Ka përfunduar me rezultatin e barabartë 0-0 supersfida e javës së 9-të e Kategorisë Superiore mes Partizanit dhe Skëndërbeut.
Një sfidë që kishte brenda saj, tension, kartona të kuq, spektaklin si në fushën e lojës ashtu edhe në shkallët e stadiumit.
Nuk mungoi dhe ndërpreja për disa minuta e sfidës, pas një sherri masiv në shkallët e stadiumit mes policisë dhe tifozave.
Një situatë e cila zgjati për disa minuta duke dalë jashtë kontrollit, ku dhe një tifoze femër rrezikoi seriozisht jetën pas dhunës që ndeshi në shkallët e stadiumit.
Sa i përket sfidës Partizani arriti që të dominojë në pjesën e parë të takimit duke pasur disa raste të arta për shënim. Rastin më të mirë e pati sulmuesi Ekuban, i cili me portën e boshatisur nuk arriti dot ta dërgontë topin në fund të rrjetës.
Në pjesën e dytë sfida u përqëndrua më së shumti në qarkullimin e topit ku rastet për shënim nga të dyja ekipet ishin të pakta.
Pas këtij barazimi Skëndërbeu ruan vendin e parë me me 20 pikë, ndërsa Partizani qëndron në vendin e dytë me 18 pikë të grumbulluara./ Fatjon Baze, TemA TV