Bamir Topi, kritikë tifozëve të Tiranës: Nuk po i njoh më

28 Janar 2017, 21:24Sport TEMA

Pamjet e dhunës të shfaqura gjatë protestës së tifozëve pak ditë më parë në kompleksin “Skënder Halili” kanë lënë një shije të hidhur tek pjesa tjetër e mbështetësve të kësaj skuadre prej shumë vitesh.

Një prej tyre është edhe ish-presidenti i Republikës dhe i këtij klubi, Bamir Topi, mbi të gjitha mbështetës i skuadrës bardheblu.

“Unë nuk jam në gjendje të them sot kush është tifoz i Tiranës. Dikur e thoja, por sot Tirana është një qytet i madh e heterogjen dhe është e drejta e gjithësecilit ta ndjekë Tiranën e të jetë tifoz i saj. Por jam i bindur për një gjë, qytetar i Tiranës së vjetër me siguri nuk është”, thotë Topi.

Sipas ish-presidentit Topi, kultura e dhunës tashmë është normale në çdo fushë, madje edhe ata që i drejtojnë skuadrat kanë të njëjtin mentalitet.

“Ai që ka një kulturë provinciale duhet t’i nënshtrohet kulturës së qytetit. Kjo vlen për politikën në Parlament, për stadiumet, për mënyrën e menaxhimit të klubeve, ku njerëz pa asnjë pasion për sportin vijnë me kulturën e dhunës dhe marrjes së aseteve”, shprehet Topi.

Megjithatë, Topi mendon se moslejimi i Partizanit në “Selman Stërmasi” nuk i rikthen dinjitetin Tiranës.

“Tiranës nuk i kthehet dinjiteti duke u marrë me kullën e barit, por duke marrë atë kështjellë morale që i takon sportit, për t’i kthyer Tiranës atë dinjitet që ka në historinë e vetë”, thotë Topi./TCH/

Lini një Përgjigje

Adresa juaj email nuk do të bëhet publike. Fushat e domosdoshme shënohen *

Lini një Përgjigje