Nikoll Lesi tregon si ka paguar Arben Ristanin për të liruar Frangajn dhe Lekën, nga burgu i Berishës

Share on FacebookShare on Google+Tweet about this on TwitterShare on LinkedInShare on Whatsapp

ristaniNikollë Lesi, botues i gazeta “Koha Jonë” ka nxjerrë në treg librin me kujtime “Kështjella e Medias”.

Krijimi i gazetës, vazhdimësia e saj, burgosja e gazetarëve, dhuna dhe djegia e gazetës, takimet, gazetaët, situatat, lufta me pushtetin e për pushtetin, duke pasur si aktorin kryesor, në qendër të të gjithë zhvillimeve, vetë autorin Nikollë Lesi, janë dëshmia e ngritjes së një kështjelle të madhe mediatike, sic ishte “Koha Jonë”.

Por, personazhet reale, edhe sot janë aktiv në jetën publike e politike shqiptare.

Në shkurtin e 1994, u burgosën dy gazetarët e “KJ”, Martin Leka e Aleksandër Frangaj.

Nikollë Lesi rrëfen takimin me gjyqtarin që duhet t’i nxirrte nga burgu.

Emri i tij është ARBEN RISTANI.

Detaji i fshehur mjeshtërisht në rreshtat e rrëfimit, është pagesa që Nikollë Lesi, i ka bërë gjyqtarit Ristani, për të liruar dy gazetarët.

Nikoll Lesi sot është aktiv, drejton “Koha Jonë” sërish.

Ndërsa Arben Ristani është sekretar i Përgjithshëm i Partisë Demokratike, me kryetar Lulzim Bashën, raporton Newsbomb.al.

Nikollë Lesi thotë se kishte ide që të blente një shtëpi.

Se Ben Ristani në takim me të, erdhi me motor drejt, por kur iku, iku i mënjanuar, nga pesha e atyre që preku.

Ndërkohë, ëndrrën e shtëpisë, pas këtij takimi me gjyqtarin, e humbi në atë kohë, edhe si ide, sic shprehet Lesi.

Pyetja lind: Sa milionë i ka paguar Nikollë Lesi, gjyqtarit Arben Ristani, për të liruar gazetarët?

Fragment nga “Kështjella e Medias”, me autor Nikollë Lesi

Me Mandin kemi një histori interesante kur përpiqeshim për të liruar Sandrin dhe Martinin.

Duke ditur kokofortësinë e Berishës dhe frikën e gjyqtarëve menduam një mënyrë veprimi, disi shqiptare.

Nuk besonim në drejtësinë e gjykatave në raste të tilla.

Familja e Sandrit dhe Martinit më takonin orë e cast.

Rrinin në të ftohtë përpara dyerve të burgut dhe shpesh vinin te redaksia e më pyesnin.

Më shikonin mua si shpëtimtarin e tyre.

Mora informacion për emrin e gjyqtarit. Ishte Arben Ristani, i cili do të gjykonte Sandrin e Martinin.

Përvec punës që kishim përditë me tension, vendosa ta ndjek nga pas. E ndoqa atë njeri si në filma.

Mësova ku kishte shtëpinë dhe e vura re një ditë se rrinte te restorant “Pelikani”, asokohe ishte përgjatë “Rrugës së Barrikadave”.

Ai e kishte gjykuar Sandrin në Lezhë para një viti në prezencë të Azem Hajdarit. E kishte shpallur të pafajshëm.

Por tashmë kishte ndërruar loja. Pushteti ishte bërë edhe më i dhunshëm.

Ngula këmbë të takoj gjyqtarin Ristani.

Me vete kisha marrë edhe dajën e Sandrit, Lazrin, si dhe dy shoqëruesit e mi, Myslim Muratin dhe Bardh Tollen.

Që në fillim, Arben Ristani nuk e pranoi Lazrin në takim, se kishte frikë se mos ia përdornin kundër tij takimin me dy dëshmitarë.

Iu luta Arbenit të bëjë dicka.

Më tha se akoma nuk ishte në dijeni të dosjes, por premtoi se do të bënte të pamundurën për t’i liruar, pasi “edhe unë mendoj se nuk kanë faj gazetarët” tha ai.

Por, ….

Arbeni deshi të më thoshte dicka e pati frikë.

