Franca nuk do të dergojë delegacion në ceremoninë e inaugurimit të Donald Trump

Share on FacebookShare on Google+Tweet about this on TwitterShare on LinkedInShare on Whatsapp

trumpNë 20 janar 2017, republikani do të emërohet zyrtarisht presidenti i 45 i Shteteve të Bashkuara. I pranishëm do të jetë vetëm ambasadori francez në Washington. Personalitete të shumta kanë refuzuar të marrin pjesë në ceremonine tradicionale.

Nga korespondenti i Figaro në Washington

Asnjë politikan francez nuk do të jetë i pranishëm në tribunen zyrtare të ceremonisë së Inaugurimit  të Donald Trump këtë të premte në Washington. Kështu e do tradita e një evenimenti kryesisht kombëtar – duke nxjerrë nga situata, padyshim jo e favorshme, qeverinë socialiste të Francois Hollande, nisur nga qëndrimet e mbajtura më parë gjatë fushatës së Presidentit të zgjedhur.

Ftesat e ceremonisë së betimit janë shpërndarë nga rrethi i presidentit të zgjedhur, nga administrata që po largohet dhe nga të zgjedhurit e Kongresit. Deri në një milion bileta të shperndara, në pesë ngjyra të ndryshme (jeshile, portokalli, të verdhë, blu dhe argjendi), që i korrespondojnë një pozicioni në Kapitol. Pjesa më e madhe e të ftuarve përbëhet nga militantët republikanë te 50 shtetet.

Ambasadorët e 180 vendeve të përfaqësuara në Washington janë të ftuar, por jo udhëheqësit e tyre, me përjashtim të dy fqinjëve, Kanadasë dhe Meksikës. Këtë vit, Kryeministri Justin Trudeau ka njoftuar se do të ishte i angazhuar diku tjetër. Gjithshtu nuk është vërtetuar ende nëse Presidenti Enrique Peña Nieto do të jetë aty për të duartrokitur njeriun që dëshiron ti faturojë një mur 10 miliardë $ në kufirin e vendit të tij.

Ambasadori i Francës, Gérard Araud, i cili personalisht do të jetë i pranishëm, mori një kërkesë në javët e fundit nga një politikan francez ku i kërkontë të jetë edhe ai i pranishëm.  Jo pa vështirësi, Ambasadori arriti t’i gjejë një vend pranë një përfaqësuesi amerikan, gruaja e të cilit nuk mund të marrë pjesë në ceremoni, por i interesuar (të cilit ambasadori refuzon t’i japë emerin) së fundi ndryshoi mendje.  Ambasadori Araud, që pati reaguar pas fitores së Trump me anë të një Tëeet, tashmë të fshirë, ku shkruante – « Një botë po shëmbet  përpara syve tanë » – iu kërkua me ngulm nga komiteti i ceremonisë së Inaugurimit të organizojë një « festë » ne rezidencën e tij, festë e cila do të organizohet sot, më 19 Janar.

A mori ftesë Maréchal-Le Pen, deputete e partisë Fronti Nacional, mbesa e themeluesit të kësaj partie, e cila mburrej për lidhjet e saj me këshilltarin strategjik të Trump, Steve Bannon? Miku i saj, lideri i Partisë së Pavarur Angleze « UK Indipendant Party » Nigel Farage, goxha i afërt me Donald Trump, iu desh të përdorte lidhjet e tij me Qeverinë e Mississippi-t me anë të Guvernatorit Phil Bryant, për të siguruar një vend në tribunë. Disa media thonë me siguri se Jared Kushner, dhëndri i presidentit, po bën cmos që të gjejë një vend për  kryeministrin izraelit, Benjamin Netanyahu[1].

Nuk është e pazakontë për personalitetet të huaja të mburren për pjesemarrjen e tyre në këtë ceremoni. Zakonisht bëhet fjalë për një ngjarje private të organizuar rreth ceremonisë – dhe ku sigurisht pjesëmarrësit janë planifikuar  paraprakisht. Milorad Dodik, presidenti i Republikes Serbe të Bosnjes, shfaqi një ftesë në një platformë televizive, duke thënë se ishte lideri i vetëm në Ballkan që ka nderin e pjesemarrjes në nje ceremoni të tillë.  Faktkeqësisht bëhej fjalë për një ballo private të orkestuar nga militanet e « Tea Party » ( lëvizje amerikane që mbeshtet idetë konservatore republikane) gjë që nuk i mundësoi të drejtën e një vize diplomatike.

Sipas burimeve te “The Times of Israel”, kryeministri nuk do te jete i pranishem ne ceremonin e Inaugurimit. (Monitor)

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]
        
        Loading...
        

1 komente në “Franca nuk do të dergojë delegacion në ceremoninë e inaugurimit të Donald Trump”

  1. Devolliu says:

    Nuk do dergoje perfaqsues me nuk ka ftese bejne ndryshim te madh.
    Kot lodheni per te bere anoligji.
    Franca eshte fuqi berthamore dhe refuzon te jete apo jo eshte pune kellqesh, ndersa lajmi i ngjashem se dhe Shqiperia do perfaqsohet vetem me ambasadoren qe ben foto me sfond Trump eshte shume qesharak.
    Ju lutem, nuk jemi te gjithe si Mesila.

Lini një Përgjigje

Adresa juaj email nuk do të bëhet publike. Fushat e domosdoshme shënohen *