Kokëdhima braktiset në Tiranë. U lexon fjalimin punonjësve të tij dhe akuzon PS për presione

Ish- deputeti Koço Kokëdhima ka dështuar në përpjekjet e tij për të organizuar një takim me socialistët në Tiranë dhe ka përfunduar në një sallë të hotel Grandit në Tiranë, me disa punonjës të tij, të cilëve u lexoi një fjlaim mbi reformimin e Partisë Socialiste.

Kokëdhima theksoi se dështimi i takimit ishte shkaktuar nga presionet e kupolës së Partisë Socialiste kundër lëvizjes së tij për reformim.

Ai tha se “përpjekja ime për ta reformuar Partinë Socialiste nga lart, dështoi sepse nuk ka vullnet nga drejtuesit e lartë të partisë.

Në këto kushte ka vetëm një rrugë realiste për ta reformuar Partinë Socialiste.

Vetëm nga poshtë, vetëm me mbështetjen e socialistëve të thjeshtë, e atyre socialistëve që ndihen të përdorur, e atyre që kanë 25 vite që mbështesin pa kushte PS-në”.

Kokëdhima theksoi se nuk e mohon miqësinë e tij me Edi Ramën dhe i kërkoi atij ta shikonte këtë lëvizje si një ndihmë për të.

“Edi Ramën unë e kam mik që prej 18 vitesh.

Këto zhvillime nuk janë kundër tij. Unë nuk luftoj kundër Ramës.

Nuk bëj luftëra personale kundër asnjë individi, madje.

Unë nuk i harroj kohët e shkuara, nuk i mohoj as jetën time dhe as miqësitë e mia.”

Duke folur për presionet ndaj tij, Kokëdhima theksoi se lëvizjen e tij duan ta ngatërrojnë me atë të Blushit.

“Disa miq e rrogëtarë të fshehtë të pushtetit, nëpër media e portale, duan që të heqin një paralele mes lëvizjes sonë politike dhe LIBRA-s së Blushit.

Kjo është një strategji e qëllimtë për të manipuluar socialistët e bazës.

Armiqtë e reformimit të PS-së i financojnë këto strategji.”

REMOTE_ADDR:[{"thumb":"http:\/\/www.gazetatema.net\/web\/wp-content\/uploads\/2016\/11\/kokdhima-grand-150x150.jpg","full":"http:\/\/www.gazetatema.net\/web\/wp-content\/uploads\/2016\/11\/kokdhima-grand.jpg","attachment_id":"588229"},{"thumb":"http:\/\/www.gazetatema.net\/web\/wp-content\/uploads\/2016\/11\/kokdhimat-150x150.jpg","full":"http:\/\/www.gazetatema.net\/web\/wp-content\/uploads\/2016\/11\/kokdhimat.jpg","attachment_id":"588232"}]
                 Loading...