Një bankier i korruptuar dhe miqtë e tij grabitën bizneset e vogla për të paguar pushime të kushtueshme dhe festa të çmendura me vajza eskortë dhe akuzohen se janë arkitektët e një prej mashtrimeve më të mëdha në historinë e Britanisë së Madhe.
Lynden Scourfield, ish-drejtor në kompaninë HBOS, detyroi firmat të cilat kishin nevojë për kapital, të përdornin një firmë konsultimi të paligjshme të drejtuar nga David Mills.
Duke u sjellë njësoj si Mafia, ata përdornin kërcënimet dhe zhvatjen për të marrë kontrollin e bizneseve, duke grabitur të gjithë kapitalin në llogaritë bankare dhe duke përfituar të ardhura nga borxhet e marra nga kompanitë që kishin marrë në menaxhim.
Scourfield, i cilu mburrej se ishte truri i kësaj skeme, shpërblehej me pushime luksoze, udhëtime në jahtet e Mills-it dhe përfitonte favore seksuale nga pornostare.
Të dëmtuar ishin familjet e shtresave të mesme që humbën jo vetëm kursimet e gjithë jetës, por edhe shtëpitë, pensionet, dhe madje një të dëmtuari i kushtoi edhe martesën.
Deri tani dëmi financiar shkon deri në 245 milionë sterlina, por policia tha se bashkë me koston e firmave të vogla të shkatërruara nga skema mashtruese, shifra totale e vjedhur është rreth 1 miliardë sterlina.
undefined
undefined