Policia holandeze ka arrestuar ditën e sotme Shkëlzen Hasanpapajn, 19 vjeç, i cili ishte shpallur në kërkim si atentator i familjes Çapja.
Ngjarja ka ndodhur në shkurt të vitit të kaluar, ku mbetën të vrarë katër anëtarë të kësaj familjeje.
Për të kishte një urdhërarrest ndërkombëtar.
Hasanpapaj u identifikua nga policia pas një hetimi të gjatë nga Prokuroria e Elbasanit.
Ai ishte regjistruar nga kamerat e sigurisë të vendosura në ambientet pranë vendit ku ndodhi sulmi.
I riu është i dyshuar edhe për një tjetër atentat ndaj Florenc Çapjas në qershor të vitit të kaluar, ku mbeti i plagosur miku i tij dhe një punonjëse e policisë.