të Edi Ramës nuk do të harrohet, as kaseta e Ilir Metës, as 21-janari, as 8-maji i vitit të kaluar. Pra asgjë nuk duhet të harrojmë se nëse harrojmë do të jemi të dënuar t’i përsërisim të gjitha gabimet.

 

Kjo është si puna e një parulle dikur, armiku më i rrezikshëm është ai që harrohet…

Është një virus që do të ngelet brenda nesh dhe kur të na përsëritet do të themi po, na ndodhi edhe një herë.

 

Që të arrihet kjo gjë, që të mos humbi fryma dhe le të themi kauzat morale për t’u rikthyer në pushtet ose jo, për të bërë rotacion politik ose jo, për t’u mundur Sali Berisha ose jo, duhet një frymë ndryshimi. Këtë frymë në fakt e kemi parë në vitin 2004 – 2005, përpara se Sali Berisha të rikthehej në pushtet përmes votës dhe do të largoheshin socialistët. A po krijohet kjo frymë? Po të kemi parasysh që këto që po analizojmë, këto gabime, këto elementë të kritikueshëm ose jo të veprimeve politike të Edi Ramës, këto vendime të Edi Ramës, siç mund të kenë për shembull elementë të kritikueshëm edhe fakti që caktoi disa anëtarë të Kryesisë së PS për të shkuar nga një zonë në një zonë të tjetër dhe Erion Braçe vazhdon ta sfidojë duke mos shkuar. A krijojnë këta tek Edi Rama figurën e një lideri politik të tillë që ta krijojë këtë frymë, ta orientojë dhe ta drejtojë këtë frymë, ta çojë këtë opozitë drejt një marrje të pushtetit dhe rikthimin e saj në pushtet?

Nuk janë opozita të ngjashme opozita e Berishës dhe e Ramës. Opozita e Berishës ka qenë shumë refraktare, shumë e ngulfatur tek 2-3 parime të saj, tek besnikëria politike, tek beteja kundër korrupsioni, tek lideri autoritar. Di gjë nuk ndodh tek kjo opozitë. Nuk them se ato janë më të mira dhe ato janë më të këqija, por nuk ka të ngjashme. Opozita e Ramës është krejt e ndryshme, është e bazuar me moderacionin politik të Ramës, është e bazuar me një lider shumë më të prekshëm dhe më konkret qoftë nga pikëpamja autoritative, qoftë nga pikëpamja sociale. Është një njeri që ulet shkruan, boton libra, merret me një jetë më sociale se Berisha i cili komunikon me shqiptarët vetëm përmes zëdhënësit, përmes deklaratave të ashpra, përmes qëndrimeve shumë refraktare ndaj pushtetit, përmes besnikërisë së fortë politike me të cilën kontrollonte opozitën dhe derisa shkoi drejt ndryshimit të vitit të fundit, i cili prodhoi frymë. Pra, fryma që prodhoi Berisha që dukej sikur ndryshoi vinte nga çlirimi i autoritetit të Berishës. Pra, ai filloi të dorëzonte pak nga autoriteti i vet, të bëhej më social, më tokësor dhe ajo prodhoi një frymë e re. Rama e ka këtë frymë, e ka në individualitetin e tij si lider i opozitës, në mënyrën se si ka bërë opozitë. Ndonjëherë është aq i bezdisshëm në shpjegimin e programit sa ka 3-4 muaj që shpjegon programin për sportin, rininë, bujqësinë, blegtorinë, bletët, mollët, rrushin, pra është i përfshirë në debate për të cilat janë shumë interesante po të kesh vëmendjen e duhur për t’i parë, por nuk janë brenda frymës që ka prodhuar opozita për ndryshimin dhe askush nuk e quan më të rëndësishme. Janë realisht të rëndësishme. Pra, nuk jemi në një pikë kritike, nuk është arritur një masë kritike ku ne të shikojmë që opozita ka këto profil dhe tani po prodhon një frymë valë ndryshimi. Kjo është beteja e fundit që Rama po bën. Është beteja për të plasaritur shumicën në pushtet përmes veprimeve taktike, përmes aleancave fluide, përmes bisedimeve nëntokësore për të plasaritur autoritetin e qeverisë. Kjo mund të prodhojë, nëse ia del, një frymë për ndryshimin e pushtetit, ku autoriteti i opozitës do të rritet, opozita do të dalë e fituar nga plasaritja e këtij pushteti dhe mund të shkojë duke u rritur drejt vitit të fundit elektoral. Por, mund të jetë edhe një kosto e rëndë nëse dështon dhe nëse Ilir Meta e gëlltit humbjen apo poshtërimin që Berisha mund t’i bëjë me zgjedhjen e Presidentit. Pra, llogaritet fakti që Berisha mund ta zgjedhë presidentin edhe pas këtyre taktikave të Ramës me Metës dhe ky i fundit të zemërohet dhe të prishë qeverinë. Por, mundet që Meta të mos zemërohet dhe atëherë do të jetë një përgjegjësi shumë e madhe për lëvizjet taktike të Edi Ramës në këtë pikë. Kështu që, unë pres një pikë kthese pas zgjedhjes së presidentit. Presidenti i ri do të prodhojë një qeveri të re, ose qeveri të Berishës, ose qeveri teknike, kjo mbetet për t’u parë. Pas asaj natyrisht që do të ketë një frymë të re për zgjedhjet.

