Kongresmeni amerikan flet për parandalimin e sulmit terrorist ndaj skuadrës së Izraelit: Mund të ishte më keq se në Munihun e 1972

17 Nëntor 2016, 22:52Politika TEMA

Anëtari i Dhomës së Përfaqësuesve të Kongresit të Shteteve të Bashkuara të Amerikës, njëherësh anëtar i lartë i Komisionit për Punë të Jashtme të këtij institucioni, Eliot Engel, ka lavëruar Kosovën për parandalimin e një sulmi terrorist të militantëve të grupit Shteti Islamik ndaj kombëtares së Izraelit në futboll.

“I duartrokas autoriteteve të Republikës së Kosovës për parandalimin e një varg sulmesh të planifikuara terroriste nga ekstremistët e ISIS’it, duke penguar një masakër ndaj kombëtares së Izraelit në futboll”, ka thënë Engel nëpërmjet një komunikate, transmeton Gazeta Express.

“Më kujtohet sulmi brutal ndaj ekipit olimpik izraelit në Munih më 1972, dhe druaj se ky sulm mund të kishte qenë po aq i keq ose edhe më i rëndë”, ka shtuar Engel.

“Unë i jam gjithashtu mirënjohës autoriteteve në Shqipëri dhe Maqedoni, të cilat kanë bashkëpunuar me Kosovën për ta parandaluar këtë sulm”, ka thënë Engel.

Anëtari i Dhomës së Përfaqësuesve të Kongresit amerikan ka vlerësuar se Kosova ka ndërtuar një historik mbresëlënës të luftimit të ekstremizmit të dhunshëm.

“Askush nuk duhet të dyshojë në angazhimin e udhëheqësve në Prishtinë për ta arritur këtë objektiv, dhe Shtetet e Bashkuara janë me fat që kanë një partner si Kosova në këtë përpjekje të rëndësishme”, ka thënë Engel.

Ai ka vlerësuar se “duke marrë parasysh historikun e fuqishëm të Kosovës, është koha të përshpejtohet inkuadrimi i Kosovës në strukturat kyç euroatlantike, përfshirë NATO’n dhe Bashkimin Evropian”.

1 komente në “Kongresmeni amerikan flet për parandalimin e sulmit terrorist ndaj skuadrës së Izraelit: Mund të ishte më keq se në Munihun e 1972”

  1. ''....askush nuk urrehet me shume,se ai qe thote perhere te verteten[Plato]. says:

    prandaj amerikone mos ia ndani ”te gjatin” sunitoshqipfolesve te pabese,pasi kjo fare e keqe eshte njelloj me leshqenet arabe una facia una rraza………………….

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje