Superaksion kundër drogës në Athinë, shkatërrohet rrjeti që drejtohej nga shqiptarët

Share on FacebookShare on Google+Tweet about this on TwitterShare on LinkedInShare on Whatsapp

athineNjë operacion madhor kundër trafikut të lëndëve narkotike është zhvilluar në qendër të Athinës. Sipas Drejtorisë së Policisë së Atikës, 97 persona janë arrestuar në total që prej fillimit të operacionit, të koduar “Himara”, prej të cilëve 59 vetë gjatë 3 ditëve të fundit dhe 38 të tjerë në faza të tjera.

Në total janë proceduar 146 vetë, të cilët  akuzohen si  anëtarë ose në dijeni të aktivitetit të organizatës. Autoritetet deklaruan se kreu i organizatës dhe bërthama komanduese e saj janë të gjithë shtetas shqiptarë.

Sipas policisë, organizata funksiononte me role të ndara dhe degë tërësisht anonime prej njëra-tjetrës, në mënyrë që të shmangeshin arrestimet e anëtarëve të saj.

Kreu i kësaj organizate bënte kujdes në ndarjen e roleve të anëtarëve, duke organizuar deri në detaj importimin e lëndëve narkotike nëpërmjet kufirit shqiptar e në vazhdim në shpërndarjen e sasive të këtyre lëndëve.

Shitja bëhej nëpërmjet shpërndarjes tek emigrantët afrikanë, por edhe tek shitës pakice grekë dhe shqiptarë, ndërsa kujdes i veçantë bëhej për transportin dhe pastrimin e parave të përfituara në mënyrë ilegale.

Kryesisht organizata shiste lëndë narkotike në zonën e qendrës së Athinës. Të paktën 30 prej të arrestuarve janë shtetas shqiptarë, 30 janë afrikanë dhe pjesa tjetër grekë dhe emigrantë nga Bullgaria, Rumania dhe Afganistani.

Në cilësinë e provës materiale janë sekuestruar në 45 banesa të ndryshme 433 kilogramë kanabis, sasi lëndësh të ndryshme narkotike, mijëra rrënjë kanabis të papërpunuara në sera, si dhe 30 mijë euro para të thata, 10 vetura, 2 motorë dhe një kamion që përdoreshin për transportin dhe shpërndarjen e drogës.

Policia vlerëson se kjo organizatë ka trafikuar më shumë se 1.2 ton kanabis, si dhe sasi të mëdha drogash të rënda. Vlerësohet se përfitimet e saj arrijnë në më shumë se 19 milionë euro.

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]

1 komente në “Superaksion kundër drogës në Athinë, shkatërrohet rrjeti që drejtohej nga shqiptarët”

  1. Spiro says:

    Operoacioni “Himara” ha ha ha

Lini një Përgjigje

Adresa juaj email nuk do të bëhet publike. Fushat e domosdoshme shënohen *