 

Pyetja që shtrohet më pas është që kush ka më shumë vlerë: programi, fryma, kauza morale, betejat, 21-janari, protestat, tryezat me grupet e interesit apo një takim i thjeshtë me Ilir Metën, një takim i thjeshtë dhe më shumë tronditje nga një takim 1 orë se sa 8 vite radhazi?

Po, kështu duket në pamje të parë për shkak se nuk kemi të bëjmë me një regjim normal, nuk kemi të bëjmë me një qeveri që respekton opinionin publik, që respekton shtypin e lirë, që respekton zhvillimet negative dhe pozitive të vendit. Pra i shikon ato me syrin kritik. Vendi është duke shkruar në krizë ekonomike, kemi një kryeministër që thotë se jemi vendi i dytë pas Gjermanisë, na bën qesharak. Jemi një vend i cili kemi problem me pagat dhe pensionet në fund të muajit dhe jemi me një kryeministër me butafori që bën premtime financiare të cilat i bie të fikët kur i dëgjon dhe ministri i tij i Financave. Pra, ne nuk na qeveris një qeveri reale që bazohet mbi realitetin dhe ne ta godasim atë në pika reale dhe të ndikojmë mbi opinionin publik. Jemi në një qeveri që nuk dëgjon, që nuk shikon, që nuk do t’ia di më se çfarë ndodh më në këtë vend dhe kështu që fiton vlerë, kjo që thoni ju, që takimi Rama – Meta fiton shumë vlerë për shkak se gjendet pika e arkimedit ku mund të ngrihet gjithë pesha e pushtetit dhe të rrëzohet. Por, kjo nuk do të thotë që kjo duhet të jetë kauzë e opozitës. Kauzë e opozitës duhet të jetë që të mbrojë parimet e saj, t’i bindë shqiptarët me ndryshimin e programit për të bërë një ndryshim të madh në Shqipëri. Kurrë nuk duhet të heqë dorë nga ajo, kurrë nuk duhet ta konsiderojmë largimin e Berishës nga pushteti si çështje marifetesh apo koalicionesh. Ky zhvillim pragmatik është i rëndësishëm nëse prodhon një frymë të re, atë që quhet fryma e ndryshimit të pushtetit në Shqipëri dhe mund të kthejë vëmendjen përsëri pastaj ngas programi i PS, nga konceptet e saj për shtetin ligjor, për drejtësinë, për lirinë e shtypit, për lirinë ekonomike dhe për të gjitha problemet që kanë shoqëruar mbarëvajtjen ndërmjetës institucioneve në Shqipëri, të cilat na kanë katandisur keq në sytë e Europës. Por, kurrsesi ne nuk duhet të shpresojmë dhe nuk duhet të gëzojmë nëse ne Berishën e mundim javën e fundit, heqim katër vota këndej dhe kalojmë andej dhe lëmë në të njëjtën varkë të njëjtat personazhe.

 

Në një emision në Vizion Plus, në “A Show”, të Adi Krastës, ambasadori amerikan Arvizu ka deklaruar në lidhje me çështjen e presidentit që nuk është e thënë domosdoshmërish që kush garon i pari, domosdoshmërish do të zgjidhet dhe presidenti. Madje ka lënë të kuptohet që emrat që përfliten më shpejt dhe më shpesh më së shumti nuk arrijnë të zgjidhen president, duke lënë të kuptohet që këta emra që përfliten sot, mund të mos jetë asnjëri prej tyre, president mund të jetë dikush i panjohur. Të paktën tani si emër dhe si kandidat. A është ky mesazh për Nanon në fakt?

Nuk mendoj që është një mesazh për Nanon më shumë se sa është një mesazh për të treguar që SHBA-të janë të interesuar për një president jopolitik, jopartiak në Shqipëri, një president që duhet të respektojë frymën konsensual. Por, nga ana tjetër, nuk jam i bindur që Berisha është duke dëgjuar qeverinë e SHBA-ve në këtë pikë. Ai i ka dëgjuar ata derisa ka arritur të realizojë një takim me sekretaren e Shtetit në Uashington, ku natyrisht që është folur për një president konsensual. U ka premtuar atyre konsultime me opozitën për këtë çështje. Zhvillimet e kohëve të fundit e bëjnë Berishën më të justifikuar për të shkuar drejt një presidenti kushtetues dhe jo të një presidenti që të respektojë frymën Kushtetuese të konsensusit. Kështu që, është thjesht një dëshirë e ambasadorit amerikan për të zgjedhur një president konsensual. Ambasadori amerikan këtu ka dhënë prova që ka kundërshtuar hapur zotin Berisha për disa veprime. Por, kur zoti Berisha nuk e ka pyetur, e ka mbështetur zoti Berisha. Pra kundërshton hapur zgjedhjet në Tiranë dhe vjedhjen e mandatit të opozitës, por kur Lulzim Basha e ka marrë, ka hëngër dhe ka pirë darka tek shtëpia e Lulzim Bashës. Kështu që, nuk ka ndonjë brerje ndërgjegje nëse nuk ndodh ajo që nuk do Amerika. Thjesht ai bën detyrën e tij si ambasador i SHBA që të thojë se duan një president konsensual. Nëse nuk ndodh, nuk ndodh qameti për ata, thjesht respektojnë presidentin e radhës që është.

