Luli jep dhjetë arsyet përse do bojkotojë Kuvendin

Share on FacebookShare on Google+Tweet about this on TwitterShare on LinkedInShare on Whatsapp

Më në fund, Luli ka bërë gati dhjetë arsyet e forta përse do bojkotojë Kuvendin para 28 nëntorit:

-Ed Rama sa herë hyn në sallë nuk përshëndet Doktorin, por i shkel syrin Ristanit, duke i bërë shenjë a ka pirë ndonjë dopio.

-Tre herët e fundit nuk i ka thënë Pamela, Albanës, dhe i ka buzëqeshur më shumë deputetes seksi nga Cërriku, duke tentuar të përçajë grupin parlamentar

-Kur ka shkuar në Tropojë për vizitë, ndryshe nga politikanët e tjerë, nuk ka shkuar të vendosë lule tek Kulla e Doktorit, me arsyetimin se nuk ka filluar akoma rilindja urbane në fshatra.

-Gjatë takimit me ambasadorin holandez, i ka kërkur atij të ndërmjetësojë tek familja Basha, meqë janë shtetas holandezë, që të pushojnë propagandën kundër hashashit, meqë janë vend që e kanë liberalizuar si bimë.

-Ka provokuar tre deputetë të opozitës, duke ju ulur në tavolinë dhe duke i kërkuar Mesilës t’u bëjë foto.

-Ka ndërhyrë pranë Drejtorisë së targave dhe patentave me qëllim që Sandri të marrë targë AA001PD, që nënkupton se Sandri është i pari i PD në këtë vend dhe me këtë të justifikojë marrëdhëniet e mira që ka me opozitën.

-Ka futur si agjent tek Presidenca Ed Ypin, duke e emëruar këshilltar të presidentit, me qëllim që njerëzit të thonë që presidenti thërret të çmendur dhe spiuna për këshilltarë.

-Ka pas gati përkthimin e ligjit për Vetingun dhe ja ka dorëzuar Gjyaktës Kushteteuse për ta nisur menjëherë në Venecia, për të sabotuar planin e opozitës, e cila kërkon kohën e duhur për përkthimin e ligjit.

-Ka shkatërruar industrinë e hashashit, duke ulur çmimin me qëllim që të falimentojnë njerëzit e opozitës që kanë mbetur pa punë dhe merren me hashash.

-Nuk pranon që emisioni i Karminës është më i klikuar se intervista e tij me analistët e Kosovës, ngaqë urren opozitën.

Pa plotësuar këto dhjetë kushte, opozita nuk do të kthehet kurrë më në Kuvend, edhe sikur Ilir Meta të deklarojë që do bëjë koalicion me PD.

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]

Lini një Përgjigje

Adresa juaj email nuk do të bëhet publike. Fushat e domosdoshme shënohen *