Shikoi nga daja i Sandrit, që rrinte e digjte duhan përballë.

-Liroji se nuk kanë asnjë shkelje dhe fol ca do… – i thashë.

Por ai kishte frikë nga reagimi i pushtetit.

Mesa kuptova, kishte frikë se e arrestonin edhe atë, pas gjyqit.

Si nëpër dhëmbë më tha se do të ishte mirë ta kishte vizën për të ikur. Unë kështu e përktheva fjalorin e tij hermetik.

-Do të bëj të pamundurën të gjej një vizë franceze që të ikësh nga Shqipëria, i thashë.

Dolëm. E përcolla deri diku, larg restorantit.

Ristani iku me një motor të vogël, duke u lëkundur, sikur të donte të tregonte dhe me lëvizje mëdyshjen e tij.

Kishte ardhur drejt, majë motorrit dhe po ikte i anuar, nga pesha e atyre që tha, dëgjoi dhe preku…si në ëndërr.

Sic duket lutja ime kishte bërë punën e saj.

Kisha në plan të blija një shtëpi në Tiranë, se kisha familjen në Lezhë.

Sandrit ia kisha blerë një shtëpi të bollshme, ndonëse ishte beqar.

Por pas takimit në restorant me gjyqtarin, më iku edhe shtëpia, si ide!

Ishte shumë ftohtë. Më pas mora Armand Shkullakun, i cili ishte një frëngjisht folës.

Nxituam të shkonim te restoranti francez, afër kinema “Republika”. Mandi më kishte folur për Zhyljen Roshin, një francez që ishte nga biznesmenët e parë në Shqipëri dhe ai kishte premtuar se do të vinte për drekë me një diplomat të ambasadës franceze për të dëgjuar hallin tonë…(Pjese nga libri)

Share on FacebookShare on Google+Tweet about this on TwitterShare on LinkedInShare on Whatsapp
REMOTE_ADDR:[]

5 komente në “Nikoll Lesi tregon si ka paguar Arben Ristanin për të liruar Frangajn dhe Lekën, nga burgu i Berishës”

  1. Spartaku says:

    Edhe pse Sali Berisha u ka punuar qindin ketyre monstrave,ata prap rrine ne preherin e felliqur te tij.Eshte çudi me keta lloje shqiptaresh qe nuk kane qeliza shqiptari.

  2. ali vlora says:

    Je shume i pa bdsushem dhe nuk je as shqipetar e as katolik i debotshem o Nikoll .Me kupto pse itheme keto: Je ne kohen e vonuar dhe tani keto nuk jane te reja qe gjyqtaret marrkan leke.

  3. myqerrem says:

    boll or boll me keto trimerira e sakrifica se na hape barkun

  4. Tirana says:

    Une jam dakort me komentuesin ,Ali Vlora, se eshte shume vone per ta deklaruar,si dhe te gjithe shqiptaret e dine se c’jane ata qe japin drejtesi. Jane poshtersia e ketij kombi,jane shkaterrimi i drejtesise,por ajo qe vlen eshte qe te dije populli se drejtuesit e PD,ata qe duan te marrin pushtetin e te drejtojne vendin ,jane hajdute e kriminele. Qellimi i shkrimit eshte : A duhet te vijne ne pushtet keta? A besohet Lulzim Basha , haduti i 230 milion eurve, vrasesi i 4 qytetareve me 21 janar, heshtja per Gerdecin? Po ky Ristani hadut votash, hajdut parashe ,pasi eshte rasti i dyte qe flitet hapur ne shtyp. PO Flamur Noka, pse nuk sqaron ceshtje e UDB-se ?

    1. ari says:

      tiran ti e rama se bashku me nji miljon qelbesira bet 21 janarin per bllokun e metes.kuptohet morret ngjalen e tij dy metershe qe edhe sot e keni ende ne prapanic.ju tha bastard e kokpalare dhe mu sot metes ilir jeni duke ja lepir ter at p..l-nuk ua pru frroket,ndoket,roshet e doshet saliu por u martut me ta pasi meta ju qiu.tiran sa per dijeni sot u denua bashkeshorti i edvinka rames ne amerik mushka billal shehu me nji vit burg.

Lini një Përgjigje te myqerrem Anuloje përgjigjen

Adresa juaj email nuk do të bëhet publike. Fushat e domosdoshme shënohen *