Muç Nano replikon me Vladimir Kriston: Ato që thotë ai, i di dhe bufi

NanoGjykata Kushtetuese rrëzoi dje kërkesën e kuvendit për të hequr pezullimin për ligjin e vetingut.

Jo vetëm kaq, por një prej anëtarëve të kësaj gjykate, Vladimir Kristo, ka replikuar me politikën, duke thënë se duhet reformuar ajo në fillim, dhe pastaj gjyqësori.

Mustafa Nano ka komentuar për Mapo-n deklaratat e Kristos.

“Kjo që thotë zoti Kristo mbi sistemin politik që duhet reformuar nuk është ndonjë shpikje.

Edhe bufi e di që sistemi politik duhet reformuar.

Mirëpo ca gjyqtarë, sidomos ata që kanë bërë karrierë të gjatë në sistemin e drejtësisë (një nga këta është Vladimir Kristo), mund të kishin dhënë ndonjë ndihmë që ky sistem të reformohej, qoftë edhe me vendime që do t’i tregonin një dore politikanësh se nuk mund të mbajnë peng vendin për ca interesa të tyret.

E kanë pasur mundësi ta bëjnë këtë gjë. Dhe nuk e kanë bërë” -thotë Nano.

Sipas tij, nuk kanë dhënë asnjë shenjë se kanë qenë të bezdisur e të shqetësuar prej korruptimit të sistemit të tyre, atij të drejtësisë.

“As Vladimir Kristo nuk e ka bërë këtë. Dhe tani e dëgjojmë të na thotë se sistemi politik është i tillë.

Dhe ka rrezik që vepra e vetme e bujshme e këtyre gjyqtarëve me karrierë të gjatë në nivelet më të larta të sistemit të drejtësisë të mbetet kjo rezistencë që ata po u bëjnë përpjekjeve për të reformuar sistemin” –komenton Nano.

REMOTE_ADDR:[]
                 Loading...