Zlatan Ibrahimoviç intervistohet nga dy fëmijë shqiptarë, ja këshilla e tij dhe çfarë thotë për Pogba...

29 Nëntor 2016, 13:26Sport TEMA

Dy fëmijë shqiptarë, Arbnori dhe Shenasia të cilët jetojnë tashë në Suedi, kanë bërë realitet ëndrrën e tyre.  Ata arritën të realizonin një intervistë ekskluzive me Zlatan Ibrahimoviç, një prej yjeve të futbollit botëror.

Si fillim Shenasi shkori për yllin suedez të Mançester në gazetën “Svenska Dagbladet Junior”, ku tregoi vitet e para të futbollistit në Rosegard. Më pas ata  ia dolën mbanë të bënin intervistën.

Dy djemtë ishin të entuziazmuar para se të hynin në sallë, ku Ibra lexoi fillimisht artikullin që kishin përgatitur ata për Evropianin. Intervista e shumëpritur filloi, dhe përveç pyetjeve ata shkëputën dhe disa batuta interesantë nga lojtari.

“Për mua gjëja më e vështirë është të vrapoj, por duhet. Preferoj edhe të luaj në sulm, ndërsa të mbroj nuk ndjehem edhe aq mirë. Argëtohuni me futbollin. Nëse dikush ju mërzit, atëherë kalojani topin mes këmbëve ose driblojeni. Futbolli është argëtim, apo jo?”, ishin fjalët e sulmuesit suedez.

I pyetur me kë vrapon në stërvitje, Ibra nuk kurseu thumbimet. “Me të ndryshëm, nga Mkhitaryian te Rooney. Pogba? Disa herë. Por ai është gjithmonë vonë, mbetet në fund të rreshtit. Varet, nëse janë me fat, mund të vrapojnë përkrah meje”, tha ai.

Në fund, Ibrahimoviç e cilësoi si intervistën më të bukur që kishte dhënë në 10 vitet e fundit.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje