Gjykata e Apelit në SHBA ka tronditur sërish “Shtëpinë e Bardhë” duke hedhur poshtë kërkesën Presidentit Donald Trump për anulimin e vendimit të një gjykate federale, që bllokoi urdhrin për revokimin e vizave për 7 vende myslimane.
Ky vendim solli protesta dhe kritika të mëdha jo vetëm në Amerikë, por edhe nga shtetet e tjera.
Gjyqtari James Robart i Uashingtonit e pezulloi përkohësisht urdhrin e presidentit javën që shkoi, pas situatës kaotike të krijuar në vend për revokimin e vizave.
Trump e cilësoi gjykatësin si qesharak. Pas kësaj, “Shtëpia e Bardhë” apeloi vendimin, por Gjykata e Apelit në San Franciso ia rrëzoi kërkesën.
Institucioni kërkon më shumë argumente nga presidenti dhe pret një seancë ankimimi javën që vjen.