80 vitet e Servet Pëllumbit: Berishën e Nanon i kemi peshqesh nga Ramiz Alia

Share on FacebookShare on Google+Tweet about this on TwitterShare on LinkedInShare on Whatsapp

pellI njohur këto 26 vite të pluralizmit si profesori i socialistëve, Servet Pëllumbi ka kremtuar para pak ditësh 80-vjetorin e jetës. I cilësuar si frymëzues të lëvizjeve të reja dhe ndër filozofët që kanë ndikuar te pushteti në kohë kritike për historinë e Shqipërisë, i diplomuar për filozofi në Universitetin e Shën Petërburgut, prej më se tridhjetë vitesh pedagog i filozofisë dhe sociologjisë teorike, Pëllumbi ka mishëruar gjithnjë devizën e politikanit ideolog.

Kur më 12 qershor të vitit 1991 do të zgjidhej si i zëvendëskryetari i parë në Partinë Socialiste, e cila kishte në krye Fatos Nanon, do të mendonte se nuk e ndiente veten politikan kabineti, aq më pak burokrat. Kjo bindje iu forcua edhe më pasi lexonte ditarët e tij që datonin prej vitit 1991 e deri më 1996-ën. Për akademikun , të bëhej “njeri i veprimit” nuk qe e lehtë. “…nuk është e lehtë të shënjosh kufirin e politikës, pafuqinë e saj për të realizuar atë që është mirëfilli njerëzore te njeriu”.

Dhe pati një periudhë që u duk se brezi i politikanëve intelektualë, ata me ideologji të qarta po dilnin nga skena politike, ndërsa dritat binin te politikanët e qendrës apo “rrugëve të treta”.

… Por rikthimi i tyre duket se nisi të ndihej qartë edhe në arenën botërore me ikjen e Tony Blair. Beppe Grillo, Tsipras, Marine le Pen janë formati i politikanëve europianë më pranë doktrinave dhe ideologjive se sa menaxhimit… Një shembull i ngjashëm është madje edhe i sapozgjedhuri presidenti i ShBA-ve, Donald Trump, që megjithëse vjen nga bota e biznesit si politikan duket ngushtësisht i lidhur me ideologjinë.

Thellësisht i majtë, një prej motove të profesorit Servet Pëllumbi ka qenë ajo se “Politika do moral!”.

Deputet i Kuvendit të Shqipërisë në tri legjislatura dhe Kryetar i kuvendit nga prilli i vitit 2002 deri në shtator 2005, Servet Pëllumbi në rolin e kreut të Parlamentit ka qenë një nga drejtuesit e ekuilibruar dhe që ka respektuar më shumë të drejtat e opozitës në ato vite.

“Profesori” kujton se si brenda Partisë Socialiste do të kishte nga ata që do ta kritikonin duke thënë se “nuk drejtohej partia me skeda”. Mbajtja e skedave dhe ditarëve kish qenë zakon i hershëm fëmijërie që ish forcuar më vonë në universitet e mbi këto skeda dhe ditarë do të shkruante më pas librin “Përvoja ime në Partinë Socialiste”.

Shpesh i etiketuar, madje edhe i anatemuar si marksist – jo vetëm nga kundërshtarë politikë si Berisha, por edhe nga brenda partisë –kjo mbase nga koha kur Pëllumbi ka qenë pedagog dhe shef katedre në Shkollën e lartë të Partisë dhe formimin filozofik në ish-Bashkimin Sovjetik.

Por edhe në Shkollën e Partisë e patën etiketuar si “revizionist”, fill pas arrestimit të të vëllait më 1982–shin, në Durrës. Për t’u ruajtur nga ndonjë kontroll shtëpie, iu desh të sakrifikonte skedat dhe ditarët e asokohe duke i djegur.

Për t’iu rikthyer pas ’90, me kongresin e parë të Partisë Socialiste, ku Pëllumbi rrëfen se qe ai që propozoi ndërrimin e emrit nga Partia e Punës së Shqipërisë në Partia Socialiste. Madje ai kujton t’i ketë thënë edhe liderit të fundit të Shqipërisë komuniste, Ramiz Alisë, se “Nanon e Berishën e kemi peshqesh nga ty”.

Marrëdhëniet me Fatos Nanon nisën të ftoheshin, pas asaj që Pëllumbi e ka quajtur përçarja e madhe në PS ose “koha e mocionit”, pas zgjedhjeve të majit të vitit 1996.

Kundërshtitë politike, por jo vetëm që kishte me të , do të përkeqësoheshin gjatë fushatës së “katarsisit”, ku Pëllumbi së bashku me Doklen dhe Meidanin ishin figurat e larta të socialistëve që mbështetnin ish-kryeministrin Meta në konfliktin e ashpër përballë Nanos.

Qëndrimet e Pëllumbit edhe pas viteve 2005 janë parë nga të majtët si referencë në përçarjet e Partisë Socialiste apo debatet mes Nanos, Ramës dhe Metës. Tezat për çështjet e ditës, por edhe për programet partiake në librat dhe intervistat e tij që ai tha se pas 80- vjetorit nuk do i japë më, janë mirëpritur nga elektorati i majtë, ndonëse krerët e PS-së pak i kanë konsideruar.

Librin ku rrëfen përvojën në Partinë Socialiste e ka cilësuar si një apel. “Libri është apel për t’i dhënë fund kësaj lloj partillogjie, këtij sistemi politik, pasi pengon kulturën e dialogut”, do të shprehej ai.

Pëllumbi është parë si një prej pretendentëve për lidershipin e Partisë Socialiste kur ajo drejtohej nga katër nënkryetarë, por në vitin 1996, ai do të jepte dorëheqjen duke lënë postin e sekretarit dhe anëtarit të kryesisë.

Motivet sipas tij ishin idealiste, ndërsa ata që e mendonin ndryshe edhe brenda partisë do të dilnin sërish me tezën e marksizmit. Madje pat nisur edhe një fushatë kundër Marksit e marksizmit në PS. Kjo do e përndiqte gjatë.

Një fotografi e madhe e botuar nga “Koha Jonë” ishte një akuzë publike. E shkrepur në një prej librarive të Uashingtonit ku kishte një pavijon të tërë dedikuar librave të Marksit, Pëllumbi kujton se fotoja e shkrepur nga Kastriot Islami ishte qëllimkeqe. Ai mori aparatin dhe bëri foto.

“Unë nuk i dhashë rëndësi, dhe pasi dhashë dorëheqjen në ‘96, më denigronin në fushatë. Dhe kur e shoh një ditë foton në ‘KJ’ të madhe. Pikërisht unë i thashë një gazetari që më pyeti, që ju keni dashur të më denigroni, por më keni bërë nder. Por përderisa njerëzit thonë se këto gjenden në Uashington, ç‘faj ka ky!” -kështu do të shprehej Pëllumbi në një intervistë me gazetarin Sokol Balla para disa vitesh.

Por Marksi dhe marksizmi do të qarkullonin sërish lidhur me figurën e tij së bashku me legjendën e një busti të filozofit gjerman në zyrën e tij. Bustin- një punim i Kristaq Ramës- ka rrëfyer se e ka gjetur aty, e ka mbajtur dhe kur u largua nga zyra e mori në shtëpinë e tij.

“Dëshmia është kjo, nuk është faji i Marksit, nëse ka bërë gabime PPSH. Marksi ishte filozof, idetë e tij studiohen në shumë universitete. Tjetër gjë është Marksi komunist e tjetër filozof. Njerëzit këtë nuk e dinë” – kjo ishte bindja e Pëllumbit, që duke u shprehur kështu nuk tradhtonte as profilin e tij të filozofit e politikanit me ideologji të qartë, pa e humbur fokusin për hir të politikës pragmatiste…/Mapo

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]

8 komente në “80 vitet e Servet Pëllumbit: Berishën e Nanon i kemi peshqesh nga Ramiz Alia”

  1. reforma drejtesi si LSI says:

    eNVERISTI sERVETI, TY TE KEMI TRASHEGIMTARIN E eNVERIT.NJE ALE JENI.EDHE ATA qe permend shoket e dale nga bankat e enverizmit si puna jOte jane .kot e ke qe na ben moral, o i pakorrigjushem kamunist i djallit.

  2. shushica says:

    Urime profesor .Te mbaje ate platforme teorike socialiste moderne ne fillim te viteve 90…te ishte nje koherence e nje kulture te thelle por edhe moral i larte dhe karakter idealist .Cudia me e madhe …qe ne realitet nuk eshte çudi, ish komunistet fanatike u shndrruan ne antikomuniste fanatike, gati naziste…….ndresa krahu liberal ne pjesen derrmuese i qendroi besnik idealeve te majta , edhe pse dikush ishte goditur si profesor Pellumbi…Koha po te jep te drejte profesor, problemet me te medha te kohes po trajtohen nga neomarksistet , qofte nga pikpamja teorike si Pikety, qofte ne fushen e luftes politike , si Sanders ne SHBA,, Corby ne Britani, levizjet e majta pavaresisht nga emrat ne Spanje , Itali , Greqi …..Absurdi eshte qe edhe te djathtat nacionaliste ne Poloni , Hungari , France mbeshteten ne platformen sociale neomarksiste , gje qe te majtet tane kane frike ta permendin …..Natyrisht e majta jone ka kontroll ambasadorial , pra nuk del mbi nivelin e nje zyrtari ndersa ajo qe quhet e djathte nuk eshte gje tjeter vecse nje bande pa ide qe mendon vetem per tu pasuruar…Le te shpresojme tek te rinjte me kulture perendimore , per te dy krahet klasike te ideologjise dge politikes..

  3. mario says:

    Doli dhe ky matufi. Dhe flet per nanon, ky se vete qene reformist i madh. Ndaj ky vend sbehet me keta klloun cirku qe sreshtin se mbiri si kerpudhat ky mendimtar i madh qe sa kishte nanon KM vetem gojore i ben dhe seshte ngopur se vjedhuri dhe tani do te shesi prape.Uuuuuuu plera qe bythqrllekun e keni bere sistem .Po ky peshqesh i kujt eshte ky rk

  4. Bond says:

    Mire Nanon e kemi peshqesh nga R.Alia, por per arsye moshe komunistet e kalcifikuar Berisha e Pellumbi duhet t’i kemi peshqesh nga Mehmet Shehu, Hysni Kapo ose vete Enver Hoxha!

  5. Bushi says:

    Te falsesh per profesor Servt Pellumbin duhet nje nate dhjetori.Profesor Pellumbi eshte nje nga kuadrot e rrall,me nje inteligjence mahnitese dhe me nje edukat te larte shoqerore dhe familjare.Ai nderohet ne shoqeri,mbi te gjitha NJERI,te cilet kane deshire te bisedoje me ate,por edhe ne familje si nje prind i rrall,me vyrtyte te larta njerezore.Pergatitja e tij politiko-ideologjike,eshte vullneti i tij per dije ne shkencat politike.Ai ishte pedagog i rrall,me nje gojtari t rrjedhesheme,qe gjate dhenjes se leksioneve te bente ta degjoje me vemdndje,dhe ligjerimi i tij te linte me goje hapur.Kame patur fatin qe e kame degjiuar dhe kame marre leksione nga ai.Une personalisht kame dhe ruaj ne kujtesen time kujtime shume te mira,dhe e respektoje si nje nga idhujt e medhenj te politikes shqipetare.Ata qe flasin keq per profesor Pellumbin,jane jashtqitja e kombit,jane kundershtaret e tij,jane injorantet te cilet deri dje kane qe barinj me dhit neper pyje.Me rastin e 80 vjetorit te lindjes se tij,nuk me ngelet gje tjeter,veçse i uroje gjithe te mirat,jete sa me te gjat,te lumtur dhe me nje familje te bashkuar.Urime.Pershendetje.Nga mua ish student.

  6. Arben says:

    PESHQESH NGA BEOGRADI THUAJ.

  7. Servet PELLUMI- Pellumb e- PELLUMBI i PAQES e nuk behet SORE !
    Servet Pellumbi mbetet PELLUMB e Pellumbi i paqes dhe mirekuptimit, pa kompromise atikombetare.
    Kush nuk e di kete. Ata qe llomotisin si keta zoterinjte ne komente e gjetke, i marcin te keqen thote populli.
    Ai mbetet mbi te gjitha nje NJERI i kohes.pa haruar eksperiencen e brezave deri boterore ne POLITIKE.
    Po le ti urojme gezuar 80 vjetorin e lindies dhe :
    -“Qente le te lehin KARVANI te eci perpara”.
    Shqiptaret-atdhetare, te kane patur e te kane prane, gjithe vitet e aktivitetit Tuaj dhe, dine tiu vleresojne.
    Mbi te gjitha eshte qendrimi juaj ne tabane te shendosha Atdhetare,
    Atij atdheu qe ne fund te fundit; Partizanet me L.N Clirimtare te atyre viteve, na siguruan ditet, perjetuar mbi 45 vjet,te nderuar e respektuar nga BOTA.
    Jete gjatesi Profesor Serveti dhe si gjithnje, parimor dhe me drejtesine,qe ju karakterizon.
    Gezuar 80 vjetorin(jemi bashkemoshatare) dhe 80 te tjera ti festofshi, me Ju si gjitnje, kryemendie atdhetare.
    Gezuar vtin e ri 2017-te familiarisht.
    80 vjecari-pasues Veterani nga 1913-ta…
    Toronto 17 -12-2016 Dhimiter M.Xhoga .

Lini një Përgjigje

Adresa juaj email nuk do të bëhet publike. Fushat e domosdoshme shënohen *