A mund të na shërbejë Shkupi si model?

Share on FacebookShare on Google+Tweet about this on TwitterShare on LinkedInShare on Whatsapp

patoziNga Astrit Patozi

Maqedonia nuk mund të shërbejë për askënd si model. Sepse është ikonë e krizave ciklike, që sjellin sëmundjet më të rënda të pushtetit, në rajon dhe më gjerë. Dhe këtu nuk përjashtohet as Shqipëria, megjithëse ajo, për nga hallet e sipërcituara, fatkeqësisht, nuk është shumë larg fqinjes së vet lindore.

Por kam frikë se në një aspekt ne duhet ta ta marrim si shembull Shkupin, dhe ai nuk është i parëndësishëm. Maqedonia, aq problematike, me korrupsionin, arbitraritetin dhe abuzimet e rënda me pushtetin, bën zgjedhje më të mira se ne. Të paktën, këto të fundit, por ndoshta jo vetëm ato.

Mjafton të shikosh se rezultati përfundimtar ka dalë vetëm disa orë, pasi është hedhur vota e fundit, dhe asnjë nga aktorët nuk po flet për parregullsi serioze në procesin e së dielës. Kujtoni për një cast kalvarin e numurimit tonë, që nuk mbaron kurrë, për të mos thënë se në cfarë labirintesh kalojmë ne për të mbërritur deri aty.

Dhe të mos harrojmë se jemi vetëm 6 muaj larg zgjedhjeve tona politike. Të cilat, sipas të gjitha gjasave, do të jenë edhe më të këqija sesa pararendëset, sepse janë dhënë ndërkohë të gjitha “garancitë” nga qeveria. Që nga zgjedhjet e pjesshme në Korcë, disa muaj pasi Edi Rama mori detyrën, më pas në ato lokalet një vit më parë, e së fundi në Dibër, para pak kohësh.

Sot që po flasim mund të shpallim pa frikë falimentimin e reformës elektorale, që do të thotë se qeveria nuk është e gatshme as ta shkruajë në letër se ka ndërmend të bëjë zgjedhje të mira vitin e ardhshëm. Sepse Kodi Elektoral është vetëm hapi formal për të shkuar drejt një procesi zgjedhor korrekt dhe të pakontensuar. Por, gjithësesi, tmerrësisht i pamjaftueshëm, sepse përvoja na ka treguar që ne gjëmat më të mëdha këtij vendi ia kemi bërë, kur i kemi kapërcyer dhe shpërfillur si lecka ligjet. Që do të thotë se në kohën që ka mbetur asgjë thelbësore nuk pritet të ndryshojë për mirë as në kornizën ligjore që shtron rrugën për zgjedhje të lira dhe të ndershme në Shqipëri. Dhe mendoj se ky është një prelud ogurzi për 18 qershorin.

E di që sot mund të jem në kundërrjedhë, pasi të gjithë kanë mprehur lapsat dhe po analizojnë skenarët e krijimit të qeverisë së re në Shkup dhe mbi të gjitha “humbjen” numerike të faktorit shqiptar atje. Natyrisht, që edhe unë kam opinionet e mia për sa po ndodh në vendin fqinjë, madje edhe për “tradhtarët” tanë, të cilët, megjithëse kanë humbur, janë bërë më përcaktues në Maqedoni. Sa që të kujtojnë jo pak LSI-në tonë të lavdishme, gjatë viteve të fundit, por nuk jam shumë i sigurt, nëse do të kenë fatin e saj.

Por preferoj të mos merrem me këtë temë, sepse mendoj se ajo është, sa produkt, aq edhe problem, që i takon ta zgjidhin faktorët politikë atje, maqedonë dhe shqiptarë, sigurisht. Ne nuk kemi as tagrin, por nuk jemi as në pozitën për ta trajtuar me përcmim atë që ndodh në Maqedoni. Sepse shumë prej problemeve të saj, që e zhytën vendin prej vitesh në kaos dhe destabilitet, janë ulur këmbëkryq edhe në Shqipëri.

Zgjedhjet e djeshme në Maqedoni mund të kenë shërbyer për të dhënë shumë mesazhe, të cilat natyrisht kanë vlerë në radhë të parë për qytetarët e saj. Por nuk mund të përjashtohet edhe rrezatimi rajonal i këtij evenimenti të rëndësishëm politik për Ballkanin. Nëse ne do të dinim të lexonim sic duhet, duhet ta nisnim nga leksioni i zgjedhjeve të së dielës.

Maqedonia u tregoi dje të gjithëve, por sidomos neve këtu, se vjen patjetër një pikë, kur votën e refuzimit dhe të zemërimit të qytetarëve nuk e ndal dot askush. Nuk mjaftojnë as dhuna dhe shantazhet, as paratë e pista, as blerja e votës dhe as manipulimet për të mbajtur në këmbë një pushtet të paligjshëm, që lind dhe rritet nga deformimi i votës. Vjen gjithmonë dita. Pavarësisht se mund të vonojë pak.

