Vettingu mbërrin në Venecia, Kushtetuesja e përktheu ligjin me urgjencë

29 Tetor 2016, 19:45Politika TEMA

Ligji i Vettingut ka mbërritur në Komisionin e Venecias. Gjykata Kushtetuese nuk e vonoi procesin  e përkthimit dhe ia arriti të realizojë dërgimin në Venecia të ligjit të përkthyer brenda tre diteve nga marrja e vendimit për pezullimin e tij, duke përmbushur edhe pritshmërinë e Shteteve të Bashkuara dhe Bashkimit Europian për ta referuar çështjen pa vonesë në komisionin e Venecias.

Kryetari i Gjykates Kushtetuese, Bashkim Dedja konfirmoi për Top Channel se materiali është dërguar të premten pasdite bashkë me pyetjet përkatëse, të cilat reflektojnë dilemat e gjyqtarëve që morën vendimin e pezullimit.

Pyetjet kanë të bëjnë me përmbushjen nga ligji i Vettingut të standardeve të Konventes Europiane për të Drejtat e Njeriut. Veçanërisht në dy nene të tij, ato që përcaktojnë të drejtën për një proces të drejtë gjyqësor dhe të drejtën për të respektuar jetën private dhe familjare.

Ligji i Vettingut detyron kontrollin e telefonit, mesazheve dhe çdo komunikimi tjetër të personave që do të punojnë në organet e reja të Vettingut dhe të disa organeve të tjera të drejtësisë, kryesisht atyre të spakut. Hera e fundit që Gjykata Kushtetuese iu drejtua Komisionit të Venecias ishte marrja e opinionit për ligjin e pronave në fund të qershorit.

Kthimi i përgjigjes zgjati pothuajse 4 muaj, por besohet se me ligjin e Vettingut koha mund të shkurtohet ndjeshëm. Të pakten dy burime konfirmuan për Top Channel se Komisioni i Venecias nuk do ta  vonojë përgjigjen dhe do ta trajtojë me prioritet çështjen e mbërritur nga Shqipëria, duke qënë se ky është një ligj që ka pezulluar të gjithë zbatimin e reformës në drejtësi.

3 komente në “Vettingu mbërrin në Venecia, Kushtetuesja e përktheu ligjin me urgjencë”

  1. Wettingu ishte qe ne fillim ne anglisht …..dhe nuk kishte nevoje per tu perkthyer !

  2. Demokrati i vertete says:

    Fatmir Xhafa ben mire te mbledhi komisionin e drejtesise dhe te kontrolloje perkthimin e vetingut qe kushtetuesja i paska derguar Venecias, jo per gje por mos gabimisht ka ndonje nderrim fjale, shprehje, apo nje presje, pike etj. Tung.
    Demokrati i vertete.

  3. sapa says:

    Beni si te doni o kriminele me popullin me te paafte te botes.Cdo popull tjeter do ju kishte prere koqet por jo ky popull dhe kete e dini ju shume mire ju.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje