Zbardhen mesazhet e Kaçes: Nuk vij sa të jetë De Biazi!

Share on FacebookShare on Google+Tweet about this on TwitterShare on LinkedInShare on Whatsapp

kaceErgys Kaçe ka përplasje të thella me De Biazin dhe nuk është rastësi që një nga mesfushorët më të mirë të Kombëtares përfundoi në tribunë në ndeshjen me Spanjën. Një ditë pas ndeshjes, “Panorama Sport” intervistoi futbollistin dhe ai tekstualisht shfaqi pakënaqësinë që trajneri e kish nxjerrë edhe jashtë listës rezervë, duke thënë:

“Nuk e kuptoj trajnerin. Nuk e di pse më ka lënë jashtë”. Një ditë më pas, gjithnjë me mendimin në kokë se Kaçe është një ndër lojtarët më cilësorë dhe mbi të gjitha me një të ardhme të garantuar, gazeta u interesua në burime të ndryshme pranë ekipit përfaqësues dhe rezultoi se Kaçe kish pasur një debat verbal fillimisht me trajnerin e më pas kur kish mësuar se do të përfundonte në tribunë, kish dashur të merrte rrobat e të ikte nga grumbullimi ende pa u luajtur ndeshja me Spanjën.

Burime të ndryshme të gazetës e konfirmuan këtë fakt dhe më pas gjithçka u pasqyrua në gazetë. E, megjithatë, gazeta komunikoi edhe me vetë lojtarin në orën 17:57 të ditës 10 tetor 2016, i cili gjithashtu konfirmoi se kish përplasje me trajnerin dhe me shumë mundësi derisa të ikë ky trajner (De Biazi) nga Kombëtarja, ai nuk do kthehej më.

Pasi u interesua për lajmin në disa burime dhe pasi mori edhe vetë konfirmimin e lojtarit, gazeta publikoi artikullin e ditës së djeshme me titull: “Kriset me trajnerin, Kaçe nuk vjen më në Kombëtare”.

Përgënjeshtrimi absurd i FSHF-së dhe i mediave të saj

Dje në mesditë, rreth orës 11:00, një faqe ende e pakonfirmuar zyrtarisht nëse menaxhohet nga Ergys Kaçe apo jo përgënjeshtroi lajmin që ishte publikuar në “Panorama Sport”. Gazeta, me shumë qetësi dhe me korrektësi, komunikoi me futbollistin sërish nëpërmjet “Whats app”-it dhe telefonit, duke e pyetur nëse faqja ishte e tij dhe nëse qëndrimi ishte zyrtarisht i tij. Lojtari u përgjigj në orën 14:44 tekstualisht: “Nuk kam ‘Facebook’, nuk e di kush e përdor atë faqe”.

U duk sikur situata u qetësua pasi në portalin e “Panorama Sport” u publikua përgjigjja e lojtarit, por nuk mbaroi këtu. FSHF publikoi në web-in e vet një intervistë të shkurtër në lidhje artikullin e gazetës, që me sa duket i kish trazuar shumë ujërat në zyrat e institucionit të futbollit.

Në atë intervistë, Kaçe, edhe pse dukshëm në mënyrë të sforcuar mohonte një largim të mundshëm nga Kombëtarja, nuk mohonte krisjen me trajnerin, madje as faktin që kish biseduar me Dukën ditën e ndeshjes (para se të largohej nga ekipi në shenjë revolte).

Mesazhet e Kaçes

Gazeta “Panorama Sport”, në respekt edhe të kërkesës së Kaçes për të mos përdorur citime të tij në lidhje me vendimin për të mos u kthyer më në Kombëtare për sa kohë ishte De Biazi, vendosi të mos publikonte mesazhin e Kaçes në numrin e djeshëm. Gjithnjë duke menduar se po raporton fakte të vërteta.

Por kur FSHF iu imponua futbollistit të mohonte lajmin që kish konfirmuar po vetë ai dhe kur institucioni i futbollit u investua maksimalisht për të censuruar një të vërtetë dhe për të hedhur baltë mbi seriozitetin e gazetës, duke përdorur fatkeqësisht Ergys Kaçen, “Panorama Sport” publikon bisedën me Kaçen më datë 10 tetor ku ai thotë shprehimisht: “Mundem të mos vij sa të ikë trajneri. Do shoh…”. Ftojmë tani median e FSHF-së që të na intervistojë…

Biseda me mesazhe mes gazetarit dhe Ergys Kaçes

Gazetari: Pse, çfarë mund të bësh?

Kaçe: Po, e di. Nuk e di, do të mendohem.

Gazetari: Çfarë thua? Çfarë të mendohesh? Sa trajnerë ikin e vijnë… Ti do të jesh aty. Çfarë thua? Ti i duhesh Kombëtares. Sinqerisht.

Kaçe: Po, e di. Mund të mos vij sa të ikë trajneri. Do të shoh.

Gazetari: Nuk është mirë të dalësh kundra. Pavarësisht gjërave që bën trajneri.

Kaçe: Nuk kam problem.

Gazetari: Do të bësh ndonjë reagim në gazetë? Deklaratë?

Kaçe: Jo, lëre. S’ka gjë. Shkruaje ti vetë ndonjë gjë.

