Nishani e ka “mësuar” rrugën, Presidenca kërcënon: Çojmë dhe buxhetin në Kushtetuese, duam 20 milionë shtesë

PresidencaPresidenca kërcënon Kuvendin dhe Ministrinë e Financave se do ta dërgojë buxhetin 2017 në Gjykatën Kushtetuese. Në një situatë të paprecedentë, Bujar Nishani, nëpërmjet drejtorit të tij të kabinetit, Florjan Nuri, ka paralajmëruar se nëse as këtë vit nuk merr rritjen prej 20 milionë lekësh shtesë mbi atë që Ministria e Financave kishte parashikuar për funksionimin e këtij institucioni, do të ankimojë buxhetin në Kushtetuese.

“Është një situatë që përsëritet prej disa vitesh, na vështirëson punën e institucionit. Nëse nuk na jepni lekët, do ankimojmë Buxhetin në Gjykatë kushtetuese”­u shpreh Nuri në Komisionin e Ligjeve, ku institucionet kushtetuese diskutojnë mbi buxhetin që financat i kanë akorduar.

Kryetari i komisionit Fatmir Xhafaj iu kundërpërgjigj: “E tepruat , nuk jeni ankuar kur e keni pasur buxhetin minimal. Këtë vit keni rritje të konsiderueshme. Kur ta çoni në Kushtetuese na njoftoni”.

Paratë shtesë Presidenca i kërkonte për të shlyer borxhin e akumuluar prej vitesh prej 14 milionë lekësh, nga udhëtimet e kreut të shtetit jashtë dhe vizitat e personaliteteve të huaja të pritura nga Nishani.

Një pjesë e parave do të shkonin dhe për rikonstruksionin e zyrës së kreut të shtetit. Ndërsa 10 milionë të tjera jashtë këtij fondi, kërkoheshin për ceremoninë e ndërrimit të presidentëve në 2017­n.

Këtu ka kundërshtuar menjëherë Ministria e Financave sipas të cilës, ky aktivitet nuk është mbuluar asnjëherë nga shpenzimet e Presidencës por Fondi i Kontigjencës.

“Presidenca në buxhetin e 2017 –s ka një fond prej 41 milion lekësh. Ceremoniali i ndërrimit të presidentëve, përballohet nga fondi rezerve jo presidenca” ­ u shpreh përfaqësuesja e Ministrisë.

Në krah të kërkesës për shtesë fondesh të presidentit doli LSI e PD. “Hiqni 3­4 palma dhe plotësojani kërkesat presidentit” ­u shpreh Eduard Halimi.  I pasuar nga Petrit Vasili, i cili tha: “Këto janë shifra qesharake, turp që vjen deri këtu biseda”.

Në buxhetin e shtetit fondi për presidencën është 201 milionë, ndër to për shpenzime kapitale, ku përfshihen rikonstruksionet dhe blerjet e objekteve, shkojnë në 5 milionë.

REMOTE_ADDR:[]

1 komente në “Nishani e ka “mësuar” rrugën, Presidenca kërcënon: Çojmë dhe buxhetin në Kushtetuese, duam 20 milionë shtesë”

  1. sofia says:

    Une e zgjidha problemin. sa here shikoj dhe degjoj Lulezim Bashen ne televizion a gazete, nuk e lexoj dhe mbyll zerin e televizorit deri sa fillon lajmi tjeter, ndersa nuk me çudit Petrit Vasili qe do ti japi presidentit te tij leke akoma nga taksapaguesit. Gjykates kushtetuese i doli boja, por me duket se do dale dhe vete jashte territorit administrativ shtetror. Kohen e bejne njerezit: do thone ne kohen e Enver Hoxhes, ne kohen e Sali Berishes apo ne kohen e Edi Rames; vlen se çfare kane bere ata per shoqerine dhe per vete. Emrat tani u ngelen, por namin e kane krijuar me punen e tyre dhe, kur aty te kete drejtesi, do te pergjigjen dhe per ato qe kane bere, ndryshe njerezit do ti ndeshkojne vete sipas menyrave klasike. Shoqeria do te dije ti ndaje gjerat sakte sado qe politikane si ata te Lsi-se po bejne figuren e djallit. Krahu tjeter dihet qe eshte antishqiptar sepse e faktoi me kundershtimit qe i beri ne Bruxelles, perfundimisht , çeshtjes te parnimit apo jo ne BE.

Lini një Përgjigje

Adresa juaj email nuk do të bëhet publike. Fushat e domosdoshme shënohen *