Provokimi i Mustafa Nanos te “Zululand”: Të zëvendësojmë përmendoren e Azem Hajdarit me Mustafa Krujën

Ka qenë “provokacioni” më i ri i Mustafa Nanos në emisionin e tij “Zululand” që nisi sonte në TemA TV.

Sfida më e re e Mustafa Nanos, nisi i nxitur nga debati mbi Lef Nosin, ka prekur temën e vlerësimit të figurave historike që gjatë veprimtarisë së tyre kanë pasur edhe pjesë të errëta, siç është bashkëpunimi me fashistët Italianë dhe nazistët gjermanë.

Në tryezën e “Zululand” bashkë me Mustafa Nanon kanë diskutuar: Agron Gjekmarkaj, Koloreto Cukali dhe Sokol Shameti.

Gjekmarkaj ka theksuar se duhet mbajtur një qëndrim më dialektik ndaj figurave të mëdha siç ishin Pater Anton Harapi dhe Lef Nosi. Ai tha se kopaboracionistët shqiptar nuk ishte njëjtë me ata që e kanë bërë këtë në Finlandë dhe në Francë.

Gjerkarkaj theksoi se duhet marrë për bazë dhe argument nacionalist që ata figura bënë zgjedhjen e tyre.
Ndërkaq, Koloreto Cukali, tha se duhet të gjykojmë në mënyrë krahasuese.

“Shqiptarët në të njëjtën mënyrë si u komportuan me komunizmin u sollën edhe me fashizmit. Nosi ndoshta është nisur në aktin që mori me idenë se si ndihmohet Shqipëria”.

Cukali theksoi se duhet marrë për bazë akti apo vendimet që ata kanë marrë gjatë fashizmit.

Mustafa Nano, nga ana e tij, tha se ia kam bërë pyetjen vetes dhe nëse do të isha në kohën e Luftë Botërore: ose do të isha me partizanët ose me anën tjetër. Zgjedhjet e tjera nuk më duken të qortueshëm.
Nga ana e tij, Sokol Shameti tha se nën regjencën e Lef Nosit dhe Anton Harapit janë vrarë njerëz nga Betri Pejani dhe Xhaferr Deva, të cilët kryen masakrën e 4 shkurtit 1943.

“Lef Nosi ka qenë njeri i pasur dhe një njeri i pasur mund të jetë lehtësisht në moment kyçe pasi e ka shumë kollaj të jetë aty ku duhet të jetë”, tha Shameti.

Nano pyeti se nëse do të duhet të jemi para dilemës: të ngremë përmendore për Mustafa Krujën apo Azem Hajdarin, ku kë do të zgjidhni?

Vetë Mustafa Nano tha se do të zgjidhte Mustafa Krujën, ndërsa Sokol Shameti tha se nuk kemi bronx të mjaftueshëm për të ngritur përmendore.

Kurse pyetjes finale të Nanos se kush ishte personaliteti më i madh shqiptar në 100 vitet e dundit, Agron Gjekmarkaj, tha se Gjergj Fishta, Sokol Shameti zgjodhi Fan Nolin ndërsa Koloreto Cukali, Migjenin./ Redaksia TemA TV

Zululand

ZULULAND EMISIONI I PARE PJESA 01.mp4_snapshot_00.45_[2015.11.02_20.49.14]

ZULULAND EMISIONI I PARE PJESA 01.mp4_snapshot_06.46_[2015.11.02_20.55.39]


– See more at: http://www.tematv.al/video/JcqjEj9SapC6Hjo#sthash.8xhHEf8I.dpuf

 

REMOTE_ADDR:[]
                 Loading...