Gazetari: Ta shkruaj që lojtari mund të tërhiqet nga Kombëtarja nëse vazhdon kjo sjellje e trajnerit?

Kaçe: Po. Shkruaj që unë dua të ndihmoj skuadrën dhe e di se mundem dhe nuk e di pse kam këtë sjellje nga trajneri kur ai i di vlerat e mia.

FSHF interviston Ergys Kaçen

Duke u përpjekur që të përgënjeshtrojë të vërtetën e publikuar nga gazeta “Panorama Sport”, FSHF ka përdorur faqen zyrtare për të bërë një intervistë me mesfushorin. Ja publikimi i pacenuar në faqen zyrtare të FSHF-së:

Përshëndetje Ergys. Në disa media në Shqipëri, është aluduar për një largim tuajin nga skuadra kombëtare e Shqipërisë. Sa vërtetë është kjo?

Paraprakisht mund të them se këtu s’ka asgjë të vërtetë. Kurrë nuk kam menduar këtë gjë, e jo më ta deklaroj. Unë e dua Shqipërinë dhe jam krenar për atë që kam dhënë për kombëtaren shqiptare të futbollit. Do të vazhdoj të jap kontributin tim maksimal, në çdo ndeshje, duke treguar vlerat e mia, të cilat si gjithmonë do ti vë në shërbimi të skuadrës.

Ka ndodhur gjë mes jush dhe trajnerit De Biasi?

Asgjë e veçantë, për të tërhequr vëmendje kaq të madhe. Do ta konsideroja një komunikim normal mes një futbollisti dhe trajnerit të tij. Unë e respektoj shumë trajnerin dhe zgjedhjet e tij. Jam formuar si futbollist profesionist dhe e di shumë mirë që zgjedhjet e janë të tijat. Për këtë arsye, nuk e kapërcej kurrë kufirin në këtë raport.

Është profesionale të mendosh dhe veprosh kështu. Patjetër që unë dua të luaj të aktivizohem sa më shumë. Ky nuk është ndonjë sekret. Kjo është dëshirë e çdo futbollisti. E di që vetëm me punë, do ti arrij ato që kam dëshirë të prek në karrierë. Dhe këtë kam vendosur të bëj. Të punoj më shumë, për të treguar sa vlej. Nuk komentoj më gjatë.

Media të veçanta kanë aluduar se ka qenë Presidenti Duka ai që ju ka bindur të ktheheni. Keni një përgjigje për këtë?

Presidenti Duka qëndron gjithmonë shumë pranë skuadrës. Ai komunikon drejtëpërdrejtë me trajnerin, stafin, futbollistët. Në një farë mënyre është njëri prej nesh dhe shpesh flasim me të, për të gjitha problemet tona si në klub ashtu edhe në skuadër.

Kështu ka ndodhur në dy ndeshjet e fundit në Lihtenshtejn dhe në Shkodër. Po është e vërtetë që kam folur me të dhe kam dëgjuar këshillat e tij. Por kurrë nuk kemi folur për largimin tim apo gjëra të tilla.

Si e shikon Kaçe të ardhmen?

Unë jam profesionist. Punoj, mendoj dhe jetoj si i tillë. E di që vetëm me punën dhe këmbënguljen time do të, arrij ti bind të gjithë, për vlerat e mia. Jam përkushtuar për të dhënë më të mirën si në klub ashtu edhe në skuadrën kombëtare të Shqipërisë./ Panorama Sport

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]

5 komente në “Zbardhen mesazhet e Kaçes: Nuk vij sa të jetë De Biazi!”

  1. tirona says:

    Tranjeret nuknjane te perjetshem, tranjeri i ri qe do te vije nuk duhet te afroje ne ekipin e kombetares ata futbolliste qe jane larguar me deshiren e tyre nga kombetarja .

  2. lelegu says:

    Pallavrat e FSHF-se dhe koneve te mafiozit, kryehajdutit te paskrupullt, Dukavicit.

  3. Baton KITA says:

    Kace, i kuptoj emocionet tuaja, por futbolli dhe jeta në përgjithësi nuk na jep ose rralë na jep atë cka meritojmë. Duhet të tregohesh i pjekur, gjakftohtë dhe kupto se edhe De Biazit nuk i shkon puna vaj se edhe ai punon nën presionin e ne miliona tifozëve.
    Kujto se edhe Maradona nuk ishte Maradonë që në fillim të karrierës, sa e sa caste ka ndenjur në bankinë e jashta derisa nuk u afirmua, rastësisht, në Kampionatin Botëror në Japoni.
    Qofsh i nderuar dhe durim!

  4. Gurrakuqi says:

    Po pse per trajnerin luan ti o Kaçe apo per Kombetaren? Ti duhet te jesh i gatshem dhe krenar per mundesine qe te jepet te perfaqesosh vendin tend. Shqiperia nuk ka nevoje per spurdhjake te tille. Shkerdhate.

  5. enter"" says:

    hahahahah dolen ne drite edhe hipokriziteeeeeeeeeeeeeeeeeeeeeeeeeeeeeeeeeee.

    Vazhdoni beni lajke ne fb Kaces hahahahahaha

Lini një Përgjigje

Adresa juaj email nuk do të bëhet publike. Fushat e domosdoshme shënohen *