Vladimir Putin thumbon SHBA-të: Ushtria ruse, më e fortë se çdo armik potencial

22 Dhjetor 2016, 21:12Bota TEMA

Gjatë takimit të fundvitit me shefat e Mbrojtjes dhe Sigurisë, presidenti rus Vladimir Putin është shprehur se ushtria ruse sot mund të mposhtë çdo armik potencial. “Mund ta themi me siguri tashmë, se ne jemi më të fuqishëm se çdo agresor i mundshëm i yni. Askush nuk mund të na tejkalojë”, tha Putin.

Komentet e tij vijnë në fund të një viti, kur tensionet mes Rusisë dhe Perëndimit kanë mbetur të tendosura për shkak të luftës civile në Siri. Tensionet mes tyre nisën të përkeqësoheshin që prej aneksimit nga Rusia të gadishullit ukrainas të Krimesë në vitin 2014 dhe pas mbështetjes që Moska dha ndaj separatistëve në lindje të Ukrainës.

Marrëdhëniet shkuan në një pikë edhe më të ulët, pasi Rusia nisi vitin e kaluar një fushatë sulmesh ajrore në Siri në mbështetje të forcave besnike të presidentit Bashar al-Assad. Ndërkohë, si Rusia ashtu dhe vendet anëtare të NATO-s kanë zhvilluar një sërë stërvitjes ushtarake pranë kufijve rusë gjatë këtij viti. Kjo ka bërë që Rusia të këmbëngulë se do t’i përgjigjet çdo lloj kërcënimi në rritje nga ana e aleancës atlantiko-veriore.

Duke folur në selinë e Ministrisë së Mbrojtjes në Moskë, Putin tha se Rusia duhet të jetë e shpejtë në “përshtatjen e planeve për të neutralizuar kërcënimet potenciale ndaj vendit tonë”.

Fjalimi i Putinit erdhi pasi ministri i Mbrojtjes, Sergei Shoigu prezantoi raportin vjetor që lavdëronte arritjet e ushtrisë ruse në Siri dhe përpjekjet e vazhdueshme për të modernizuar ushtrinë, raporton TCH.

Shoigu tha se Rusia ka siguruar kufijtë e saj me sistemet paralajmëruese antiraketore për herë të parë. Ai u ankua në lidhje me fluturimet e shpeshta të “drone”-ve të NATO-s në zonat kufitare, si dhe shpalli planet për të dërguar më shumë trupa në perëndim të Rusisë, në jugperëndim dhe në Arktik.

Analistët thonë se forcat ushtarake ruse mbeten gjithsesi më të dobëta materialisht sesa forcat ushtarake të NATO-s, megjithatë po fitojnë terren në aspektin teknologjik, falë edhe ndihmës “agresive” nën komandën e Putinit.

Igor Sutyagin, një ish-studiues i lartë në “think-tank”-un “Royal United Services Institute” të Londrës, tha se ushtria ruse nuk është më e fuqishmja në botë, por shtoi se performanca e saj është përmirësuar ndjeshëm, veçanërisht për shkak se Putin ka ushtruar më shumë kontroll ndaj ushtrisë së tij krahasuar me kombet e NATO-s.

“Mungesa e kufizimeve i bën ato të pajisur më mirë për luftim, – tha ai. – Ata janë më të fortë sepse, nëse Putin do të dojë t’i përdorë, ai nuk ka nevojë për të marrë këshilla. Atij nuk i duhet të dalë përpara Dumës ruse, siç ndodh me Capitol Hill-in”.

4 komente në “Vladimir Putin thumbon SHBA-të: Ushtria ruse, më e fortë se çdo armik potencial”

  1. "horri i bulevardit" says:

    O shoku Putin, po buke a ke pe ushtrine, se m te forte e kishte babi jot Stalini, por e ngordhi popullin per copen bukes derisa ja mbathen ruset ng syte kembet nper bote, leri pordhet se nji ftyr keni ju te gjithe diktatoret hapeni bythesh dhe kur fillo lufta, vet fshiheni neper bunkere dhjet pash nen toke.

  2. rako ferra says:

    Pordhe me rigon
    Si ato fjalimet e Xhaxhit ne kongreset e Partise
    Njehere shkuane jashte kufijeve teBRSS dhe me nje qeveri miqesore sic qe ajo e Afganistanit te 79 dhe u detyruan pas 10 vjeteve te iknin me bisht ne shale duke derguare pas 15 mije arkivole me ushtare ruse te vrare
    Dhe fill pa nje viti u shperbene
    Edhe ne situatat e tanisheme ne Siri pjesmarrja e saj eshte vetem mbeshtetja ajrore duke bombarduare femije shtepi dhe spitale
    Kete quan sukses ky ministri i mbrojtjes kur flet per Sirine
    Ushtria ruse eshte e fuqisheme dhe perben rrezik per ish republikat e BRSS dhe shtetet fqinje Poloni Finlande Ukraine etj
    Por deri atje nje fuqi rajonale
    Me SHBA kurresesi nuk mund te krahesohet por as me fuine ushtarake te Anglezeve Francezeve apo gjermane

  3. Plaku Xhuxhumaku says:

    Forca e ushtrise ben pune vetem kur je ne lufte. Kur je ne paqe, ushtria e forte rrenon ekonomine/ A nuk u rrezua keshtu edhe Bashkimi i Lavdishem Sovjetik, me Ushtrine e Kuqe, me e forta ne Bote, qe hengri shqelma bytheve ne Afganistan?

  4. Relax says:

    Eshte mire qe Enver Hoxhaj te behet kryeminister i Rusise,edhe ashtu eshte i ,ngarkuari me pune,per te percare shqiptaret,…

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje