Frikë nga hakmarrja e Erdogan: Diplomatët e Turqisë kërkojnë azil në Gjermani

Share on FacebookShare on Google+Tweet about this on TwitterShare on LinkedInShare on Whatsapp

tankTë paktën tre diplomatë nga Turqia kanë kërkuar azil në qeverinë gjermane pas tentativës për grusht shtet më 15 korrik në Turqi.

Sipas informacioneve që i publikuan disa media gjermane, midis atyre që kanë kërkuar azil është edhe atasheu ushtarak në Ambasadën Turke në Berlin, nënkoloneli Ajhan Dagli, i cili pas tentativës për puç është zhdukur së bashku me bashkëshorten e tij.

Kërkesë për azil kanë parashtruar pasi që autoritetet turke e hoqën validitetin e qindra pasaportave diplomatike në tentativë që të izolojnë diplomatët e dyshuar për lidhje me krahun ushtarak të armatës turke e cila tentoi që të ndërmarrë pushtetin në Turqi.

Ankaraja i ka shpallur si të pavlefshme pasaportat e tetë diplomatëve të saj në Gjermani, ndërsa bartësit i ka ngarkuar me dyshimin për lidhje me organizatën e Fetullah Gjulenit të cilin Erdogani e konsideron si organizator për tentativën për grushtin e shtetit.

Mediat gjermane citojnë burime qeveritare të cilat nuk përjashtojnë që numri i kërkuesve të azilit midisi diplomatëve të Turqisë në Gjermani mund të jetë edhe më i madh nga tre të cilat deri tani janë konfirmuar.

Sipas Agjencisë Federale për Emigracion dhe Refugjatë, diplomatëve të Turqisë ende nuk i është dhënë përgjigje nëse do të marrin azil, sepse për vendimin do të nevojitet një periudhë më e gjatë.

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]

2 komente në “Frikë nga hakmarrja e Erdogan: Diplomatët e Turqisë kërkojnë azil në Gjermani”

  1. undefined says:

    Erdogani a babaxhan.Ai nuk duhet te kihet frike si Saliu pasi dallimi eshte i madh midis ketyre dy suniteve.

  2. Los Vjerda says:

    E habitshme. Erdogan nuk ndryshon aspak nga komunistet e llojit Hoxha.

Lini një Përgjigje

Adresa juaj email nuk do të bëhet publike. Fushat e domosdoshme shënohen *