Kerry uron Shqipërinë për 28 Nëntorin: Mirënjohje për kontributin tuaj

Share on FacebookShare on Google+Tweet about this on TwitterShare on LinkedInShare on Whatsapp

kerrySekretari amerikan i Shtetit John Kerry ka uruar popullin shqiptar për festën e Pavarësisë më 28 Nëntor.

“Me kërkesë të presidentit Obama dhe popullit amerikan kam kënaqësinë të uroj popullin shqiptar me rastin e 104-vjetorit të Pavarësisë së vendit, më datë 28 Nëntor”, thotë Kerry në mesazhin e tij.

Shefi i diplomacisë amerikane shprehet se, Shtetet e Bashkuara dhe Shqipëria kanë një histori të gjatë miqësie dhe bashkëpunimi.

“Vendi juaj është një fuqi në rritje në mbështetje të sigurisë rajonale dhe globale dhe Shtetet e Bashkuara vlerësojnë thellësisht kontributin tuaj përkrah Koalicionit Global Kundër ISIS, Operacionit për Vendosje dhe Mbështetje dhe KFOR-it”, vijon Kerry mesazhin e tij.

Sekretari i Shtetit vlerëson gjithashtu “angazhimin e fuqishëm” të Shqipërisë kundër ekstremizmit të dhunshëm, si dhe promovimin e paqes në rajonin e Ballkanit Perëndimor.

“Në vitet që do të vijnë, SHBA do të punojnë për vazhdimin e bashkëpunimit, sidomos në mbështetje të progresit tuaj drejt anëtarësimit në Bashkimin Europian”, deklaron më tej Kerry.

“Në këtë ditë të veçantë u dërgoj urimet e mia më të mira për lumturi, prosperitet dhe një të ardhme të sigurtë për të gjithë shqiptarët”, përfundon kryediplomati amerikan mesazhin e tij.

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]

2 komente në “Kerry uron Shqipërinë për 28 Nëntorin: Mirënjohje për kontributin tuaj”

  1. dibrani says:

    kaq i paduruar qenka ky kerry sa nuk pret dot dhe tre dite per te bere urimet apo eshte lajm i sajuar,e bete si mziu i kamzes qe dha medaljen e nderit pa mare akoma mandatin trampi

  2. DETARI Atlantidhes @ says:

    Faleminderit qe na mendon ,z.Xhon Kerry !

Lini një Përgjigje

Adresa juaj email nuk do të bëhet publike. Fushat e domosdoshme shënohen *