 

Po tre musketjerët, kanë ndonjë rol në këtë proces?

I vetmi i rëndësishëm këtu është presidenti i SHBA-ve, kurse ambasadori i BE dhe i OSBE-së kanë prodhuar një profil shumë të ulët publik në shoqërinë shqiptare, për të mos thënë që ambasadori i OSBE-së ka prodhuar profil qesharak në shoqërinë shqiptare, i ka bërë një dëm të madh imazhit të OSBE-së në Shqipëri. Domethënë, gati-gati, që nga vendosja e OSBE-së në Shqipëri në mars të vitit 1997, ne nuk kemi parë askund një ambasador të OSBE-së me një profil kaq të ulët publik dhe kaq larg objektivit të OSBE-së për të qenë në Shqipëri. OSBE-ja në Shqipëri, – nëse ambasadori i tanishëm nuk e di -, është vendosur në momentin që ra shteti shqiptar për shkak të Sali Berishës, kur ishte President Sali Berisha dhe kur ka ardhur prezenca e OSBE-së as media nuk dilte në Shqipëri…

 

40 ditë nuk dolën në treg…

…Dhe misioni kryesor i OSBE-së është liria e shtypit dhe zgjedhjet e lira në vend. Nuk ka asnjë detyrë tjetër. Nëse ambasadori i Gjermanisë, i Francës, i Italisë, i Amerikës, mund të interesohen edhe për ferma, edhe për investime amerikane apo gjermane, apo italiane në Shqipëri, apo për fabrika birrash, apo për fabrika qoftesh, ambasadori i OSBE-së ka për detyrë të merret vetëm me lirinë e shtypit dhe demokracinë në vendin tonë. Me të vetmen gjë që ky ambasador nuk është marrë në Shqipëri është liria e shtypit. Kanë ndodhur qamete më të mëdha për lirinë e shtypit dhe nuk dimë, nuk kemi asnjë deklaratë mbështetëse nga misioni i OSBE-së për lirinë e shtypit në Shqipëri. Përkundrazi, kemi veprime shpeshherë aleanca të fëlliqura të tyre përkrah qeverisë kundër lirisë së shtypit në Shqipërisë për t’i marrë ndonjë fond më shumë qeverisë, për të vepruar si një OJQ në krah të qeverisë. Kemi qëndrime tërësisht luajale me qeverinë për lirinë e zgjedhjeve dhe zgjedhjet e lira në Shqipëri. Mendoj se sidomos profili i këtij ambasadori e ka bërë qesharak misionin e OSBE-së, e ka bërë totlaisht të panevojshëm, për të mos thënë të dëmshëm për demokracinë në Shqipëri, edhe pse përfaqëson konsensusin e të gjithë shteteve perëndimore plus SHBA-në dhe Kanadanë.

Ambasadori i BE veprimi më popullor që ka bërë është që ka hyrë në Big Brother, nuk është se ka pasur ndonjë rol thelbësor në politikën shqiptare, ka mbajtur qëndrime pothuajse të pështira bashkë me ambasadorin e OSBE-së për ngjarje të rënda siç ishte 21-janari dhe nuk janë faktorizuar dot si diplomatë në historinë e zhvillimeve politike të viteve të fundit. Kështu që, nuk mendoj se kanë as një rol në zgjedhjen e presidentit. Thjesht duan ta marrin vesh një orë më parë se kush do të zgjidhet që t’i shkojnë atje ta urojnë dhe do të ikin. Nuk kanë ndonjë rol.

Ambasadori i SHBA-ve ka një profil më të ngritur edhe për shkak të traditës së ambasadës së SHBA në Shqipëri dhe natyrisht është më i përfshirë në zhvillimet politike në vend, por ata kanë të bëjnë me një udhëheqës i cili i di mirë, i njeh mirë ambasadorët. Zoti Berisha nuk është njeri që impresionohet as nga deklaratat e ambasadorëve, as nga drekat e darkat me to, i dëgjon, i respekton, bëjnë punët e veta dhe ata pastaj respektojnë Berishën.

 

Fatos Nano sa shanse ka të jetë president?

