Pajisja e përgjimit në zyrën e Tahirit, Prokuroria e Tiranës pezullon hetimin

18 Janar 2017, 16:00Kronika TEMA

Me argumentin se nuk është e mundur gjetja e autorit prokuroria e Tiranës ka pezulluar hetimet për çimkën e përgjimit gjetur në zyrën e ministrit të Brendshëm Saimir Tahiri. Hetimi nisi në muajin maj të vitit të kaluar, ku në dhomën para zyrës së Tahirit në tavolinën, ku qëndronte sekretarja e tij u gjet një pajisje përgjimi. Ajo u gjet pranë grirëses së letrave.

Prokuroria gjatë këtyre 8 muajve hetim nuk arriti të gjejë autorin pavarësisht se u morën në pyetje disa persona dhe u sekuestruan hyrje-daljen në zyrën e ministrit. Pajisja e gjetur ishte një përçues analog i përgjimeve ambientale në distancë.

Pjesa tjetër e pajisjes, ajo qe kryen regjistrimin, nuk u gjet asnjëherë. Ditën kur u gjet, pajisja ishte e fikur pikërisht, pasi i kishte mbaruar bateria. Në pajisje u gjetën disa gjurmë gishtat, të cilat nuk i shërbyen hetimit për të zbardhur këtë ngjarje. Prokuroria thotë se për momentin dosja do të qëndrojë e pezulluar. Nëse do të ketë të dhëna të reja që mund të çojnë drejt autorit atëherë prokuroria pritet të rihapë hetimin.

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje