Samir Mane shet “Skopje City Mall” në Maqedoni për 92 mln euro

25 Tetor 2016, 18:49Rajoni TEMA

Kompania shqiptare Balfin ka regjistruar një shitje rekord për Shqipërinë dhe rajonin, të një prej projekteve të saj më të suksesshme.

Kështu, qendra e madhe tregtare Skopje City Mall, e projektuar, ndërtuar dhe menaxhuar nga Balfin MK, pjesë e Grupit Balfin, pas katër viteve jetë, u shit për shumën e 92 milionë eurove.

Pronarët e rinj të kësaj qendre tregtare do të jenë Hystead Limited të Mbretërisë së Bashkuar.

Më poshtë deklarata e plotë e Balfin Group:

“Balfin Group, grupi më i madh i investimeve në Shqipëri, ka kënaqësinë të shpallë shitjen e Skopje City Mall tek Hystead Limited në Mbretërinë e Bashkuar për 92 milionë €.

Skopje City Mall është projektuar, ndërtuar dhe menaxhuar nga Balfin MK, pjesë e Grupit Balfin, dhe është funksionale prej viti 2012. E vendosur në zonën urbane të kryeqytetit të Maqedonisë, Shkupit, Skopje City Mall është qendra e parë moderne në Maqedoni me një koncept komplet të ri që sjell bashkë blerje, zbavitje dhe shoqëri. Si qendra më e madhe e këtij lloji në rajon, Skopje City Mall zhvillohet për të qenë një pikë referimi e Shkupit modern dhe destinacioni i parë i markave botërore si Inditex Group (Zara, Massimo Dutti, Bershka, Pull&Bear dhe Stradivarius), Tom Tailor, Nike, Cinneplex, Nine ëest dhe shumë të tjerave në 130 dyqanet e saj. Me mbi 7 mln vizitorë në vit, Skopje City Mall është qendra tregtare më e vizituar dhe më e suksesshme në Maqedoni.

Hystead Limited (Hystead), një kompani Britanike, është një sipërmarrje ndërmjet Hyprop Investments Limited (Hyprop) 60%, dhe PDI Investments Holdings Limited 40%. Hyprop është një Trust Publik Investimesh i Pasurive të Paluajtshme me fokus në qendrat tregtare në Afrikën e Jugut me një vlerë tregu prej më shumë se 2 miliard Euro. Blerja e Skopje City Mall është e fundit në rradhën e blerjeve të qendrave të tjera tregtare që Hystead ka realizuar në rajon prej këtij fillimviti, e cila është pjesë e strategjisë së Hystead në krijimin e një fondi Evropian në rritje të qendrave tregtare.

Balkan Finance Investment Group është një ndër grupet private investuese më të mëdha në Shqipëri dhe rajon. Portofoli i investimeve të Grupit mund të kategorizohet në aktivitete për zhvillimin e pasurive të paluajtshme, shitje me pakicë, menaxhim i hapësirave tregtare apo industriale, shërbime, telekomunikacion, fincancim i konsumatorëve, industri minerare, turizëm, energji dhe agrikulturë. Balfin Group është një aktor kryesor në tregjet shqiptare dhe ato ndërkombëtare duke vepruar në 10 vende”.

5 komente në “Samir Mane shet “Skopje City Mall” në Maqedoni për 92 mln euro”

  1. krysho ludovik says:

    u terhoq nga maqedonia korcari
    nuk i dihet e, me mire 92 milione euro sesa hic

  2. Arbnori says:

    Po si nuk po del nje strukture qe tia nxjerre fundin e kazanit parave te investuara nga ky farr biznesmeni i lavatriçeve Saimir Msne vellai binjek i Rezart Taçit. Parate e kujt luan ky tip biznesneni prodhim made on Albania?

  3. Samir mane says:

    80.milion eur jane te bankave ….

  4. Baton Gostivari says:

    KOMPANIA e INFERIORITETIT KULTUROR “DALFIN” po të ishte imanente shqiptare, nuk do ta emërtonte projektin me variantin sllav, të surrogatuar – “SKopjeto” CiTY, por edhe më bukur, identike me lashtësinë tonë “Shkupi Cyteta”

  5. Brahoo says:

    po vijn zgjedhjet,nuk duhet te na gjejne te papergatitur

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje