Shqipëria peshon pretendimin e Turqisë se është qendër e gylenistëve

3 Nëntor 2016, 11:48Sociale TEMA

Pasi ministri i Jashtëm turk e quajti Shqipërinë si qendrën e “gylenistëve” në Ballkan, ekspertët në vend thonë se Shqipëria duhet t’i hetojë me kujdes pretendimet.

Nga Fatjona Mejdini

Teksa Turqia vazhdon të ushtrojë presion në vendet e Ballkanit për të marrë masa të ashpra mbi të ashtuquajturit gylenistë – ndjekës të klerikut me bazë në SHBA Fethullah Gylen i akuzuar si planifikues i grushtit të dështuar të shtetit në Turqi më 15 korrik – ekspertët në Shqipëri thonë se vendi duhet të vërë interesat e veta para atyre të Ankarasë.

Pirro Misha, një shkrimtar dhe kërkues i nacionalizmit dhe kulturës, i tha BIRN se Shqipëria duhet të jetë e kujdesshme në përgjigjen që do të ketë ndaj presionit të Ankarasë, pavarësisht miqësisë tradicionale që ka me Turqinë.

“Shqipëria duhet të vërë interesat e vendit mbi… kërkesat që vijnë nga një shtet tjetër, pavarësisht miqësisësë së fortë,” këshilloi ai.

Megjithatë, Misha shtoi se mund të jetë në interes të Shqipërisë të hetojë pretendimet turke.

“Nëse ka prova se ekziston një organizatë e huaj sekrete në Shqipëri me ambicie për të ndërhyrë politikisht, në shkallë sociale dhe fetare, atëherë çështja bëhet e rrezikshme,” tha ai.

“Por qeveria duhet të ketë prova të forta për këtë, ndryshe procesi mund të kthehet në një gjueti shtrigash”, tha Misha.

Mevlut Cavusoglu, ministri i jashtëm turk foli për influencën e dyshuar të gylenistëve në Ballkan në një intervistë për të përditshmen e Katarit Haberturk, duke e shënjuar Shqipërinë si vendi kyç në rajon.

“Shqipëria duket se është qendra e gylenistëve në rajon; Bosnja, Maqedonia dhe Kosova gjithashtu janë kapur nga gylenistët,” tha Cavusoglu të mërkurën.

Ermir Gjinishi, një teolog dhe ish-sekretar i përgjithshëm i komunitetit mysliman shqiptar i tha BIRN se investigimi i aktivitetit të gylenistëve në Shqipëri ishte gjithsesi i nevojshëm.

“Shqipëria është një vend me prani të madhe gylenistësh dhe ata kanë ndikim në çdo strukturë shtetërore. Kjo organizatë nuk përfaqëson interesat e Shqipërisë, në disa rasste, madje i ka manipuluar ato. Synimi i tyre është të kapin shtetin dhe kjo është çështje sigurie,” pretendoi ai.

Deklarata e Cavusoglu erdhi ditë pasi homologu i tij shqiptar, Ditmir Bushati, mbajti një vizitë zyrtare në Turqi, ku u takua gjithashtu me presidentin turk, Recep Tayyip Erdogan.

Ndërsa deklaratat zyrtare të publikuara nga ministria pas vizitës theksonin se synimi i takimeve ishte përmirësimi i marrëdhënieve ekonomike dhe tregtare, media në vend tha se zyrtarët turq i bënë sërish thirrje Tiranës të vepronte kundër gylenistëve.

Thirrje të ngjashme u bënë nga vetë Erdogan përpara se të ndodhte grushti i shtetit në Turqi.

Në maj 2015, gjatë një vizite në Tiranë, Erdogan e nxiti vendin me shumicë myslimane ta shpallte lëvizjen një organizatë terroriste.

Ai theksoi se i konsideronte kryeministrin shqiptar Edi Rama dhe presidentin Bujar Nishani si vëllezër dhe shprehu besimin se ata do të “bënin gjënë e duhur”.

Zyrtarët vendas raportuan se u duhej të ndiqnin ligjin shqiptar në lidhje me pretendimet se në vend veprojnë organizata terroriste.

4 komente në “Shqipëria peshon pretendimin e Turqisë se është qendër e gylenistëve”

  1. VANG says:

    Me qe ka te tilla pretendime nga te dyja palet dmth turqit dhe gylenistet dhe me keq akoma sepse ata kane depertuar ne strukturat shteterore te mbyllen te gjitha shkollat me karakter fetar e jo fetar qe jane hapur ne Shqiperi,nga keto sipermarrje.Keshtu mos ti mbetet hatri asnjeres pale dhe Shqiperia te distancohet nga keto influenca.

  2. Erdogan vellai says:

    Pse nuk fitet sadopak per lidhjet familjare te Erdoganit me İSİS in

    qe te gjithe shqipetaret qe jane rekrutuar nga İSİS kane penetruar nepermjet ushtrise

    po merreni me Gulenin qe analizon Amerika me mire se SHqiperia se kot nuk e mban atje ne Pensilvani

    KUsh ia çon armet ISIS it ate thoni
    po qyteti Antep ne turqi qe strehon İSİS in dhe mjekon te plagosurit e İSİS

    prandaj mos u merrni me Gjinisha qe marrin lek nga ambasada turke

    behuni pak te sakte
    Faleminderit

  3. trgfs says:

    Po te jete burre ky zoti Rama e njeh gjenocidin armen
    apo i kemi vellezer turqit???

  4. trgfs says:

    Po te jete burre ky zoti Rama e njeh gjenocidin armen
    apo i kemi vellezer turqit???..

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje