Tramexani: Sadikun e kërkojnë në Angli, Itali e Gjermani!

tramezaniLugano lufton për mbijetesën në Zvicër dhe Paolo Tramexani ka shkuar te klubi zviceran pikërisht për të garantuar qëndrimin në elitë. Për ta bërë një gjë të tillë, ish-ndihmësi i De Biazit sheh edhe nga merkatoja, për të afruar futbollistë sa më cilësorë. Natyrshëm që të gjithë e pyesin të njëjtën gjë: A do të marrë futbollistë shqiptarë në klub?

Emri më i diskutuar në Zvicër është padyshim ai i Armando Sadikut, një lojtar që njeh mirë Luganon pasi ka luajtur aty në të kaluarën dhe i cili me golat e tij një vit më parë shpëtoi Vaduzin nga rënia. Tramexani e sheh të vështirë realizimin e kalimit të sulmuesit nga Zyrih te Lugano, pasi për të interesohen klube shumë më të mëdha.

“A mund të favorizojë raporti im me Sadikun një rikthim në Lugano? Armandon e njoh shumë mirë por nuk besoj se kjo mund të konkretizohet… edhe pse kurrë nuk duhet thënë kurrë. Por është e vërtetë gjithashtu që Sadiku kishte mundësinë të shkonte në Serinë A, në Bundësligë dhe Angli”, deklaroi Tramexani për mediat zvicerane.

REMOTE_ADDR:[]
                 Loading...