Ish-kryeministri grek Samaras: Erdogan dhe Rama po na kërcënojnë

samarasIsh-kryeministri i Greqisë Antonis Samaras ka deklaruar se kryeministri i Shqipërisë Edi Rama dhe Ppesidenti i Turqisë Recep Erdogan po kërcënojnë shtetin grek.

“Në të vërtetë, Erdogan kërcënon! Por mua nuk më shqetësojnë kërcënimet e Erdoganit, ai gjen dhe bën”, deklaron në gazetën “Bradini” Antonis Samaras.

Ish-kryeministri konservator në këtë interviste vuri në dukje midis të tjerave se “kjo nuk është vetëm kërcënimi i Erdoganit, sepse dhe Rama ka filluar të provokojë nga ana e tij”.

Samaras ka shprehur shqetësimin se dobësimi i Greqisë ka inkurajuar Shqipërinë dhe Turqinë që të reagojnë në këtë mënyrë.

“Greqia është dobësuar dhe kjo është ajo që ka inkurajuar fqinjët provokues. Deri në vitin 2015 ne nuk kishim probleme të tilla”, thotë Samaras.

Duke shfajësuar ministrin e Jashtëm grek Kotzias, ish-kryeministri theksoi se “edhe pse ai është kundërshtari im, unë them se faji nuk është i tij, por i vendeve fqinje”.

Më tepër ish-kryeministri i Greqisë është ndalur në problemet e Qipros, ekonomise, politikës së vendit etj.

“Këto kërcënime dhe provokime nuk do të ekzistonin nëse Greqia do të kishte forcuar pozicionin e saj ndërkombëtar”, tha ish-kryeministri grek.

REMOTE_ADDR:[]
                 Loading...