Mendoj që s’ka asnjë shans sidomos pas zhvillimeve të fundit midis LSI-së dhe PS-së është bërë më shpesh se sa duhet qesharak se sa duhet në këtë histori, është më mirë që ta mbyllë sa më shpejt.

 

Përflitet që pjesë e lojës është që Ilir Meta flitet sikur ka ambicie, pavarësisht se nuk e besoj këtë gjë, ju mendoni këtë gjë? Keni ju informacion që të bëjnë të besosh se Ilir Meta personalisht ose ndonjë personazh i partisë së tij ka ambicie për ta caktuar ai apo LSI-ja presidentin apo është pjesë e të gjithë asaj lojës që folëm deri tani?

Unë mendoj që marrëveshja midis Edi Ramës dhe Ilir Metës është që Ilir Meta të caktojë Presidentin e Shqipërisë, nëse arrin dot.

 

Kjo është?

Absolutisht nuk ka logjikë tjetër.

 

Ju besoni se Presidenti do të jetë i LSI-së apo ka diçka tjetër dhe do të shkojmë në një skenar krejt të panjohur?

Unë ajo ç’farë besoj më shumë në këto zhvillime është që presidentin do ta caktojë Sali Berisha dhe nuk do ta caktojë Ilir Meta me Edi Ramën. Shpresoj që Edi Rama të përfitojë nga fakti se Berisha do të armiqësohet me Ilir Metën dhe të prodhojë një realitet të ri pas zgjedhjeve. Por me këto zhvillime që duket unë mendoj se presidentin do ta caktojë Sali Berisha.

26 komente në “INTERVISTA e plotë/ Baze: Opozita po kërkon kokën e Berishës, jo karrigen e presidentit”

  1. Tironsi "Zogu i Zi" says:

    Juve jeni thuajse gjysma e opozites ne Shqiperi zoti Baze!
    http://imazheshqip.blogspot.com/2012/04/banda-berisha-co.html

    1. argita says:

      Eshte e vertete se levizjet po e catallosin Berishen.
      Bindemi se nuk do kemi nje President ne raundin e pare.
      Por,gjithashtu bindemi se kemi nje faktor determinues;
      dhe ky eshte Embrioni Meta,i cili po e “fekondone”
      Politiken ne te dy anet e saj.
      cka edhe quhet pa frike”prostitucion”!!!
      Pikerisht ketu ze vend edhe shprehja qe:-
      “Shtepia digjet dhe kurva krihet!”
      Por duhet te mos genjehemi se Meta do ta tradhetoje Berishen.
      Berisha vazhdimisht investon per ta siguruar fitoren.
      Ai eshte nje Putin ne Rusine e vogel me emrin Shqiperi.
      Nuk do kemi zgjidhje larg koncepteve Berisha.

    2. Lajdon says:

      Kjo eshte e vertete si drita e diellit!

    3. Azero-shqiptari-turk says:

      ??? Cdo te thuash me kete o tirons pa prona?

  2. DHELPRA says:

    Un e quaj z.Baze Illuminat.

  3. kelmendasi says:

    Z.Mero flet perdite shume e harron te nesermen cfare ka thane dje dhe neser kundershton ate qe thote sot.
    Flet me pasion e me urrejtje por keto te dyja jane arsyet qe cdo analize pas dy ditesh del e gabuar.
    Mendoj se qeveri teknike as qe ka me pase por as bashkim Meta Rama se Meta ja ka pi corben nje here kesaje loje me Nanon e dy here asht zor me e hanger sapunin per djathe.

    1. Pedagogu says:

      Ti kelmendasi nga Bathorja, perpara se te tentosh te besh analistin, tento te shkollohesh se ke ca kurse mangut te shkolles se mesme!
      http://imazheshqip.blogspot.com/2012/04/3-borats-made-in-albania.html

    2. zhele_katnari says:

      TE morsha te ligen e Mastert te Kristalit o cecenoviq i Sales ?

  4. Landi- Sverige says:

    Nje analize e bukur Mero! Nje arsyetim i nje mendje te kthjellet (ndoshta shume me te kthjellet se ne edititorialin tuaj te meparshem “Samiti i Sheratonit dhe samiti i Lalezit”) te situates kaotike politike, ekonomike ne vend. E lexova me nje fryme dhe po e rilexoj perseri. Bravo!

  5. BERISHA LARGOHU. MBESHTES C'DO FORCE POLITIKE QE HEDH BERISHEN NGA PUSHTETI PARA 2013! says:

    Mero Baze, nuk me pelqeve kur i thua Berishes zoti Berisha. Dje kriminel dhe sot zoti Berisha, ku do te dilni zoti Baze me kete zoti Berisha??

    1. elinor says:

      Shhhhhhhttt, ajo eshte etika zyrtare e nje gazetari!

  6. loni says:

    z Mero,,nuk bie sali berisha nga takimi i dy flluckave te sapunit,,sic eshte edi rama dhe ilir hajduti,,ata mund te bejne sikur marrin zjarr qe te dy si lidere por e keqja e atyre eshte se fiken shpejt,,sepse jane flake kashte,,si iliri ashtu edhe edi,,njehere te kercenoje dhembet doktorri sali,,ata te dy i iken gjaku,,keshtu z Mero nuk mund te kerkojne dote koken e saliut opozita ne menyre intrige,,sepse maloku keto gjera nuk i han kollaj dhe nuk pyet nga intrigat e opozites se ja njeh mire trurin,,vetem nje revojte popullore ja merr koken 100 %sali berishes,,kjo eshte pergjigja e kesaj interviste z Mero,,jo kot llafe boshe te edit bashke me zagarin ilir………………..

  7. Çelo Çomakësi says:

    Analizë në koherencë me tërë qëndrimet e deritanishme, e saktë, e qartë… Por seç më bën të mendoj se gjykimin që presidentin do ta caktojë Berisha dhe jo Meta me Ramën është diversion për t’i bërë ata të ngulmojnë në këtë drejtim, ndërkohë Berisha nuk është i djallëzuar por është vetë djalli i ndihmuar më 2009 nga si i biri (Meta). Kam përshtypjen se Meta ka shkuar te Rama me porosi të Brishës për të blerë: 1. shkallën e vendosmërisë për proces kushtetues për presidentin, për atë se ç’taktika do ndjekë për këtë qëllim (për t’iu kundërvënë me efikasitet e për ta vënë para të papriturave); 2. gjendjen morale të kundërshtarit, gjë që do duket nga sjellja e tij ndaj Metës (miqësor, lypës, partner dinjitoz apo superior);3. ndonjë informacion konfidencial të ndërkombëtarëve te Rama (dmth:qëndrim prapa krahëve ndaj Berishës) etj. Kam gjithashtu bindjen se Berisha e spiunon Ramën hap pas hapi, se ai e ka në natyrë që edhe të vetët i mban lidhur me anë të dosjeve që u krijon (i lejon të vjedhin, të plaçkitin, të korruptohen , madje edhe i nxit me të tretë të hyjnë në këto rrugë…) sepse vetëm ashtu mund t’i shantazhojë, Mmeta thjesht do ndihmojë në këtë drejtim në një situatë kaq të veçantë.

  8. meti says:

    MERO HİDHE KANDİTATUREN PER PRESİDENT SE VETEN Tİ E MERİTON KTO TE TJERET JAN PLERA

  9. ledi says:

    Shume shume i sakte Mero!Komplimente

  10. anticensurë says:

