Shuhet Telat Agolli, legjenda e cirkut shqiptar

Share on FacebookShare on Google+Tweet about this on TwitterShare on LinkedInShare on Whatsapp

telatËshtë shuar sot në SHBA një prej figurave më të shquara të cirkut në Shqipëri, Telat Agolli. Ai ka qenë ndër të parët artistë akrobatë i inkuadruar në Trupën e Estradës së Tiranë, në vitin 1952, si profesionist.

Telat Agolli lindi në 15 shkurt 1932 në Tiranë, mbaroi arsimin e lartë në Institutin e Kulturës Fizike “Vojo Kushi”, ndërsa zhvilloi një vit kualifikim në për akrobaci në Kinë në 1960-1961. Kampion i vendit në gjimnastikë (viti 1954), kampion kombëtar absolut prej 20 vjetësh në ngritje peshe me 99 rekorde kombëtare, trajner sporti i klubit “17 Nëntori” dhe i ekipit kombëtar në ngritje peshe, ku u shqua për rezultate të larta në nxjerrjen e talenteve të reja e kampionë të ardhshëm në peshëngritje, si Ymer Pampurin Kampion Kombëtar dhe Olimpik, Bujar Bodinakun dhe Mirjam Hakanin, Kampionë dhe Rekordmenë Kombëtarë.

Ai u dënua nga sistemi komunist me motivacionin “Agjitacion dhe propagandë ndaj sistemit” (1976-1982), vit kur u lirua nga burgu. Më pas u kthye në cirk, duke dhënë kontributin më të madh në
ecurinë e mëtejshme të cirkut, në rolin e artistit dhe udhëheqës artistik.

Ai është nderuar me titullin Mjeshtër Sporti, Mjeshtër i merituar i Sportit, Nder i Sportit Shqiptar (nga Ministria e Kulturës Rinisë dhe Sporteve, në vitin 2000), Mirënjohje nga Komiteti Olimpik Shqiptar, Kupa dhe medalje të ndryshme, vlerësuese dhe simbolike, dhënë nga në spektakle e ceremoni sportive dhe artistike, Nder i Sportit të Peshëngritjes, viti 2010. Telat Agolli është nderuar gjithashtu me titujt e lartë Artist i Merituar (1969) dhe Artist i Popullit (1975), si dhe është nderuar me Mirënjohjen e qytetit të Tiranës nga Këshilli Bashkiak, për vlera të larta qytetarie dhe intelektuale, të vëna në shërbim të qytetit të Tiranës në vitin 2000.

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]
        
        Loading...
        

5 komente në “Shuhet Telat Agolli, legjenda e cirkut shqiptar”

  1. MAJAKOVSKI says:

    Telat Agolli nje Dibran i Madh. Ngushullime familjes. Nderim per perpjekjet e tij ne ngritjen e cirkut shqiptar. Nderim dhe respekt per vuajtjet dhe persekutimin. I pamposhturi Telat Agolli R.I.P.

  2. Dashamiresi says:

    Nderime dhe respekte per legjenden Telat Agolli,ishte nje mrekulli e vertete kur shikonim keta legjenda te asaj kohe. Eshte per tu habitur,mbasi asnje njeri nuk e besonte ne ate kohe,akuzen qe i kishin bere Telat Agollit. Eh vite te pa harruara me keta legjenda,si i ndjeri Telat,Skender Sallaku,Vitore Sallaku e plot te tjere te asaj periudhe,ndjese per emrat. I perjetshem kujtimi juaj i madhi Telat Agolli.

  3. tirona says:

    vlera qe duhen permendur!
    Nje prej tyre edhe z. Agolli.

  4. anila says:

    Mbahu, ore ti, poet me emrin majakovski. Lexo librin e Fatos Lubonjes, “Ridenimi”, qe te shohesh se sa i pamposhtur ishte Telat Agolli. Spiun i birucave dhe deshmitar ne gjyqe politike nga me te ndyret.
    Tere ai trup e fuqi dhe sillej si nje kone e rrahur.
    Ata, qe e vuajten ne kurriz, deshmine e tij, vetem ata kane te drejte ta falin. Por zorr se e fal kush.

  5. Agron says:

    Respekt e vleresime per kollozin e artit e sportit Shqiptar. Telat Agolli.Kontributi i tije i pasur me medaljet e fituara si drejtues e krijues ne sport e arte.Veprat e tije jane te shkruara me germa te arta ne historine e kultures shqiptare.Ikona e pa zevendesueshme qe duhen shume vite te rilinde ne nje kombe. Gjigande me vlera te larta kulturore intelektuale.Nje prind shembullor,nje qytetar model e human,nje mik qe do na mungoje fizikisht,nje koleg komunikues me vlera artistike.ngushellime

Lini një Përgjigje

Adresa juaj email nuk do të bëhet publike. Fushat e domosdoshme shënohen *