15 mln euro hashash në brigjet italiane, 3 shqiptarë në pranga

10 Dhjetor 2016, 09:18Kronika TEMA

Mbi një ton e gjysmë dhe tre shqiptarë në pranga. Ky është bilanci i një operacionit të njësisë aeronavale të Guardia di Finanzas në brigjet e  Barit, ndërmarrë në orët e fundit.

Autoritetet italiane, të sinjalizuara nga policia shqiptare janë vënë në ndjekje të një gomoneje 10 metra të gjatë, e cila po udhëtonte me shpejtësi të madhe drejt brigjeve italiane dhe nuk u është përgjigjur thirrjeve për të ndaluar.

Pas ndjekjes që ka zgjatur disa minuta, gomonia është bllokuar. Në bordin e saj janë gjetur mbi 1.5 ton hashash, që në tregun italian do të kapte vlerën e 15 milionë eurove.

Tre shqiptarë të moshës 26, 34 dhe 42 vjeç përfunduan në pranga dhe veç drogës u sekuestrua edhe gomonia e modifikuar me dy motorë të jashtëm me nga 350 kuaj fuqi secili.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje