Ngjarja e rëndë që i morri jetën një gruaje 30 vjeçe mëngjesin e sotën në zonën e Freskut në Tiranë, ndodhi për shkak të një defekti teknik.
Nëna e një fëmije ishte duke lëvizur me ashensorin e pallatit në momentin kur ky i fundit shpërtheu nga flakët.
Nga të dhënat paraprake mësojmë se flakët kanë nisur fillimisht nga një problem me rrjedhjen e vajit i cili më pas është nxehur nga lëvizjet e ashensorit.
Kjo solli edhe zjarrin në strukture.
30 vjeçarja u bllokua menjëherë brenda ambienteve të ashensorit pa pasur asnjë mundësi për të dalë.
Banorët e pallatit ku ra zjarri tregojnë momentet e tmerrit tek sa dëgjonin fqinjen e tyre që thërriste për ndihmë:
“Ajo thërriste ndihmë, ndihmë, ndihmë por ne s’mund të bënim asgjë. Shtëllunga tymi dilnin prej ashensorit.
Ne hodhëm ujë tek dera e ashensorit por nuk mundëm ta shqyenim derën!”
Forcat zjarrfikse mbëritën menjëherë në vendngjarje për të bërë të mundur shuajtien e flakëve, por pa mundur shpëtimin e jetës së 30 vjeçares.
Siç u konstatua nga ekspertët, vdekja e saj kishte ardhur nga asfiksia.
Nuk e perfytyroj dot tmerrin qe ka pare me sy. Ngushellime familjes. Eshte e frikshme…