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]
        
        Loading...
        

4 komente në “A mund të na shërbejë Shkupi si model?”

  1. DETARI Atlantidhes @ says:

    O Patos !
    Maqedonia ben zgjedhje me te mira se sa ju te mender PD se,por nuk krahasohet me zgjedhjet e socialisteve qe gjithmone kane qene viktime te hajduterise tuaj zgjedhore !

  2. qafiri says:

    po cthu mor idiot me islamike do perparosh ti o qafir (:))

    mblidhni mendjen o pis milet se me keta qafira nuk behet kurr shqiperia…

    konvertohuni ne katolike sic keni qene njehere e nje kohe atehere do perparoni o qafire bythqelbur

  3. Emigranti says:

    Z PATOZI sa te paska shqetesuar zgjedhjet e lira e te ndershme ne 2017 ?! Ja psh te realizohen ashtu si i realizuat ju kur ishit ne pushtet ,a do te ishit te kenaqur?? Dhe kush flet nje drejtues i PD qe s’eshte gje tjeter nje makineri qe prodhon vetem vetem genjeshtra.Eshte kjo arsyeja qe qytetaret e thjeshte jane shkeputur pre kesaj partie moster qe vetem zi i ka sjelle ketij vendi .Ate qe ju i kini bere ketij vendi ketij populli nuk ja ka bere kush.Si i aruat bemat tuaja e vodhet e shitet e shkateruat e vrate,shihni jo vetem ju por gjithe kupola juaj e pd se ne cfare ambjente jetese jeni gjendjen ekonomike per te kuptuar kush jeni.Eshte per te miren e tij ai qe do te braktise kete parti kancer ashtu si e kane braktisur shumica e elektoratit te saj.Qofte e mallkuar ne jete te jeteve kjo parti e cila me hapjen depove te armeve cfarosi dhe vazhdon te cfarose shqipetare duke veshur nena me shami te zeze dhe duke lene femije jetime.

  4. shqip says:

    kane filluar te gjejne alibine e radhes. o astrit, mos e justifiko humbjen para kohe. qe ti nuk do jesh ne listen e babit te gites, kjo nuk do shume per tu kuptuar. ato pak vende qe mund te marri pedja, do rezervohen per personat vip te shqupit. po pak rendesi ka kjo. ti , bushati blushi, mehmeti, deri te nje far gomari jazexhi, e sa te tjere po deshmoni shterpesine e mendimit ne kete hapesire shqipfolesish. dikush e quan pranvere ballkanike. ka te tjere qe e vleresojne si fitore per shqiptaret. nje turkoman i mbetur ketyre aneve , na quajti qafire si komb. ore ku po shkojme keshtu? sa me shume flitet per europen, aq me shume i largohemi asaj. teoriciene kameleonthe te frikshem. predikojne fantazmat e tyre, ku edhe ne djepin e islamit quhen herezi. patozi shkon edhe me tej. te merret maqedonia si shembull. o patoz po ku e shikon suksesin e faktorit politik ? zaevi nuk ka filluar akoma nga puna. shqiptaret jane rudhur edhe me teper. nuk mjafton me kaq, tani do kemi nje parti shqiptare e orientuar nga islami radikal. ketej nga ne pantallona treçerekshet dolen hapur pro kalifatit. elemente anti shqiptare ne kosove po punojne me te gjitha menyrat per ta futur vendin drejt nje orientimi tejet fetar e pro portes se larte. ore a jeni njerez apo jeni mostra. duket sikur nje njeri i vetem bertet ne ajer, jemi e duam europe. po te gjithe i kthejne krahet. pseudo krishtere qe bejne zullume garazhezh e kioskash per te fituar 300te evro. me duket se ky vend po del duarsh. ligji qe spo behet kurre ligj. loje me partneret. nje here me ta, nje here me rusin. shqiptaret e veriut luftuan, fituan, u shpallen republike. dhe sot ? sot kane mure mbi ura. sot nuk mbrojne dot kufijte e vet. po ku po shkojme ? shqiptaret duhet te bejne nje zgjedhje. kush deklarohet shqiptar ti ndalohet me ligj propaganda pro sllave, pro greke, pro turke, pro kalifat, etj. te jeret qe flijohen per turqi e per greqi, tu hiqet kombesia nga dokumentet. te tjere akoma qe predikojne antishqiptarizem te deklarohen non grata per vendin e te deportohen nga keto troje. e di qe eshte gje e pa realizushme, po me keta tipa kjo do ishte zgjidhje konkrete. pse u dashka te sakrifikohemi ne jete te jeteve . kush nuk e ndjen veten shqiptar te largohet . kuptohet , ta largoje shteti qe i perket shqiptareve.

Lini një Përgjigje

Adresa juaj email nuk do të bëhet publike. Fushat e domosdoshme shënohen *