Kukësi ka triumfuar në “Selman Stermasi” përballë skuadrës së Tiranës duke vijaur pathyeshmërinë në kampionat.
Kryesuesit e kampionatit shqiptar mposhtën me rezultatin e ngushte 2-1 Tiranën, duke arritur qe te përmbysnin avantazhin e bardhebluve të cilët kaluan të parët në epersi në pjesën e parë me anë të mesfushorit Afrim Taku.
Ekipi i Ernest Gjokës arriti që të përmbysë shifrat në pjesën e dytë duke shënuar me anë të dyshes së sulmit, Pero Pejic dhe Izair Emini.
Ajo që ra në sy në këtë sfidë ishte performanca mjaft e dobët e skuadrës së Tiranës e cila inekzistente në fushën e lojës.
Përvecse braktisjes së tifozve, 24-herë kampionët e vendit janë zhytur dhe në një krizë të thellë rezultatesh duke marrë humbjen e tretë rradhazi.
Pas kësaj fitoreje Kukësi vijon të kryesojë kampionatin me 45-pikë të grumbulluara, katër pikë më shumë se Skëndërbeu dhe gjashtë pikë më shumë se Partizani.
Ndërkohë Tirana renditet në vëndin e katërt me 27-pikë./f.b