Zvarritja: Gjykata Kushtetuese merr kohë për të përkthyer ligjin e Vettingut, kur në fakt ai… është i përkthyer

Gjykata KushtetueseNë Gjykatën Kushtetuese ka nisur përkthimi në anglisht i ligjit të vetting-ut. Ky është një proces që ndodh me çdo material që kjo gjykatë e dërgon për opinion në Komisionin e Venecias.

Por ndryshe nga çështjet e tjera, për vetting-un po kërkohet një përshpejtim me qellim që, siç thonë ambasadorët e Shteteve të Bashkuara dhe Bashkimit Europian, reforma në drejtësi të mos ketë vonesa dhe të nisë nga zbatimi.

Megjithatë, Top Channel mësoi se teksti në anglisht ende nuk është gati dhe se materiali nuk do të mund të dërgohet në Venecia brenda kësaj jave.

Burime në Gjykatën Kushtetuese pohuan për Top Channel se ligji i vetting-ut do të dërgohet në Venecia sapo ai të jetë i përkthyer nga ekspertët e kësaj gjykate.

Në fakt, origjinali i ligjit të vetting-ut është në anglisht, sepse është punuar nga një prej ekspertëve të misionit EURALIUS, e cila i dha OK-ejin përfundimtar gjatë pushimeve të gushtit, kur pritej të caktohej edhe seanca e jashtëzakonshme për miratimin e tij.

Për shkak të vendimit për pezullimin e ligjit të vetting-ut, procesi i rivlerësimit të pasurisë dhe kontrolli i figurës për gjyqtarët dhe prokurorët është aktualisht i pamundur.

Dhe rrugën drejt një vendimi përfundimtar të Gjykatës Kushtetuese mund ta hapë vetëm oponioni nga Komisioni i Venecias. Prandaj, përkthimi dhe dërgimi i shpejtë në Venecia ka marrë tani një rëndësi të pazakontë për një ligj të pazakontë.

REMOTE_ADDR:[]

2 komente në “Zvarritja: Gjykata Kushtetuese merr kohë për të përkthyer ligjin e Vettingut, kur në fakt ai… është i përkthyer”

  1. vito says:

    Lu dhe Vlahutin duhet te sygjerojne futjen sa me shpejt ne listat e zeza te SHBA-BE te ketyre 6 gjyqtareve qe po zvarritin procesin. Tani po na bejne shpikjen e radhes qe ligji u dashka perkthyer nga anglishtja ne anglisht.

  2. Ervini says:

    E ke gabim, duhet perkthyer nga tropojançe ne anglisht.

Lini një Përgjigje

Adresa juaj email nuk do të bëhet publike. Fushat e domosdoshme shënohen *