Denoncimi i 15-vjeçares nga Vlora: Tre djem më futën në makinë dhe deshën të më përdhunojnë

perdhunimPolicia e Vlorës ka shpallur në kërkim një person, pasi më 4 janar, automjeti i tij, tip “Benz” është gjetur i braktisur në breg të detit në rrugën e Plazhit të vjetër.

Kjo, pasi një vajze 15 vjeçe ka bërë një kallëzim në polici, sipas të cilit, tre djem kanë tentuar ta marrin me forcë në më 4 janar në lagjen “24 maji” dhe kanë tentuar ta përdhunojnë.

Vajza me iniciale F.A.,  banuese në Vlorë ka kallëzuar tre djemtë që e kanë marrë me forcë në një automjet tip “Benz” dhe kanë tentuar të kryejnë marrëdhënie seksuale me dhunë.

Sipas dëshmisë së saj dhënë në polici në prezencën e familjarëve të saj, vajza është shprehur se ka arritur të iki me vrap.

Për këtë arsye, Policia e Vlorës është vënë në lëvizje pas kallëzimit të 15-vjeçares dhe sipas kallëzimit të saj, rezulton se automjeti tip “Benz” me targa  KO 6890 B, i përket shtetasit me iniciale H.K., banues në Vlorë.

Ai është shpallur në kërkim, pasi rezulton pronar i automjetit dhe do të pyetet nëse pretendimet e vajzës janë të vërteta, apo jo.

Policia ndërkohë po heton pse vajza ka bërë kallëzimin pas tetë ditësh dhe nëse rasti në fjalë është i vërtetë apo i sajuar.

REMOTE_ADDR:[]
                 Loading...