    mero gjëja që ke thënë pastër dhe qartë është pasoja që do të ketë PSja në veçanti dhe opozita në tërësi,nga veprimet e sotme të ramës!
    me presidentin „konsensual“rama nuk ka asnjë shans të përçajë pozitën!të vetmet gjëra që mund ta përçajë pozitën është mungesa e fitimit mafjoz të lsi-së dhe një premtim se me ardhjen në pushtet të ramës,ajo(lsi)do të ketë të njëjtat të drejta si tashti!!
    Ilir meta dhe lsi-ja mund të bëjnë një çarje të pozitës dhe si një mënyrë preventive po të llogarisim se ata do të neutralizohen në zgjedhjet e ardhëshme!dy partitë e dala nga falanga PD do të krijojnë tre legjonet „romake“!në fund do ti japin më shumë vota berishës se votat e zgjebura të LSIsë!
    me presidentin „konsensual“rama nuk ka asnjë shans të përçajë pozitën!të vetmet gjëra që mund ta përçajë pozitën është mungesa e fitimit mafjoz të lsi-së dhe një premtim se me ardhjen në pushtet të ramës,ajo(lsi)do të ketë të njëjtat të drejta si tashti!!
    Ilir meta dhe lsi-ja mund të bëjnë një çarje të pozitës dhe si një mënyrë preventive po të llogarisim se ata do të neutralizohen në zgjedhjet e ardhëshme!dy partitë e dala nga falanga PD do të krijojnë tre legjonet „romake“!në fund do ti japin më shumë vota berishës se votat e zgjebura të LSIsë!
    berisha nuk është aspak para një situate nervoze!aie di fare mirë se çpo luhet!e di fare mirë që takimet rama meta nuk janë gjë tjetër veçse arritja e konsensusit!i cili qëndron në faktin se duhet të jetë LSIja ajo që duhet të propozojë NANON dhe jo PSja!pjesa tjetër është e ditur!E GJITHA KJO BËHTE PËR HATËR TË “POPULLIT”!
    si e thashë dhe më lartë meta në zgjedhjet e ardhshme del si ruar qethur!është e mundur që ai të hajë një shkelm bythëve pak para se të fillojë fushata elektorale!sipas gjyqit që po i bëhet priftit ka mundësi që dhe ai të përzihet në këtë!që do të jetë shkaku për largimin e tij!meta votat që mori në ‘09ën ishin vota të majta,anti berishë,plus 3000 të vjedhura nga rama e të kontrabanduara tek meta!në zgjedhjet lokale votat e metës në 80% ishin vota o të vjedhura o të kondrabanduar nga PD.ky ishte dhe shkaku i “humbjes” së PDsë në shkallë vëndi!
    edi rama nuk ka ndërmend rrëzimin e berishës.po ta kishte një gjë të tillë e kishte bërë me një votëbesim qeverie!e kam thënë disa herë!nuk mund ta bëjë një gjë të tillë për shkakun e kalit të trojës që ka brënda!15 deputetët e nanos!e vetmja gjë që mund ti bashkojë këta deputetë kundër berishës është nxjerrja e nanos jashtë loje nga berisha vetë!gjë që nuk duket e mundëshme!
    sqarimi i kandidimit të vishës,sqarimi i vizitës në klan,ndërhyrja e erion braçes për takimin me metën dhe mos dhënja e përgjigjes për takimin e lalzit,pas takimit me metën,tregojnë vetëm një gjë fare të vogël!
    RAMA E KA MIZËN NËN KËSULË!mizë të keqe,bile!
    Presidenti i ri nuk ka për të prodhuar një qeveri të re!llogaria tënde,mero,e mazhorancës qeverisëse dhe asaj presidenciale është e drejtë në një vënd normal!ku ka pozitë dhe opozitë,jo në shqipëri ku opozita nuk ka interes të rrëzojë pozitën!jo në shqipëri ku plotësuesi i mazhorancës presidenciale ka interes vjedhejeje në mazhorancën qeverisëse!
    Gjëja që më bëri përshtypje mero është se nanon e përmënde vetëm njëherë dhe si një gjë të pa rëndësishme!për mua ai do të jetë „konsensuali“në fund të lojës!
    për berishën
    njeriu i tij, por i dalë nga krahu kundërshtar!me të justifikon konsensusin!
    për ramën
    pavarsisht se është kundërshtar i tij,ai nuk i sjell një shision në radhët e parlamentarëve të PSsë!ruan „kompaktësinë“
    për metën
    një xholqë mund të përdret për të mos lejuar dënimin e tij në të ardhmen!është një konçension që ai do ta kërkojë në të ardhmen!
    për ndërkombëtarët
    ulë për të larë duart!si pons pilati ata do të jenë të kënaqur me „konsensusin shqiptar“!duke ditur se në të ardhmen nuk do të kenë më probleme me shqipërinë!
    nuk do të ketë më „vjedhje“zgjedhejesh dhe kontestime të tyre!do të ketë vetëm një ndarje të prehës nga politikanët pa bërë zhurmë!
    sa për të drejtën morale për të udhëhequr,ke shumë të drejtë mero!
    Rama dhe ata që e shoqërojnë e HUMBI!
    ai nuk kam ë asnjë të drejtë morale për të udhëhequr opozitën!dikush mund të thotë ky maj është katastrofa e tij politike,deri diku ka të drejtë,por në radhë të parë është katasrofë për shqipërinë!klani i tij me fevziun për mua tregoi vetëm një gjë!
    me një probabilitet shumë të lartë,RAMA ËHTË DIKTATORI I ARDHSHËM I SHQIPËRISË!

    1. Arsen says:

      Jam shume dakort ne pergjithesi, por sidomos me frazen e fundit.

  11. arsen says:

    Paska dy standarte per te gjykuar levizjet strategjike te Rames ? Aleancat me Meten i ka pasur ne dore edhe me pare por i ka refuzuar ne emer te “kauzes se drejte”. Tani qe kauzat rane, dhe flamuret jane zhyer ne balte Rama ka per ta henger me keq. Ai ka keq punet me elektoratin e tij te zhgenjyer. Ka edhe nje faktor tjeter. Meta po ben loje me Ramen. Ai do ta tradhetoje Ramen sepse Rama ( jo aq i vendosur per te mbytur shtetin ligjor ) eshte ose behet armiku i tij me i rrezikshem… ndersa Berisha i ka dhene provat qe do ta mbyse gjithnje gjyqesorin ne favor te dallavereve te mafiave aleate meta – berisha.

    Veprimi i Rames ( dialogu me Meten ) e ktheu te gjithe procesin e ardhshem zgjedhor ne “pune arixhinjsh dhe gjelle qensh”. Nuk ka me kuptim sa fitorja e as humbja.

  12. ajdin says:

    I nderuari Baze:Mire thote nje lexus,nuk ka zoti,nje zote eshte por jo Berisha.OK.
    Tema online:shikoj ketu a jo .
    Online thote por nuk eshte.
    Une kur shkruj,shkruj me pergjesin time, kerkoni nr. telefoni shtepie u ja jap,kerkoni celular u ja jap .Cfare te doni ju nuk frikem.
    Kam shkruar ne gazeta te tjera jam futur me nje here.
    Te tema e kunderta:
    Cfare te shkruaj pergjegjsia e imja.
    Shkuaj kriminel Sala,kriminel eshte.
    Nuk frikem.Se ka vra e ka pre qe as Serbi nuk e ka bere.
    Emrin e mbiemer i ke ne Email.Ate qe shkruj une nxirre pa frike pergjegjesia ime.
    Ju thoni,ule pak ritmin,kjo eshte deri ta lexoni.
    Online nuk merrni ju pergjegjesi, perveq personit qe e shkruan.
    Nuk te thote kush nxirre ne gazete.
    Ne gazete duhet te kaloj, nga drejrori,kryeradaktori, e te tjere.
    Online pergjegjesi personi.OK.

  13. ajdin says:

    Te ndjeka ne tv:No komente, sepse ska analiste.
    Te lumte goja edhe pena:

  14. abati says:

    mero! analiza qe ben ka disa pasaktesi qe vijne si rezultat qe mendon se saliu dote beje te njejten loje. berisha do te bej keto veprime te detyruara per te delegur pushtetin te e bija . inisiativa e rames beri qe ai te jkete ne pritje ndaj LSI . PD nuk i ka votat pr Presidentin dhe ai do te detyroje priftin dhe meten qe te votojne kandidaturen e tije .keshtu ai i siguron drejtimin e pd lulit por njekohesisht prish dhe aleancen me lsi .dhe ne zgjedhjet e ardheshme ka devize tjeter duke zgjedhur presidentin ai nuk mud te zgjedhe kr prokurorin sepse per te duhe 84 vota por ben te mundur qe ta coje vendin ne zgjedhje te parakohshme . pra me kod te vjeter dhe duke pasur larg ne sfond partine e topit qe e rrezikon . ne zgjedhjet e parakohshme do luaje me karten e inegrimit qe nuk u reaalizua per faj te opzites .e gjitha te con te kodi ku ai ka qellim te vjedhe votat . ne rastin e humbjes se tije ne zgjedhje por me nje firo minimale ai largohet si kryetare i Pd dhe zgjedh lulin konsumi i ps qe ndodh natyrshem kur je ne pushtet ben qe ai te realizoje qellimin final . me kryetare lulin ai propozon vajzen e tije per ne kuvend dhe vete largohet perfundimisht i qete . ne kete kohe dhe brezi qe ka pergatitur ai si kopi eshte fuqizuar dhe ai le te sigurte trashgimnine ne pd . e vetmja gje qe i prish keto plane eshte presidenti. prandaj rama eshte duke luajtur me rregulla te reja pra jo nje president te saliut por e gjitha kjo prtitet per tu pare se ai saliu besoj do zgjedhe sipas mendjes se vet.pra nuk eshte puna tek drejtesia se ajo e korruptuar eshte por tek pasardhesi i pd .prandaj futja ne loje e mbeshtetsve te topit nqs jane 5 apo6 deputete e prish skemen. kjo duhet te jet levizja qe salin e ben shah mat. qe e nxjerr jashte politike trashgimnine e saliut . eshte e njeta skeme qe po ben rama me lsi por qe duhet te finalizohej me largimin e lsi nga qeveri gje qe nuk ndodh sepse gj. e larte ka marre nje vendim te ndermijetem per prftin .ne kete rast bashkpunimi rama . oketa duhet te jet paresori gjithmone nqs ai ka ne kuvend 6 deputete sic ka thene.roli i nanos tani eshte me rendesi per arsye se ai mund te terheqe idrizin dulen po dhe nje pjese te lsi nga rama per te cilin nuk ka cfar i kerkon se qe saliu ai qe e refuzoje pra lojen nuk e luan me saliu por ai po pret qe te tjeret te gabojne . rama eshtu duke testuar alencar per te ardhmenne levizjet qe po ben njekohesisht po respekton paktin me ndrekombetare . pra nje gje po kristalizohet qe rama do jete ne pushtet ndoshta pa lsi por ama nuk do qe ta kete me nje kundershtare te eger prandaj loja politike e rames eshte me e veshtire sa e saliut seps ai ka nje plan qe pret ta beje pa pyetur per njeri dhe sikur te ike nga qeveria ai siguron vazhdimsine politike te familjes qe do jet mbrojta perfundimtare e pasurise dhe i tije personale .mos harroni qe keshilltarja e tije me e mire eshte e bija .po si do luaj b.topi ?nqs do te kete sukses ne te paren duhet qe te shveshi te vetet nga ndikimi i saliut duke i ber pjese ne kete loje .pra duke treguar nje te djathte te re duke i bere ata qe mendon se i ka te tijet pjese te kesaj loje dhe faktore .kjo i jep mbeshteje atyre dhe rrezon pd e saliut si mazh qeverisese dhe largon faktorin LSi pra ndodh ajo qe presim per zgjedhjet e reja ku sejcila ne llogoren e vet vec e vec. por pengesa qe ka ai eshte zgjedhjet e parakohshme qe i kercenon saliu ne kete kohe atij i duhet patjeter qe fryma e re te marri forme plotesisht edhe pa te si kryetare por aktiv mbas ikjes nga presidenca do apo nuk do ai do te jet ne opzite dhe kjo eshte me mire per te sepse do ti jape mbeshtetje reale ne zgjedhjet e tjera . pra per largimin e saliu ka rendesi qe faktoret dhe aktoret te kuptojne qellimin e tije qe per mua eshte ruajtja e trashgimnise politke kriminale familjar

