Kryeministri Edi Rama ka mbledhur ditën e sotme, në një takim informal ministrat që vijnë nga partia e tij.
Mësohet se mbledhja po zhvillohet në Gjirokastër, dhe të pranishëm janë Ministrat Klosi, Ahmetaj, Kumbaro, Kodheli, Tahiri, Peleshi, Gjiknuri, Harito, Bushati, Gjermeni, Nikolla, Beqaj, Felaj dhe Çuçi.
Raportohet se temë e diskutimeve në këtë mbledhje është puna dhe objektivat e qeverisë.
Më herët gjatë ditës, shefi i qeverisë zhvilloi një takim me fermerë të Këlcyrës.
Takimi po mbahet në ambientet e hotel “Çajupi”. Para se të rikthehet në Tiranë, kryesocialisti Rama do të zhvillojë po në Gjirokastër edhe një mbledhje me kryetarët e degëve të PS-së në 61 bashkitë e vendit.