Agron Gjekmarkaj akuzon Andi Bushatin, se kërkon të prishë Bashën me Berishën (dhe se ka gëzuar Ramën)

berisha bashaAgron Gjekmarkaj ka replikuar me Andi Bushatin, për shkrimin e këtij të fundit në lidhje me vizitën dhe fjalimin e djeshëm të Lulzim Bashës në “Qytetin Studenti”.

Gjekmarkaj fillimisht shkruan se është impresionuar nga fjalimi i Bashës:

“Dje, më 8 Dhjetor, në Qytetin Studenti Lulzim Basha ka mbajtur një nga fjalimet publike më cilësore të karrierës së vet politike. Nëse atë ligjëratë e shkëput nga personi autor i saj, mund të thuash se aty reflektohen problemet e mëdha të shoqërisë, nga periferia në qendër, nga elita deri te qytetari më i panjohur i këtij vendi. Nëse e analizon atë si një tekst të kryetarit të Opozitës shqiptare, arrin në të njëjtat konkluzione, duke shtuar se në PD po ndodh diçka e re në këto tri vite, së paku në ligjërim”.

Andi Bushati, një nga gazetarët e respektuar të këtij vendi, i cili shpesh tërheq vëmendjen me qëndrimet e veta sui generis tenton të rrezojë me një të rënë të lapsit mesazhin e djeshëm të Bashës dhe simbolikën e vendit nga ai preferoi ta jepte atë mesazh.

Në shkrimin e tij “Basha, vizita e gabuar në Qytetin Studenti”…..”, Bushati thotë, në optiken time, disa gjëra të vërteta për rëndësinë dhe aspiratat e kësaj lëvizjeje, por ato të vërteta nuk mund të prodhojnë një histori ndryshe nga çka qenë, një 8 Dhjetor tjetër të projektuar në vitin 2016. Nuk kam qenë aty për arsye moshe, por mendoj se ajo natë nuk është datë e Ramiz Alisë, as e nomenklaturës komuniste, as e Sigurimit të Shtetit, por e studentëve shqiptarë që e jetuan dhe e shndërruan atë moment në pikë kthesë në historinë tonë bashkëkohorë.

Kjo parti, PD, ka lindur aty dhe ditëlindjet e saj lidhen me atë shesh, pikërisht me Qytetin Studenti. Në 26 vjet, stine pas stine, secili prej nesh ka pasur pritshmëritë e veta, shpresat dhe zhgënjimet, të cilat lidhen edhe me sukseset dhe dështimet e PD, por asnjë analizë serioze nuk mund ta nxjerrë këtë subjekt më të keq se Partinë e Enver Hoxhës apo demokracinë dhe tranzicionin 25-vjeçar më të errët se diktaturën e Hoxhës, Shehut, Kapos etj”, shkruan më tej Gjekmarkaj për Panorama, si përgjigje ndaj Bushatit.

Dhe më pas e akuzon këtë të fundit, se kërkon të prishë Bashën me Berishën.

Andi Bushati ka marrë një tjetër pozicion, atë të nihilistit absolut ndaj PD-së kur drejtohej nga Sali Berisha, një nihilizëm ky që i hidhet si rrjetë Lulzim Bashës, në formë pengese për çdo lëvizje apo tentativë të tij për ndryshim.

Mund të diskutojmë sa të duam në është e drejtë apo e gabuar, por jemi në fushën e interpretimit dhe jo të absolutes kur flasim për lidhjen e Sali Berishës me PD-në. Mesa kuptoj në distancë, militantët dhe anëtarët e kësaj partie kanë respekt edhe për xhaketën e Sali Berishës e jo më për të. Ndoshta respekt eçesiv, ndoshta idhujtari e tepruar, por kjo është e vërteta. Ata nuk ia njohin për faj Bashës respektin për Berishën. Partitë e djathta e ruajnë trashëgiminë e tyre”, shkruan ai.

Ndonëse shkrimi i Bushatit kishte brenda intrigë e fabul e si i tillë lexohej me një frymë, duhet thënë se e ka gëzuar shume Edi Ramën dhe ka përlotur Erion Veliajn, mbase pa dashje… “, e mbyll shkrimin e vet Gjekmarkaj

REMOTE_ADDR:[]
                 Loading...