Pas afro 4 orë ndjekje nga Policia Kufitare dhe Guardia di Finanza arritën të kapnin një gomone me drogë, me tre shtetas në bord.
Gomonia me drogë u diktua gjatë pasdites së djeshme nga shërbimet e përbashkëta të Policisë Kufitare e Migracionit dhe të Guardia di Finanza. Ajo po lëvizte me shpejtësi drejt Italisë.
Bllokimi i saj u bë rreth 16 milje larg bregdetit shqiptar.
Gomonia ishte 10 m e gjatë, me 2 motorra x 135 kf, në bordin e së cilës u gjetën dhe arrestuan, 1 shtetas shqiptar dhe 2 shtetas Italian me gjeneralitetet e mëposhtme:
E.T, 22 vjeç, nga Vlora
G.T, 42 vjeç, nga Brindizi Itali,
A.M, 41 vjeç, nga Brindizi Itali.
Në vendin ku u kap gomonia deri tani janë gjetur në det 15 pako të mëdha me lëndë narkotike e llojit cannabis sattiva, me peshë 400 kg.