Babaramo kundër Çilit: A je vërtet liberal apo je me qeverinë e radhës

Share on FacebookShare on Google+Tweet about this on TwitterShare on LinkedInShare on Whatsapp

babaramoGazetari Ilir Babaramo ka sulmuar fort botuesin Henri Çili në lidhje me ndryshimet e shpeshta të linjës editoriale të medias së tij. Ndonëse nuk habitet se ai gjithnjë e vë mendian në favor të qeverisë së radhës, Babaramo thotë se e mban mend Çilin kur bënte në çdo studio ideologun e Bashës, tani thotë se Rama duhet të marrë dhe një mandat të dytë.

Po botojmë të plotë komentin e Ilir Babaramos:

Kolegu im i dikurshëm tek Koha Jonë nuk më befasoi as këtë herë. Henri Çili vendosi të mbajë të njëjtin qëndrim publik në favor të qeverisë së rradhës. Ashtu si në 21 Janar, si për Gërdecin në kohën e qeverisë së Berishës ashtu dhe në favor të Ramës për ligjin e plehrave. Jetojmë në një vend ku Kushtetuta garanton lirinë. Mënyra si vendos të shpallë publikisht qëndrimet e tij është për tu vlerësuar. Tek e fundit nuk fshihet, nuk I bishtnon realitetit por del hapur dhe thotë të vërtetën e vet. Por a ka të drejtë në ato që thotë?

Në debatin që ka shpërthyer së fundi për lirinë e medias, Çili u shpreh se ata që e sulmojnë janë kundër lirisë, kundër kapitalit, se është e drejta e pronarëve të medias të vendosin për linjën editoriale. Megjithatë Çili nuk I jep përgjigje pyetjes : Si shpegohet që në janarin e vitit 2017, si krejt rastësisht gjithë televizionet dhe gazetat kanë një linjë editoriale pro qeverisë ? Si shpegohet? Për cfarë arsyesh ideologjike mediat që ishin tepër kritike me Ramën para qershorit 2013 tani janë më fanatiket në favor të qeverisë? Cfarë ka ndodhur ?

Çili është një njohës I mirë I politikës dhe shtypit francez. A e imagjinon ai që gazeta 150 vjecare “Le Figaro” të ndryshojë linjën e saj editoriale brenda natës? Që pronari I saj Serge Dassault të shpallë linjën e re editoriale: do mbështesim qeverisjen e Hollande sepse është reformator dhe meriton një mandate të dytë. Dicka e paimagjinueshme për opinionin francez. Sepse “Figaro” njihet publikisht si një gazetë e djathtë, ka lexuesit e saj tradicionalë, linjën e saj tradicionale editoriale dhe cdo gazetar që nis punë aty e di se po shkon të luftojë për bindjet e tij. Gjatë 17 viteve që në Elyse ishin dy presidentë të djathtë, Shirak dhe Sarkozi a pati ndonjë ditë të vetme që gazeta “Liberation” të kishte linjë editorale në favor të dy presidentëve? E paimagjinueshme. Nëse ia bën këtë pyetje një gazetari francez të shikon si të lojtur. Kurrë nuk ndodh që ylberi të kapërcehet brenda natës.

Dhe linja editorial kurrë nuk është surprizë për gazetarët. Megjithatë Çili I shmanget pyetjes: Si shpegohet që sot gjithë mediat dhe gazetat kanë linjë editoriale në favor të qeverisë? Rastësi? Çili nuk ka përgjigje për pyetjen se si të gjithë pronarët që deri në qershorin 2013 talleshin me Ramën sot janë servilët më të mëdhenj të tij?

Themelet e shtypit shqiptar janë ndërtuar keq që në fillim të viteve 2000: sipas parimit një ndërtues një gazetë. A imagjinohet kjo në një vend të lirë, supozojmë në SHBA. Në vendin me lirinë më të madhe dhe ekonominë më liberale, cdo gjë ndahet dhe përcaktohet në dy bursat. Janë Nasdaq dhe Doë Jones. Në njërën janë kuotuar kompanitë që I përkasim industrisë së naftës dhe industrisë së armatimit, ndërsa në tjetrën kompanitë e High Tech dhe farmaceutike. Njëra mbështet republikanët dhe tjetra demokratët. Në bursë ndahen dhe gazetat me të njëjtin rreshtim. Dhe pronarët e mediave ndjekin këtë linjë editoriale, të cilin nuk e ndryshojnë në varësi të banorit të rradhës së Shtëpisë së Bardhë. Dhe tek e fundit nuk kanë mundësi teknike ta bëjnë. Sepse mediat kanë bord aksionerësh, të cilët I bashkon e njëjta filozofi. Ata zgjedhin një publisher, I cili cakton drejtorin e medias.

Mbi të gjitha linja editoriale nuk është ad nominem. Çili është një njeri I kultivuar, por besoj ndjen krupë kur shikon se shumica e botuesve të tjerë janë ca injorantë me leksik që nuk I kalon 300 fjalë që marrin drejtorët në telefon dhe u thonë : sot jemi qëndër e majtë, ndërsa nesër I kërkojnë ktheje pak timonin më majtas. Dhe kjo në varësi të drekës së fundit apo premtimit të rradhës. Sigurisht media në botë përdoret jo vetëm për të informuar por dhe për të lobuar. Lobimi bëhet për cështje të natyrës strategjikë të ekonomisë: jo për të marrë një lejë ndërtimi apo një legalizim. Sepse ky nuk është lobim, është gjobvënie.

Nëse ka një chantre të ekonomisë liberale në Shqipëri, ky është Henri Cili. Por në betejën e fundit të tij përdor argumenta që dhe komunistët Cipras dhe Melonsho nuk I përdorën sepse që të dy e pranojnë ekonominë e tregut. Nuk e di se për llogari të kujt Çili kërkon të krijojë diversion në komunitetin e gazetarëve. Çili thotë se problem I medias nuk janë pronarët por gazetarët e shumëpaguar. Ka një solidaritet si mes esnafëve, thotë ai. Përpiqet ta paraqesë tregun e punës si në mesjetë, si një pazar të mbyllur. Por nuk është ky realiteti. Emisionet në televizionet shqiptare nuk janë si qeleshepunuesit e tregut artizanal të Krujës. Eshtë një treg I matshëm. Në shumicën e rasteve gjithkush paguhet për aq sa prodhon. Dhe matja më e mira është reklama që kompanitë private paguajnë për këto emisione. Dhe nëse emisionet që mbulojnë shpenzimet mbyllen, atëherë krijohet bindja se pronari e ka përdorur gazetarin si monedhë shkëmbimi me qeverinë.

Hilja më e madhe e Çilit në daljet e tij në public është diku gjetkë. Me shumë të drejtë mbron tezat e Reganit dhe të Thecerit, por bëhet tërësisht jo bindës kur në emër të lirisë së tregut mbron oligarkët shqiptarë dhe pazaret e tyre me qeverinë e rradhës. Nuk mund të krahasohet Thecer me Nursulltan Nazarbajev. Sepse oligarkët shqiptarë , ata që morën koncensionet nga Berisha dhe po I shtojnë nga Rama janë e kundërta e konkurrencës. Ata kanë kapur për fyti ekonominë shqiptare, përdorin lidhjet me politikën dhe me pronësinë e shpallur dhe të pashpallur në media, për të dëbuar në mënyrë okulte nga tregu konkurrentët. Tregu I lirë, pa ndërhyrjet diskriminuese të qeverisë, është ajo që thonë Regan e Thecer. Në të kundërt, nuk kemi ekonomi liberale si në vendet me kulturë protestante apo anglosaksone sic ka qejf Çili të thotë. Kemi një ekonomi klienteliste si në ato republikat ish-sovjetike që të gjitha kanë prapashtesën stan.

Çili thotë se vendosi të kërkojë publikisht një mandat të dytë për Ramën se kryeministri tani është bërë liberal. Në fakt Basha ka shpallur programin më liberal për ekonominë: taksë e sheshtë 9 për qind dhe TVSH 15 për qind. Premtime më liberale vështirë se gjen , ku ke ku më të avancuara se të Ramës. Mua më duken utopi por Basha ka shqiptuar pikërisht ato ide që ideologu I dikurshëm i tij Henri Çili nuk rreshte së trumbetuari në çdo studio. Pra nëse do ishte për ide Çili s kishte përse të kalonte ylberin. Do ishte më bindës me publikun dhe më I qetë me ndërgjegjen nëse do ti qëndronte thirrjes publike që bëri ditën e zgjedhjeve : Djathtas. Ai I di vetë llogaritë e tij. Por pak kohë në opozitë do ti binte mirë për të kthjelluar idetë. Çili duhet ta kuptojë se ata që e kundërshtojnë e kanë vështirë të gëlltisin realitetin e sotëm . pse të gjitha mediat dhe gazetat që ishin me Berishën sot janë kthyer me qeverinë? Ai ka e të pamundur ti japë përgjigje pyetjes : Si shpegohet kjo “rastësi” : të gjitha mediat dhe gazetat janë sot në krah të qeverisë?

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]

6 komente në “Babaramo kundër Çilit: A je vërtet liberal apo je me qeverinë e radhës”

  1. adi xhaferi says:

    Z. babaramo ,po beni nje analize mbi themele te rrezuara qe ne nisje ! A e shikoni Ju dhe ca shoke tuaj qe Shqiperia ndryshoi ne keto vite per mire ne saje te reformave madhore qe u bene ? A te vjen ndopak ndermend se ku ishte CEZi dhe ku eshte sot OSSH ? A i shikoni me sy dhe i prekni me dore ndryshimet ne Tirane dhe ne cdo qender administrative qe nga ca fshatra te qelbura u shnderruan ne qytete te ndriteshme ? Po ca universitete private a ju kujtohen qe u mbyllen se nuk lane me diploma fallco pa dhene ?Po kete policine e shtetit a e shikon se si ka ndryshuar ? Po gropen financiare qe la Berisha ne 2013 per te pregatitur skenarin grek a ju kujtohet ? Po te vraret nga Basha dhe Berisha ne 21 janar a i mban mend?Po Gerdecin e harrove ? Po vjedhjet e zgjedhjeve ne 2011 nga Basha a te kujtohen ? Ben mire te kthjellohesh dhe te kuptosh se ajo parti i ka bere gjemen Shqiperise dhe nuk mund te qeverise dot me figura te tilla ne krye

    1. berti says:

      Asgje nuk ke kuptuar. Babaramo esjte me i majte se Rama. Babaramo e ka me kete tipon qe o mgjitet pushtetit. Sa per UT, eshte Henri qe ka perfituar me UT e tij.

    2. Albi_I says:

      Ik ore budall. Kjo qeveri nuk ka shtruar dot 2km autostrade per kater vjet e i ka bere leket rrush e kumbulla per fasada dhe ti kete e quanke merite. Sa per shendetesine e arsimin, e vemtja merite eshte drejtimi i parave te publikut drejt spitaleve dhe shkollave private. Qeveri e majte kjo…shko ore trushkundur.

  2. Qytetar says:

    Ik ore fshatar xhuxhmaxhuxh.

  3. manti says:

    Ilir kot i bini ne qafe naimit prej labinotit mal. Servilizmi i tij eshte tashme nje patente respiratore per shume e shume çilista te tjere qe verdallosen ne ate vend her me bythlepirje e here me pastrim kepucesh para politikaneve ne pozite. Por halli eshte se po ndjehet keq nga ekonomia dhe ndofta ka vendosur qe te bej disa shkurtime ne paga galopante qe u ka dhene artikullshkruesve qe i emeron si drejtor mediatik dhe qe i ka perdorur per interesat e tij edhe si analiste studiosh sa here ka pasur nevoje. Natyrisht qe te paguash lelen me dymbedhjete mije euro ne muaj eshte sa qesharake aq edhe feminore. Une nuk e di se sa paguesh ti por ….ne shifra te tilla s’besoj se ke arritur ndonjehere. Tani vijme ne nje problem tjeter. Ku i gjen parate çili qe paguan edhe nje enturazh tjeter me rroga te majme aty perreth tij. Bisnesi qe ka nen firme nuk besoj se i a siguron kete lloj lluksi. Mbase kur ishte berisha ne mos gjerbonte rridhte gjithçkah edhe tek çilja. Por me sa duket deri tani nuk ka arritur qe te shvase ndonje llokem nga aeveria aktuale. ndaj ka zgjedhur qe ti bej hosanara per ti a prishur mendjen. keshtu qe naimi i labinotit me levizjen e leles tenton qe te vrase dy zogj
    Duhet meshiruar por edhe vajtuar per situaten ku ka rene. E thote nje fjale e urte “Murri luan dhe burri sluan” Por ja qe çili ka vendosur qe te luaj. E çte keqe ka ne kete mes? Ku eshte problemi ketu? Tung prej Bostoni

  4. elezi says:

    Nuk ka asgje te keqe nese Cili beson ne lirine e tregut, rotacionin politik dhe shpreh mendimin e tij duke mbrojtur ceshtje qe i duken te arsyeshme pa dallim nese eshte e djathte apo e majte politika. Secili jep kontributin e tij ne shoqeri ne menyren qe i duket me e arsyeshme. I takon qytetareve ose atyre qe lexojne te vlersojne realisht ate cfare ofrohet.

Lini një Përgjigje

Adresa juaj email nuk do të bëhet publike. Fushat e domosdoshme shënohen *