Shtetet e Bashkuara të Amerikës do të shtojnë prezencën dhe rolin e tyre në Shqipëri, me ekspertë të të gjitha fushave, me trajnime, pajisje dhe monitorin, sa i takon luftës kundër drogës, korrupsionit dhe krimit të organizuar.
Kështu parashikon marrëveshja e fundit mes Shqipërisë dhe SHBA, e cila është dërguar për shqyrtim dhe miratim në Kuvendin e Shqipërisë. Marrëveshja ndryshon paktin ShqipëriSHBA, për kontrollin e lëndëve narkotike dhe zbatimin e ligjit, nënshkruar më 1 korrik 2015.
Ndryshimi vjen në kuadër të programit për zhvillimin e sektorit të drejtësisë penale dhe të shtimit të fondit prej 3 milionë dollarë, për të vijuar me zbatimin e reformave në sistemin gjyqësor.
SHBA do ta kushtëzojë fondin me progresin e reformave në gjyqësor shkruan Shqiptarja.com. Marrëveshja e detajuar është parashikuar nga ministri i Brendshëm, Saimir Tahiri, në emër të qeverisë shqiptare dhe nga ambasadori amerikan, Donald Lu, në emër të qeverisë së SHBA.
Programi për zhvillimin e sektorit të sistemit gjyqësor penal do të sigurojë mbështetje për institucionet kryesore të drejtësisë penale, zyrtarëve të antikorrupsionit dhe agjencive mbështetëse, për të forcuar aftësitë e Shqipërisë për të luftuar të gjitha format e krimit, në veçanti duke u fokusuar në përmirësimin e efektivitetit dhe cilësisë të procedimeve penale dhe forcimit institucional në këtë kuadër.
Projekti do të përfshijë trajnimin, dhurimin e pajisjeve, asistencën teknike dhe këshillimin nga ekspertë të fushave, duke përfshirë ekspertët e Shteteve të Bashkuara pjesëmarrës nëpërmjet Drejtorisë së Përgjithshme për Fqinjësinë dhe Negociatat për Zgjerim të Komisionit Evropian.
Marrëveshja me SHBA për kontrollin e lëndëve narkotike dhe zbatimin e ligjit, parashikon zbatimin e disa komponentëve, duke nisur që nga monitorimi nga ana e amerikanëve të zbatimit të reformave në gjyqësore, mbikëqyrjen e procesit të Vetingut dhe verifikimin e gjyqësorit në koordinim me Komisionin Evropian.
Po ashtu, parashikohet rritja e kapaciteteve të prokurorëve dhe hetuesve për të luftuar krimin e organizuar, korrupsionin dhe format e tjera të aktiviteteve kriminale. Parashikohet gjithashtu zhvillimi i një sistemi të drejtësisë penale nëpërmjet legjislacioneve të përmirësuara, ndihmë për gjyqësorin për të gjykuar rastet brenda afateve kohore, në mënyrë efikase, të paanshme dhe etike.
Qëllimi afatgjatë i këtij projekti është të forcojë sektorin shqiptar të drejtësisë penale, institucionet e tij dhe zyrtarët, në mënyrë që të përgjigjet për të gjitha llojet e krimit, me fokus të veçantë në korrupsionin dhe krimin e organizuar, duke pasur për qëllim ta afrojë vendin më pranë anëtarësimit në Bashkimin Evropian, në përputhje me qasjen strategjike të vendit.
Mbështetjen dhe financimin e projekteve për zhvillimin e sektorit të drejtësisë penale për të zbatuar komponentët e përshkruar në pjesën e modifikuar të Marrëveshjes.
Për këtë qëllim, qeveria e SHBAve dhe qeveria e Shqipërisë, do të ndërmarrin veprime dhe do t’i përdorin burimet në baza vjetore në përputhje me procedurat dhe legjislacionet përkatëse të të dyja vendeve, për të mbështetur këtë përpjekje.
…kush do te perveshe menget kesaj radhe??
I nderuar z. Ambasador Donald Lu! Ju lutemi ne emer te Popullit Shqiptar, merni ne dore cdo gje qe ka lidhje me procesin e vetingut,dhe ju lutemi cojeni deri ne fund kete proces,ka ardhur koha,per te mos thene qe ka shkuar shume,qe te gjithe gjyqtare e prokurore,te kalohen ne siten e kontrollit. Sistemi i drejtesise eshte me i korruptuari dhe ka humbur besimin e popullit,ky sistem eshte komplet nen urdherat e bandes se SHQUPit. Edhe nje here z. Ambasador D. Lu, bejeni per popullin,do tju jete perjetsisht mirenjohes e do te ngeleni ne memorjen e tije,si personi qe shkaterroi drejtesine e korruptuar Shqiptare,nen drejtimin e sali berishes