Rama-Vuçiç, rikthimi i debatit që iu bën mirë palëve

Share on FacebookShare on Google+Tweet about this on TwitterShare on LinkedInShare on Whatsapp

rama 1Nga Skënder Minxhozi

Duket se Edi Rama dhe Aleksandar Vuçiç tashmë e kanë për zemër të debatojnë “live” me njëri-tjetrin. Që na vizita e parë e kreut të qeverisë shqiptare në Serbi, kjo është kthyer në një aksiomë që nuk ka nevojë të provohet. Dhe “betejat” verbale në tokën serbe kanë qenë rregullisht më interesante, kryesisht për shkak të sensit të batutës dhe të riskut diplomatik, që kryeministri shqiptar përdor në këto raste.

Rama ka lënë pas Tiranën, ku sherret parlamentare dhe debatet për vizitën e Ilir Metës në Athinë, kanë krijuar edhe një herë të enjten e ndezur të rradhës. Madje, në pamje të parë duket se vetë Rama e ka kërkuar momentin e përplasjes me Vuçiç, si për të treguar tërthorazi se ai di të flasë fort edhe në tokën serbe, në antitezë me të folurën e butë të Metës në tokën greke. Megjithatë replikat Rama-Vuçiç kanë qenë një histori më vete sot në mediat e dy vendeve, duke përfshirë tema të nxehta si marrëdhëniet me Rusinë, Perëndimin dhe para së gjithash dosjen e “përvëluar” kosovare.

Ka qenë përherë një përplasje me vështrimin drejt politikës së brendshme, kjo mes kryeministrit shqiptar dhe atij serb. Si çdo takim i këtij formati, edhe ky nuk ka bërë përjashtim nga rregulli i pashkruar, se kur dy vende me probleme mes tyre takohen, palët mbajnë qëndrime “të kalibruara” për llogaritë e brendshme të secilit vend. Përmendja e Trepçes (që doni ta transportoni në Serbi!), nuk ka qenë e rastësishme nga ana e Edi Ramës, ashtu si edhe replika e Aleksandër Vuçiç nuk ka qenë kurrsesi e tillë. E meqë ftesa për të njohur Kosovën, nga ana e kryeministrit shqiptar, nuk përbën më një rrufe në qiell të pastër për homologun serb, dy kryeministrat kanë debatuar për tema më të gjera sesa ajo e marrëdhënieve shqiptaro-serbe.

Rama dhe Vuçiç kanë shprehur në pak minuta, atë që është sot sinteza e lidhjeve mes Serbisë dhe Perëndimit dhe vendit tonë dhe BE e NATO-s. Janë dy botëkuptime që ndryshojnë qartësisht, jo vetëm nga prezenca e fortë e elementit rus (në rastin serb), por edhe nga shkalla e optimizmit me të cilin dy vendet e shohin afrimin me Bashkimin Europian. Pa harruar Kosovën, e cila i jep pozicionit serb një format krejt të veçantë dhe unikal, edhe në raport me Brukselin e Uashingtonin.

Megjithatë, përtej gjithçkaje, përballja e përsëritur e dy kryeministrave përbën një ushtrim të domosdoshëm komunikimi dhe demokracie. Le të grinden, le të mos bien dakord, le të ironizojnë njëri-tjetrin, vetëm të mos rrinë pa u takuar. Sepse është provuar historikisht se mungesa e komunikimit sjell me vete edhe të këqiat e tjera të mëdha, si paragjykimi, moskuptimet dhe agresivitetin e ndërsjellë. Çka vlen natyrshëm edhe për dialogun Beograd-Prishtinë, i cili gjithashtu zuri vend në takimin e kryeministrave.

Sado larg të jenë serbët dhe shqiptarët, kur Tirana e Prishtina komunikojnë me Beogradin, egziston ura e duhur e shkëmbimit të qëndrimeve e ideve, të cilat në mos sot, nesër do sjellin me patjetër uljen e nervave, qetësimin e shpirtrave dhe kompromiset e duhura. Rama dhe Vuçiç e kanë kuptuar drejt këtë deficit historik mes dy kombeve. (Javanews)

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]

2 komente në “Rama-Vuçiç, rikthimi i debatit që iu bën mirë palëve”

  1. haku says:

    Per here te pare ne historine shqiptare, pasiqe edhe koha e bene te veten, MENDIMI i shqiptarit merret me nje seriozitet me te madh se ai i deritanishem. Londra, Parisi, Versaji me perbuzje shikonte koburen e Boletinit e pa ndonje seriozitet degjonte fjalet e bukura te Fishtes dhe ne fund thoshte:Hiqju more atyre rebeleve e turqeve! Hajt se s’kane cka bejne!? Ishte e vertet se shqiptaret dinin te luftonin dinin edhe te flitnin por DREJTESIA nuk punonte per ta, ishte e pameshirshme. Shqiptaret nuk kihin miqe, se paku nuk kishin miqe qe mund t’i mbronte, Nuk e kishin Ameriken.”Nene mos ki frike se i ke djemte n’Amerike”!
    Tani eshte koha e BE e cila nuk na e ka hatrin aqsa e do vendin por me parime te njejta per te gjithe. E do paqen,prosperitetn e mireqenjen per te gjithe, e para se gjithash, STABILITETIN si ne Europe ashtu edhe ne Ballkan. Trepca eshte e Kosoves. Por ajo “Trepca” per te cilen flasin Vucic e Rama ka mbi nje shekull qe bartet-transportohet nga Mitrovica ne Beograd. Nuk thohej me kot “Trpca radi, Beograd se gradi” (Trepca punon Beogradin nderton)! Nga Trepca Serbia nxirrte “mazen” per kete ajo mundohet ta mbaje edhe me tutje si prone te veten. Besoj qe BE nuk do te lejoje pazarlleqe me prona te Kosoves.

  2. mirel says:

    E o analist pordha. Shkruani shume fjale e terma po nuk thoni asgje.
    E kthyet gazeten ne nje kombimim fjalesh si : ura bashkepunimi, mirekuptimi, kompromisi, qetesim shpirtrash, ulje nervash, shkembim idesh, deficit historik…dhe asnje fjale per deficitin ekonomik.
    Qe pason deficitin mendor te deliranteve qe i besojne brockullave te tilla

Lini një Përgjigje

Adresa juaj email nuk do të bëhet publike. Fushat e domosdoshme shënohen *