Zyrtare/ Vasili emërohet në vend të Manjanit, Monika Kryemadhi voton kundër

monaKuvendi i Shqipërisë, ashtu siç pritej, ka kaluar zyrtarisht ndryshimin në qeveri, me miratimin e shkarkimit të Ylli Manjanit dhe emërimin e Petrit Vasilit si Ministër i ri i Drejtësisë.

Në përfundim të seancës së sotme plenare, Kuvendi miratoi me 73 vota pro shkarkimin e Ylli Manjanit si dhe 3 vota kundër.

Një detaj i rëndësishëm është vota kundër e Monika Kryemadhit, bashkëshortes së kreut të LSI Ilir Meta, sa i përket vendimit për shkarkimin e Manjanit.

Ndërkohë është votuar me 76 vota pro, emërimi i Petrit Vasilit, si Ministër Drejtësie. Sakaq, për shkak të emërimit në kabinetin qeveritar, u miratua edhe emërimi i Nënkryetarit të LSI Luan Rama në Komisionision për Reformën Zgjedhore, vend që deri më tani e kishte mbajtur Vasili.

Opozita nuk mori pjesë në votim, pasi kishte braktisur seancën përpara se të niste votimi i rendit të ditës.

REMOTE_ADDR:[]
                 Loading...