  15. edmond says:

    dalja nga ky qerthull qe ne dukje eshte lemsh por dukshem qarte eshte te shikosh se si po luan saliu. ai po luan duke bere te mundur ruajtjen e statukose ne pd .pra duke i mbajtur te vetet pas si ushtare por dhe duke hequr ato qe neser do te jen rivale . ktu logarite dalin qarte dhe levizjet e tije jane te parashikushme pd ka vetem nje vije ate te kryetari asnje nga ato nuk ka fuqi te shprehe dicka jashte tije .levizjet e tije po bejne qe meta te largohet nga qeveria se keshtu rrimer moton e fushates .duke bere ate fajtor per korrupsioni dhe duke pranuar se ka gabuar per te kjo do ti beje militantet e pd te fluturojne me pras njekohesiht motoja e fushates eshte armiku topi dhe vota e rames lsi fajtore per korrupsionin .por frika e tije e vetme eshte mos ka rrjedhje mbrenda pd ne favor te topit kjo eshte arsyja qe cfar do qe te bejne te tijet ai do te heshte si rasti i sules sa te kaloje presidentin .pra saliu ka frike nga te tijet plus dhe pak meten te cilin e ka ne dore pra i do te beje nje levizje qe te ngelin te qete te tijet te cilet duan kompozim te qeverise pas presidentit. duke u siguruar per ket ai do zgjedhe deputetin e pd

  16. luani says:

    mero me duket se analiza e abati te con ne rrugen e duhur . berisha nuk ka hallin e opozites por hallin tek te te tijet .me nje ilir te friksuar nga vendimi i gjykates me priftin e harruar dhe te lemerisur se mund te shkoje ne burg me camet ne krah te tije me mediun te kapur frika e tije e vetme jane te tijet . prandaj presidenti topi ka nje rrol qe asnje nuk e ka kuptuar duhet qe te behet faktore qe te mos zgjidhet nje president i berishes. te tjerat do cojne ne nje pazar te ri . por besoj se topi ka ne dore te largoje qeverine e berishes dhe te behet faktori i bashkimit te te djathtas por ama duhet te luaj shume fort dhe shpejt ndoshta perkrahesit e tije do tu duhet te dalin hapur dhe kane shume arsye per berishen qe nuk ka per ti pyetur si nuk i ka pyetur kurre ose te pranijne te hujen he histori si njerez me intergritet ose te jene sherbetore te berishes besoj qe ka njerez ne pd qe duan te dalin nga vatha e saliut por duan garanci tek topi prandaj ai duhet patjeter te jet faktore mos presi se si do te rrjedhin ujrat si ka pritur gjer tani per te behet protagonist . kjo do te bje qe ai te behet nje lider ne politike eshte nje shanc qe ta sjelle koha dhe topi duhet te levize mos presi kur te vije koha ahere saliu ka mbaruar punet

  17. omar says:

    z baze ben nje analize . por dua te pyes po ata qe jane te interesuar per te larguar berishen i lexojne apo jo se duhet ta dije edhe ata se e verteta eshte po flas me shprehjen e saliut se rruga per te hequr qafe ate eshte e paster fare por te mos shikojne pazaret e shtepise tyre te vogel

  18. ertu says:

    TE GJITHA KTO QE THOT MERO JANE TE VERTTETA DHE TE DREJTA. e VETMJA GJE E SHTREMBER ESHT QE DALIN NGA GOJA E MEROS. DHE PYETJA KTU ESHT NQOFT SE MEROS QE NA HIQET SI RIMISHERIMI I KRISHTIT BILE DHME HYJNOR SE AI. NE QOFTE SE KTI MEROS DO TI KISHTE HEDH BAC SALIU NE I KOCK SIC I HODHI TJERVE A DO LIHTE KY QEN DITE E NATE. DHE PERGJIGJA ESHT JO SEPSE DO KISHTE GOJEN E BARKUN PLOT SI TJERET PO E LA SALA PA BUK E BON SI ATO GORET E KQIJA TANI JO SE PO I RRUHET SHUME PER POPULLIN JO SE KESHILLTARI SALES KA QEN DHE KY.

    DHE I BEJ LUTJE GAZETES QE TA POSTONI KTE KOMENT MEQE JENI TE PA’ANSHEM DHE PER TVERTETEN DHE VETEM TVERTETEN E TMIREN E POPULLIT

  19. tomas says:

    shkruaj z.mero shkruj po kujt ishkruan i the po kujt ithe

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje