“Balili”/ Nishani pranon kërkesën e Metës, pritet mbledhja e Këshillit të Sigurisë Kombëtare

Share on FacebookShare on Google+Tweet about this on TwitterShare on LinkedInShare on Whatsapp

keshilli-i-sigurise-komebtare1-696x464Presidenti Bujar Nishani i është përgjigjur pozitivisht kërkesës së kryetarit të Kuvendit, Ilir Meta në lidhje me mbledhjen e Këshillit të Lartë të Sigurisë për mos arrestimin në kohë të Klemend Balilit, i cili është shpallur në kërkim ndërkombëtar për trafik droge.

Sot, Presidenca njoftoi publikisht se Nishani do të mbante mbledhjen në fjalë, pas rrezikshmërisë shoqërore që paraqet sipas tyre Balili, apo dhe kërkesave të ndërkombëtarëve për arrestimin e tij.

Pavarësisht kësaj, dita se kur do të mblidhet Këshilli i Sigurisë nuk është përcaktuar ende. Dy ditë më parë, kreu i Kuvendit i dërgoi një letër presidentit Nishani, ku i kërkonte mbledhjen e Këshillit të Lartë të Sigurisë për çështjen ‘Balili’, letër e cila u publikua ekskluzivisht nga ‘BalkanWeb’, ndërsa po atë ditë kreu i Shtetit ktheu përgjigje.

NJOFTIMI I PRESIDENCËS

Kryetari i Kuvendit të Shqipërisë, Sh. T. Z Ilir Meta, në cilësinë e anëtarit të Këshillit të Sigurimit Kombëtar (KSK) i është drejtuar Presidentit të Republikës, SH. T. Z. Bujar Nishani për thirrjen në një kohë sa më të shpejtë të mbledhjes së Këshillit të Sigurimit Kombëtar, për çështjen “Balili”.

Kjo kërkesë vlerësohet serioze, pasi ajo paraqitet nga Kryetari i Kuvendit të Shqipërisë, si dhe për shkak të problematikave që parashtrohen, të cilat kanë të bëjnë me:

– Rrezikshmërinë e lartë shoqërore të shtetasit Klement Balili, përcjellë nga organet kompetente shqiptare apo ndërkombëtare.

– Shqetësimin e partnerëve tanë të SHBA dhe të tjerë ndërkombëtarë, të cilët paraqesin rezerva në drejtim të punës së organeve tona përgjegjëse për shkak të mosndalimit të tij në kohë dhe zbatimit të detyrimeve të përcaktuara në akte ndërkombëtare dhe legjislacioni vendas.

– Si dhe rrezikut që ekziston, tashmë, nga mosveprimi i agjencive ligjzbatuese të vendit tonë, në drejtim të goditjes ndaj krimit të organizuar, trafiqeve të paligjshme apo dhe bazave të tyre që mund të kontrollohen nga njerëz të politikës dhe shtetit.

Për këto arsye Presidenti i Republikës në cilësinë e Kryetarit të Këshillit të Sigurimit Kombëtar ka vendosur të thërrasë mbledhjen e Këshillit me qëllim dëgjimin e të gjitha argumenteve të parashtruara në kërkesë si dhe duke i analizuar dhe duke këshilluar me të gjithë anëtarët e Këshillit. Për datën dhe orën e mbajtjes së mbledhjes do të njoftoheni në ditët në vazhdim.

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[{"thumb":"http:\/\/www.gazetatema.net\/web\/wp-content\/uploads\/2017\/01\/keshilli-i-sigurise-komebtare1-696x464-150x150.jpg","full":"http:\/\/www.gazetatema.net\/web\/wp-content\/uploads\/2017\/01\/keshilli-i-sigurise-komebtare1-696x464.jpg","attachment_id":"621784"}]

Lini një Përgjigje

Adresa juaj email nuk do të bëhet publike. Fushat e domosdoshme shënohen *