Një 30-vjeçar ka ndërruar jetë në fshatin Bishnicë të Pogradecit pasi banesa e tij është përshirë nga flakët.
Rreth orës 23:00 policia ka marrë njoftimin për zjarrin ku ka shkuar bashkë me forcat e zjarrfikëse.
Si pasojë e zjarrit është djegur e gjithë banesa dhe në një nga dhomat e saj është gjetur i vdekur shtetasi I.E rreth 30 vjeç.
Shkaqet e zjarrit janë ende të paqarta, por mësohet se grupi hetimor po punon për zbardhjen e rrethanave të ngjarjes.