Rrëfehet Majlinda Bregu: E ardhmja ime në PD, "oferta" nga Rama (dhe një shpotitje për Lulzim Bashën)

10 Dhjetor 2016, 11:23Politika TEMA

Në një periudhë simbolike për PD dhe historinë e saj, deputetja, Majlinda Bregu flet për shumëçka lidhur me këtë forcë politike, marrëdhënien e saj me PD-në dhe të ardhmen e saj politike.

Në një intervistë për gazetën “Mapo”, Bregu i përgjigjet zërave lidhur me një propozim nga Brukseli për ta emëruar si kryenegociatore të Shqipërisë në BE dhe jo vetëm.

“…Unë kam 10 vjet që negocioj me BE-në! Kjo ik e JA në Europë, vulosi edhe fatin tim politik. Pse jo mbase jashtë rryme, por vazhdon të mbetet pasioni im politik. Ju pëlqen apo jo kjo papagajve të politikës a figurantëve politikë, pak rëndësi ka për mua. Ka 10 vjet që ndjek atë që besoj dhe nuk kam asnjë tundim për të yshtur më tej trallisjen politike të askujt…”, -shprehet ajo.

Por, a po lobon ajo një qasje të ndryshme nga ajo e lidershipit të partisë?

“Unë kam qenë dhe jam në linjën e PD-së, për të cilën jam bashkuar edhe në vitin 2005, si partia e cila vendosi qysh në krijimin e saj anëtarësimin në Bashkimin Europian, si qëllimin e saj kryesor. Këtu jam unë… Historia e PD-së nuk është zgjedhje e lidershipit aktual. Kushdo është i lirë ta ndjekë ose jo, por nuk e themelon dot historinë. PD-ja ka lindur me këtë mision, dhe unë jam në të njëjtin mision për të cilin ka lindur PD-ja”, -përgjigjet ajo.

Për integrimin e Shqipërisë në BE, Bregu shprehet se volitet një kompromis historik.

“Na duhet t’i thërrasim arsyes se më ngjan që po konsumojmë e prodhojmë më shumë urrejtje se shpresë; më shumë stanjacion se zhvillim; më shumë injorancë se edukim; më shumë mashtrime se të vërteta; më shumë pabarazi se sa zbutje të saj; më shumë vetëshkatërrim se sa mund ky vend të mbajë…”, -thotë ajo.

Bregu ka një përgjigje edhe për debatin e fundit mes PD-së dhe ndërkombëtarëve lidhur me përkthimin e ligjit të vettingut në Komisionin e Venecias.

“…Ne na kanë vënë në provë! Jo për letrat! Jo për fjalimet! Jo për përkthimin! Por për të gjetur njerëzit që kanë vullnet e kurajë për ta ndryshuar këtë gjendje!…”.

A ka marrë Bregu ndonjë ofertë konkrete politike nga Rama në këmbim të një qëndrimi të caktuar?

“Unë nuk jam në politikë si krijesë e skutave dhe as e lutjeve që zakonisht ju rrinë bukur kujt në jetë s’ka bërë asgjë. Jam e qartë se në këtë panair politik rraskapitës, – siç e quan Kadare, – ka zhurma, ujë, dëngla, pazare e frikëra nga më të çuditshmet…”, -përgjigjet ajo.

Bregu flet edhe për të ardhmen e saj në politikë.

“…Në rast se për të zgjedhur ndërmjet të ecurit apo të tërhequrit zvarrë dhe një vrapi të lodhshëm për të mbërritur deri diku, absolutisht do të zgjedh vrapin sado i vështirë të jetë dhe sado me pengesa të jetë. Ndoshta mund të jem gabim unë që e shoh veten dhe e projektoj me një shpejtësi tjetër. Dhe meqenëse më pyetët për të ardhmen politike, unë e shoh veten siç jam!…”.

Ajo jep përgjigje interesante edhe për angazhimin e të rinjve në politikë, për të cilën foli dy ditë më parë edhe Lulzim Basha.

“…Nuk bëhet fjalë për nocionin moshor, bëhet fjalë për konceptin, cilësinë, pasionin për politikën, dëshirën që kanë për të bërë ndryshim dhe jo intoksikimin për pushtetin e ri, dhe bëhet fjalë edhe me një gjë tjetër që pak kush e përmend sot, bëhet fjalë për një personalitet dhe rithemelim individualiteti politik. Larg atij paternalist…”.

Një shpotitje ajo e ka edhe për Lulzim Bashën teksa pyetet nëse synon postin e kryetarit të partisë.

“…Luli (Basha) ka pasur fatin më të madh që as Berisha nuk e ka pasur si kryetar i PD-së. Sepse realisht ai është zgjedhur dhe ka jetuar në një terren edhe si kryetar i një partie politike ku nuk ka pasur zëra ta kundërshtojnë apo t’i bëjnë ndonjë betejë. Ka qenë komod për të. Dhe e përsëris, as Berisha nuk e ka pasur të tillë në fillimet e veta po të shikojmë figurat që ishin atëherë. Unë them që gara e bën një njeri më të fortë. Sfida i jep mundësi një njeriu që të provohet sidomos një kryetari…”.

5 komente në “Rrëfehet Majlinda Bregu: E ardhmja ime në PD, “oferta” nga Rama (dhe një shpotitje për Lulzim Bashën)”

  1. Delli USA says:

    Fjale imzot,fjale,do thoshte i madhi Shekspir,kurse shqipe thuhet hajde anas dhe pirdhi ne te.

  2. zzz says:

    KUR KJO DER INJORANTE DUKET SI ATA ME NJE SY NE MES TE QORAVE…VAJ HALLI I KETIJ POPPULLI

  3. bjondi says:

    Ore Mero (nen kupto TEMA) , jeni ne aksion per riciklim “plerash” si eshte kjo pune !!!!!!!????? Nuk ka dite qe nuk i jepni hapesire kesaj “bjondeje” qe nivelin intelektual e ka medioker por eshte sterre ne shpirt dhe si njeri (ja kalon dhe çamit qe ka ne shtepi) !!!!!! Keni marre urdher (dmth para) ta ricikloni se nuk po arrijme ta kuptojme ,,,,,, ???!!!!!!!!!

  4. Arben says:

    KETE SHOQEN E PERDHUNON BURRI I VET.

    I DHA CA PARA SALIUT PER FUSHATE DHE I THA MA MERR MA AKTIVIZO NE POLITIKE, SE PER GJE TJETER NUK ESHTE.

    MENDOJENI VET, SE SA GJERA TE MIRA MUND TE BEJE KJO PER BOTEN, KUR NUK RREGULLON DOT TE SAJAT.

  5. profesori says:

    Cjane kto idjotesira se emeroka Brukseli kryenegociatorin?Kjo eshte vetreklame e ksaj debile K…Kryenegociator te emeron vendi por :1.Duhen hapur negociatat2.Ne krye te jete nje personalitet intelektual me integritet e profesional sepse do negocioje kapituj q kerkojne shume njohuri ekonomike dhe juridike,Nje personalitet qe ka aftesi negociuse me shume aktore politike sociale ,grupe interesi etj.Ju shkon ne mendje qe formati i Beugur i perballon keto kushte?

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje