PD do çojë në Kushtetuese edhe dy ligjet e reja të reformës në drejtësi

Share on FacebookShare on Google+Tweet about this on TwitterShare on LinkedInShare on Whatsapp

kushtetuesjaLigji i Vetting-ut nuk është i vetmi që do të ketë një proces në Gjykatën Kushtetuese. Partia Demokratike do të dërgojë atje edhe ligjin e fundit të paketës për reformën në drejtësi.

Ligji për organet e qeverisjes së drejtësisë, që parashikon, mes të tjerash, ngritjen e Këshillit të Lartë të Prokurorisë dhe Këshillit të Lartë Gjyqësor, konsiderohet nga demokratët si një ligj në shkelje flagrante të kushtetutës.

Top Channel komunikoi me nënkryetarin demokrat të reformës në drejtësi, Oerd Bylykbashi, i cili u shpreh se amendamentet e miratuara në mënyrë të njëanshme mbrëmjen e 3 nëntorit, thellojnë antikushtetueshmërinë e ligjit që përcakton sesi do të ngrihen dy organet që do të qeverisin sistemin e drejtësisë.

Oerd Bylykbashi e krahason një komision të ri “ad hoc” që do të filtrojë kandidaturat nga avokatia përpara se ato të shqyrtohen nga Kuvendi, me funksionet e dikurshme të këshillit të emërimeve në drjetësi.

Një organ që opozita e konsideronte si kupolën e kontrollit të drejtësisë nga qeveria. Oerd Bylykbashi tha se komisioni “ad hoc” është një strukturë që nuk parashikohet nga Kushtetuta dhe është krijuar për t’i imponuar Kuvendit të Shqipërisë vullnetin e disa njerëzve të caktuar, me gjasë nën kontrollin e qeverisë. Kjo është arsyeja që, sipas demokratëve, e bën flagrante shkeljen e Kushtetutës dhe që detyron opozitën të ankimojë ligjin në Kushtetuese, sapo ai të botohet në fletoren zyrtare.

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]

2 komente në “PD do çojë në Kushtetuese edhe dy ligjet e reja të reformës në drejtësi”

  1. Lapi says:

    Meqe PD nuk pelqen ligjet eshte antikushtetues ahahhaha Po ju jeni funderrina jeni horrat e vertete te ketij vendi,turp te keni o plera.

  2. Gjeja me e sakte do te ishte qe kjo bande antishqiptare te nxirret Jashte Ligjit !

Lini një Përgjigje

Adresa juaj email nuk do të bëhet publike. Fushat e domosdoshme shënohen *