Një sulm me thikë i ka marrë jetën 32-vjeçarit nga Vlora Armando Rrapaj.
Ai u bë pjesë e një sherri me dy vëllezër të cilët e qëlluan me mjete të mprehta duke i prekur organet jetësore.
Konflikti mësohet të ketë nisur për motive të dobëta duke degraduar në përdorimin e armëve të ftohta.
Ngjarja ka ndodhur në lagjen “Partizani”, ku vëllezërit e lanë të plagosur 32-vjeçarin dhe u larguan me shpejtësi nga vendi i ngjarjes.
Ai u transportua menjëherë në spitalin e Vlorës por nuk i mbijetoi dot plagëve të marra.
Policia nisi menjëherë kërkimet e dy autorëve dhe arriti të prangosë njërin prej vëllezërve. Aktualisht vijon puna për kapjen e vëllait tjetër.
NGJARJE TIPIKE SHQIPETARE , VELLAI VRET VELLANE ,PER SHERRE BANALE .